KUFUMA 3:18 - Biblia Ilagho Jiboie Kwa Wandu Wose

¹⁸ “Wandu wapo wichasikira lwaka lwako, na oho chiaimweri na waghosi wa Israeli mchaghenda kwa mzuri wa Misri mumzere, ‘Bwana, uo Mlungu wa Waebrania wakwana nesi, idana dakulomba kudisighe dighende charo cha matuku adadu kireti, dipate kumfunyira uo Mlungu odu kizongona.’

KUFUMA 3:18 ပူးပေါင်းရင်းမြစ်များ

KUZOYA 12:1

Nao BWANA ukamzera Abramu, “Fuma isanga jako, kusighe kivalwa chako, na muzi ghwa ndeyo, kujighendie isanga nichaakuwonyera.

KUZOYA 14:13

Niko aho mndumu orefufunukieghe ukacha ukamghoria Abramu Muebrania, uo orekoghe ukikaia kaavui na midi ya kuela ya Mamre Muamori mruna Eshkoli na Aneri, nawo niwo werewadaneghe na Abramu.

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

KUZOYA 48:3

Jakobo ukamzera Josefu, “Mlungu Uwadie-Ndighi-Rose orenifutukieghe aja Luzu isanga ja Kanaani, ukanirasimia ukinizera,

2 MALAGHO GHA NGELO 30:12

Wokoni wandu wa Juda wikateselwa ni Mlungu kukaia na ngolo imweri na kubonya seji mzuri na wabaa werelaghirieghe kwa ilagho ja BWANA.

ZABURI 110:3

Ituku kulwagha na wamaiza wako, wandu wako wichakufunya cha kwako. Wandu wako wa irika wichakuchea sa mami gha luma lwa nakesho aighu ya mighondi ya wueli.

KUFUMA 10:3

Nao Musa na Haruni wikaghenda na kungia kwa Farao wikamzera, “Bwana, uo Mlungu wa Waebrania waghamba huwu, ‘Kuchalegha kukusera imbiri kwapo hata lii? Sigha wandu wapo wighende winidumikie.

KUFUMA 17:5

BWANA ukamzera Musa, “Wada waghosi wamu wa Waisraeli, kukirie imbiri ya wandu andwamweri nawo; sena kudo mkonunyi kwako ija zobo korekabagha nayo moda ghwa Naili.

KUFUMA 19:1

Ituku ja imbiri ja mori ghwa kadadu, nyuma ya wandu wa Israeli kufuma Misri; wikacha kufuma Refidimu na kuvika kireti cha Sinai.

KUFUMA 25:22

Nani nichakwana nakumoni ghadi na ghadi ya iro fwana ra makerubi iwi, riko aighu ya Sanduku ya Ilaghano, na kukuneka agho malaghiro gha wandu wa Israeli.

KUFUMA 3:12

Mlungu ukamtumbulia, “Ini nichakanya andwamweri na oho; na oho kukameria kuwifunya wandu wapo Misri, kuchamtasa Mlungu aighu ya mghondi ughu. Na ugho ghuchakaia ni wuloli kukaia ni ini nakuduma.”

KUFUMA 3:16

Ghenda kuwikwanye waghosi wa Israeli chiaimweri kuwizere, ‘Bwana Mlungu wa weke ndeyo, Mlungu wa Abrahamu, wa Isaaka na wa Jakobo wanifutukie ukighamba, “Namerie kumzighana inyo na kuwona agho mwawuyabonyerwa Misri;

KUFUMA 30:36

Kuchane marumba ghamu hata ghikaie sa mufu, nao kughido andenyi ya Hema Ekwania, kughiwike naimbiri ya Sanduku ya Ilaghano. Kughitale marumba agha kukaia ghielie loli-loli.

KUFUMA 30:6

Iyo madhabahu kuiwike shighadi ya pazia, iyo iko naimbiri ya Sanduku ya Ilaghano. Aho niko nichaakwania na oho.

KUFUMA 4:1

Niko Musa ukamtumbulia BWANA, “Ela ndewichaanirumiria hata kusikira agho nighoragha, angu wichaghamba, ‘Bwana ndekufutukie kungi.’”

KUFUMA 4:23

nani nakuzera, “Sigha mwana wapo ughende, upate kunidumikia.” Kukalegha kumsigha ughende, ola nicham'bwagha mwana wako wa imbiri.’”

KUFUMA 4:24

Nao iji wavika andu kolala, chienyi wikighenda Misri, BWANA ukakwana na Musa, ukakunda kum'bwagha.

KUFUMA 4:31

Wandu wikarumiria; nawo iji wasikira wei BWANA wawichea wandu wa Israeli na angu wamerie kuwona seji wawuyakorongwa, wikaghoghomesha vongo vawo na kutasa.

KUFUMA 5:1

Konyuma Musa na Haruni wikaghenda kwa Farao wikamzera, “BWANA, uo Mlungu wa Israeli waghora huwu, ‘Wisighe wandu wapo wighende, eri winibonyere ndima kireti.’”

KUFUMA 5:3

Musa na Haruni wikatumbulia, “Mlungu wa Waebrania wakwane nesi; dakulomba kudisighe dighende charo cha matuku adadu kireti, dipate kumfunyira Mlungu odu kizongona, usechedikaba kwa makongo angu kwa lufu.”

KUFUMA 7:16

Nao kumzere Farao, ‘BWANA, uo Mlungu wa Waebrania orenidumieghe kwako nikuzere kuwisighe wandu wake wighende; wipate kumdumikia kireti; ela oho kwaduagha kusesikiragha.’”

KUFUMA 8:1

Niko BWANA ukamzera Musa, “Ghenda kwa Farao kumzere, BWANA waghora huwu, ‘Sigha wandu wapo wighende winidumikie.

KUFUMA 8:20

BWANA ukamzera Musa, “Kesho kuwuke kokio, kughende kukwane na Farao ukighenda modenyi kumzere Bwana waghamba huwu, ‘Sigha wandu wapo wighende eri wipate kunidumikia.

KUFUMA 8:23

Nichabonya mwano aghadi ya wandu wapo na wandu wako; uo mwakilimbiti uchabonywa kesho.’”

KUFUMA 9:1

Niko BWANA ukamzera Musa, “Ghenda kwa Farao kumzere, BWANA, uo Mlungu wa Waebrania waghamba huwu, ‘Sigha wandu wapo wighende eri wipate kunidumikia.

KUFUMA 9:13

Niko BWANA ukamzera Musa, “Kesho kuwuke kokio, kughende kwa Farao kumzere, BWANA, uo Mlungu wa Waebrania waghamba huwu, ‘Sigha wandu wapo wighende kunitasa.

ISAYA 64:5

Oho kwadawikaribisha awo wose wibonyagha hachi kwa kuboilwa, awo wikumbukagha kubonya malagho kara kara na chia rako. Zighana oho korekoghe kwazamilwa ni isi, ela sena dikabonya kubonya kaung'a; dikakaia luma dikibonya iro kaung'a. Da huwo dadima kukia?

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

JEREMIA 26:5

na kulindia malagho gha wadumiki wapo walodi nawuyawiduma konyu toe, hata ngera ndemuwitalie,

MITALO 17:4

Na oho kuiwike andenyi ya Hema ekwania imbiri ya Sanduku ya Ilaghano, andu nikwaniagha na oho.

JOSHUA 1:17

Dichakusikira sa iji koni deremsikireghe Musa; BWANA ndekaie na oho sa iji koni orekaighe na Musa.