KUFUMA 28:3 - Biblia Ilagho Jiboie Kwa Wandu Wose

³ Kuwange wandu wose wiko na hikima awo niwinekie wuya; kuwizere wibonye nguwo ra Haruni, upate kuwikwa wakfu kwa wudumiki ghwa wukohani.

KUFUMA 28:3 ပူးပေါင်းရင်းမြစ်များ

1 WAZURI 7:14

Uo orekoghe mwana wa muka mkiwa wa mbari ya Naftali, ela ndee orekoghe mundu wa isanga ja Tiro, uo orekoghe na wuya ghobonya kazi ya shaba. Ukacha kwa Mzuri Solomoni, na kubonya kazi rake rose.

KUFUMA 35:10

“Mafundi ghose ghiko aghadi konyu wiko na wuya, wichacha kubonya kula kilambo chalaghirwa ni BWANA.

KUFUMA 35:25

Waka werekoghe na wuya gholuka wikareda uzi ra kitani ra buluu, zambarau, na ra ngundu wereribonyereghe.

KUFUMA 35:30

Musa ukawizera wandu wa Israeli, “Olenyi BWANA wamsaghue Bezaleli mwana wa Uri, wawae Huri, kufuma kwa mbari ya Juda;

KUFUMA 35:31

na Mlungu ukamchura Roho wake, na kumneka akili na kumanya komdimisha kubonya kazi rose ra wufundi;

KUFUMA 35:35

Wawinekie akili emanya kazi rose ribonywagha ni mafundi ghewacha, wechora, na wetola kwa kitani ndicha, na uzi wa buluu, na wa zambarau, na wa pamba ya ngundu, na waluki widimagha kubonya kazi iyo yose ya wuya angu echora.

KUFUMA 36:1

“Bezaleli na Oholiabu chiaimweri na kula mundu BWANA umnekie kudima na wuya ghomanya kubonya kazi eboisa Andu kwa Wueli, niwo wichaabonya kula ilagho karakara seji BWANA relaghirieghe.”

KUFUMA 36:2

Nao Musa ukammbanga Bezaleli na Oholiabu chiaimweri na wandu wose BWANA orewinekieghe wudimi, awo werekoghe na ngolo etesia, ukawizera wizoe kazi.

MAKATANISHO 2:6

BWANA nuo unekagha hikima; kumanya na kutambukilwa kwadafuma kwake.

ISAYA 11:2

Roho wa BWANA uchakaia aighu kwake, roho wa hikima na kumanya, roho wa njama na kudima; roho wa wuya, umuobuagha BWANA.

WAEFESO 1:17

kukaia, uo Mlungu wa Bwana odu Jesu Kristo Aba wa wubaa, umneke inyo Roho ya hikima, na ya mafunuo ghemmanya uo.

WUKUMBUSO 34:9

Joshua mwana wa Nuni ukachulwa ni hikima, angu Musa orekoghe wammbika uwade wulalo ghwake; kwa wundu ugho wandu wa Israeli wikamsikira, nao ukabonya seji BWANA oremlaghirieghe Musa.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.