KUFUMA 3:1 - Biblia Ilagho Jiboie Kwa Wandu Wose

¹ Nao iji Musa orekoghe ukilisha mfugho ra mghosi wake Jethro, mkohani wa Midiani, ukarighenja mfugho chia ya kireti cha magharibi, ukavika mghondi ghwa Mlungu aja Horebu.

KUFUMA 3:1 ပူးပေါင်းရင်းမြစ်များ

1 WAZURI 19:19

Nao Elija ukafuma aja ukaghenda; ukamkua Elisha mwana wa Shafati ukilima na mafungu ikumi na awi gha ng'ombe; ifungu ja ikumi na iwi nijo Elisha orekoghe najo. Elija ukaida kaavui nao, ukamkumbia shuka yake.

1 WAZURI 19:8

Elija ukawuka ukaja na kunywa; ukaghenda kwa ndighi ra ivo vindo matuku mirongo ina kio na dime, hata ukavika Mghondi ghwa Mlungu ghwa Sinai.

ZABURI 106:19

Werebonyereghe ngache ya dhahabu aho Sinai, wikaitasa iyo fwana ichanilo.

KUFUMA 17:6

Ola nichakaia kimusi imbiri kwako aighu ya igho aja Horebu, na oho kuchajikaba igho, najo jichafunya machi, wandu wipate kunywa.” Musa ukabonya woruwo waghosi wa Waisraeli wikiwona.

KUFUMA 18:12

Niko Jethro, mghosi wake Musa ukafunya kizongona chekora na vizongona vizima kwa Mlungu; na Haruni ukacha chiaimweri na waghosi wa Israeli wikajanya vindo na mghosi wa Musa kwa kumtasa Mlungu.

KUFUMA 19:11

na ituku ja kadadu wikaie tayari. Ituku ijo nichasea aighu ya mghondi ghwa Sinai mesonyi kwa wandu wose.

KUFUMA 19:2

Hata iji wavika aho, wikabonya kambi aisi ya ugho mghondi ghwa Sinai.

KUFUMA 19:3

Musa ukajoka mghondinyi kukwana na Mlungu. BWANA ukammbanga kufuma aho mghondinyi, ukighamba, “Kuwizere wandu wa kinyumba cha Jakobo, awo wandu wa Israeli huwu,

KUFUMA 2:16

Idana mkohani wa Midiani orekoghe na wai mfungade, nawo wikacha wikadaya machi na kughidungiria kiriwenyi chenyoshera, wipate kurinyosha mfugho ra ndee.

KUFUMA 2:18

Hata iji wameria kuwuya kwa ndee Rueli ukawizera, “Yakaia wada idime mwawuya shwa-shwa huwu?”

KUFUMA 2:21

Niko Musa ukacha ukakaia kwa uo mundu, nao ukamneka mwai wake Zipora ukaie mkake;

KUFUMA 24:13

Musa na mdumiki wake Joshua wikawuka, na Musa ukajoka cha mghondinyi ghwa Mlungu.

KUFUMA 3:12

Mlungu ukamtumbulia, “Ini nichakanya andwamweri na oho; na oho kukameria kuwifunya wandu wapo Misri, kuchamtasa Mlungu aighu ya mghondi ughu. Na ugho ghuchakaia ni wuloli kukaia ni ini nakuduma.”

KUFUMA 3:5

Mlungu ukaghamba, “Kusesoghode kaavui, rua vadu vako maghunyi kwako, kwa kukaia andu kuko kimusi ni andu kwa wueli.”

KUFUMA 33:6

Kwa huwo, wandu wa Israeli weresighieghe putu kurwa mapambo gha zoghori, nyuma ya kufuma Mghondi ghwa Sinai.

KUFUMA 4:18

Nao Musa ukawuya kwa mghosi wake Jethro ukamzera, “Nakulomba kunisighe niwuye kwa wandu wapo wiko Misri, niwizighane ngera waduagha moyo.” Jethro ukamzera Musa, “Ghenda na sere.”

KUFUMA 4:27

Nao BWANA ukamzera Haruni, “Ghenda kukwane na Musa kireti.” Niko ukaghenda; wikakwania mghondinyi ghwa Mlungu, ukamsusugha.

AMOSI 1:1

Agha ni malagho gha Amosi, uo orekoghe umu wa walisha wa Tekoa. Miaka iwi imbiri ya msughusiko ghwa ndoe, Mlungu oremfunukueghe Amosi maza aighu ya Israeli iji Uzia orekoghe mzuri wa Juda, na Jeroboamu mwana wa Joashi orekoghe mzuri wa Israeli.

MALAKI 4:4

“Kumbukenyi mafundisho gha mdumiki wapo Musa; sharia na memu neremnekieghe aja Mghondi ghwa Sinai kwa wundu ghwa wandu wose wa Israeli wipate kusikira.

MITALO 10:29

Nao Musa ukamzera Hobabu mwana wa Reueli Mmidiani uo mghosi wa Musa, “Diaghenda andu BWANA ughambie uchadineka, nndoko dighendanye, nesi dichakubonyera nicha; BWANA wawilaghirie Waisraeli mecha.”

MITALO 10:33

Nao kufuma Sinai, wandu wikadamba charo cha matuku adadu; na Sanduku ya Ilaghano erekoghe yakiria kiimbiri matuku adadu kulolia wandu andu kohoresha.

LUKA 2:8

Andenyi ya isanga jija jeni, korekoghe na walisha mlambenyi, wikilindia mfugho rawo nakio.

MABONYO GHA WADUMI 7:30

“Hata iji yaida miaka mirongo ina, malaika wa Bwana ukamfutukia Musa kireti cha Mghondi ghwa Sinai andenyi ya lumu lwa modo kisachinyi.

WUKUMBUSO 1:2

Ni charo cha matuku ikumi na jimweri, kufuma Mghondi ghwa Sinai hata Kadesh-barnea kuidia mghondi ghwa Edomu.

WUKUMBUSO 1:6

“Iji derekoghe Mghondi ghwa Sinai, BWANA Mlungu odu oredizerieghe huwu, ‘Mwakaia luma na ndighi aha mghondinyi.

WUKUMBUSO 4:10

seji morewonieghe iji morekoghe kimusi imbiri ya BWANA Mlungu onyu aja Mghondi ghwa Sinai ngelo orenizerieghe, ‘Nikwanyire wandu, nipate kuwibonya wisikire malagho ghapo, eri wipate kukufundisha kuniobua matuku ghose wichaakaia moyo ndoenyi; nawo wipate kuwifundisha wana wawo wokoni.’

WATANYI 4:11

Idana Heberi Mkeni, orekutengieghe moni na Wakeni wambao, awo wana wa Hobabu, mghosi wake Musa; nao orekoghe waidunga hema yake kula aho mualoninyi ghuko Zaananimu kaavui na Kedeshi.

1 SAMUELI 16:11

Nao Samueli ukamzera Jese, “Sena wana wako wose weko aha?” Ukatumbulia, “Ii wasighwa umweri tu mtini wawo, nao waawuyalisha ng'ondi.” Samueli ukaghamba, “Mdumirienyi, kwa kukaia ndedichaahora hata wacha aha.”