KUFUMA 27:2 - Biblia Ilagho Jiboie Kwa Wandu Wose

² Kubonye mbembe rishingilo shaba, kurikwanye na kona inya ra madhabahu rikaie kindo chimweri.

KUFUMA 27:2 ပူးပေါင်းရင်းမြစ်များ

1 WAZURI 1:50

Adonija ukikaia na wowa m'baa kwa kumuobua Solomoni, ukawuka na kughenda cha Hemenyi. Ukawadia mbembe ra madhabahu.

1 WAZURI 2:28

Malagho ghiendamvikia Joabu, na angu oremteserieghe Adonija, hata ngera saki nderemteserieghe Absalomu, ukakimbia kwa ija Hema ya BWANA na kuriwadia mbembe ra madhabahu.

1 WAZURI 8:64

Ituku ijo jeni, ukawika waza ya ghadi na ghadi wakfu, iyo erekoghe naimbiri ya Hekalu. Ukafunya vizongona vekora aho, na vizongona va viro, na mavuda gha iro nyamandu kwa wundu ghwa vizongona va mapatano. Orebonyereghe huwo kwa kukaia madhabahu ya shaba edeeka ndini isedimagha kukata ivo vizongona vose.

2 WAZURI 16:14

Ukainja ija madhabahu ya shaba erewikiloghe imbiri ya BWANA kufuma aja naimbiri ya nyumba, aja ghadi na ghadi ya ija madhabahu yake na nyumba ya BWANA, ukaiwika cha kaskazinyi ya ija madhabahu mbishi.

2 MALAGHO GHA NGELO 4:1

Mzuri Solomoni orebonyereghe madhabahu ya shaba wulacha na wushapa ghukatane ghwa meta ikenda na wuighu ghwa meta inya na nusu.

ZABURI 118:27

BWANA ni Mlungu, wakaie mucha kodu. Zoenyi ndima na masawi mkonunyi mkighenda kuimara madhabahu.

KUFUMA 27:3

Kubonye nyungu redikilwa ni ivu na miiko, bakuli, uma, na sufuria rewika modo. Ivo vilambo vose vikaie va shaba.

KUFUMA 29:12

kuwade bagha imu ya njau na chala chako, kuishinge mbembe ra madhabahu; iyo bagha yasigharika, kuidunge kondonyi madhabahunyi.

KUFUMA 38:30

Shaba iyo yose niyo eretumiloghe kwa kubonya vishawalata va nandonyi ya mbenge ya Hema Ekwania, na iyo madhabahu ya shaba, chekecheke ya shaba, na vilambo varo vose;

EZEKIELI 43:15

Naighu ya madhabahu, aho vizongona vikorelwagha, erekoghe na wuighu ghwa meta iwi. Kufuma aho koredungiloghe na mbembe inya ra madhabahu.

WALAWI 16:18

Niko uchaghenda madhabahunyi iko imbiri ya BWANA, kuielesha. Aho uchawada bagha imu ya njau, na imu ya mburi, na kuimichira mbembe rose ra madhabahu.

WALAWI 4:18

Sena uja Mkohani M'baa uchashinga bagha imu kwa iro mbembe inya ra madhabahu iko andenyi ya Hema ekwania imbiri ya BWANA, na bagha yasigharika uchaidia nandonyi ya madhabahu ya vizongona vekora iko mnyangonyi ghwa Hema ekwania.

WALAWI 4:25

Niko mkohani uchawada bagha imu ya kizongona kwa wundu ghwa kaung'a na chala chake, na kuishinga aighu ya mbembe ra madhabahu ekoria vizongona; na bagha yasigharika uchaidia nandonyi ya madhabahu ghekoria vizongona.

WALAWI 4:7

Sena uja Mkohani M'baa uchadunga bagha imu kwa iro mbembe inya ra madhabahu efukiria marumba imbiri ya BWANA, iko andenyi ya iyo Hema ekwania. Iyo bagha yasigharika, uchaidia nandonyi ya madhabahu ya vizongona vekora iko mnyangonyi ghwa Hema ekwania.

WALAWI 8:15

Nao Musa ukaibwagha, ukawada bagha na chala chake ukarishinga rija mbembe inya ra madhabahu na kuielesha; ukadia bagha nandonyi ya madhabahu na kuiwika wakfu ipate kukaia ereda mapatano.

ZEKARIA 9:15

BWANA Uwadie-Ndighi-Rose uchawilindia wandu wake, nawo wichawitotesha wamaiza wawo; wichakema wudenyi sa wawongeri, nawo wichawibwagha wamaiza wawo, bagha yawo ichadika sa ya vizongona yadilwa madhabahunyi.

MITALO 3:31

Na kazi yawo edeeka kuzighana iyo Sanduku ya Ilaghano, meza, kinara cha taa, madhabahu, vilambo va Andu kwa Wueli kuchumbie, na wudumiki ghose ghwa ivo vilambo.

WAEBRANIA 6:18

eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.