KUFUMA 27:16 - Biblia Ilagho Jiboie Kwa Wandu Wose

¹⁶ Mbenge cheni ya wurigha ichakaia na pazia ya wulacha ghwa meta ikenda ra nguwo ya kitani iboie ilukilo na uzi wa buluu, zambarau, na wa ngundu, itolelo nicha. Iyo pazia ichawadilwa ni nguro inya, na vishawalata va nandonyi vina.

KUFUMA 27:16 ပူးပေါင်းရင်းမြစ်များ

ZABURI 45:14

waghenjwa kwa mzuri urushiro marwao gha rangi nyingi; ukwanye na wawuchi wake, wai wielie; wimfumiragha kwake.

KUFUMA 26:31

“Kubonye pazia ya kitani iboie, ilukilo kwa uzi wa buluu, zambarau, na wa ngundu. Kuitole fwana ra makerubi wiko na mawawa.

KUFUMA 26:36

“Mnyangonyi ghongia cha hemenyi kubonye pazia ya kitani iboie kwa wundu ghwa mnyango ghwa Hema, ilukilo kwa uzi ra buluu, zambarau na ra ngundu; itolelo nicha.

KUFUMA 27:15

Ulo luwaru lumu lwa mbenge ya ugho wurigha, kuchakaia na pazia ya meta irandadu na pointi irandadu; chiaimweri na nguro idadu, na vishawalata varo va nandonyi vidadu.

KUFUMA 27:17

Nguro rose, kumara ugho wurigha, richafungwa na kamba ra feza, koleo raro rikaie ra feza, na vishawalata varo va nandonyi vikaie va shaba.

KUFUMA 28:39

“Kuluke ijoho ja Haruni jitolelo kwa kitani ndicha, sena kubonye kiremba cha kitani ndicha, na kamba yaro itolelo nicha.

KUFUMA 36:37

Wikabonya pazia zima ya mnyango ghwa hema kwa kitani ndicha ilukilo na uzi wa buluu, zambarau, wa ngundu itolelo nicha.

KUFUMA 39:29

Na mkowa ghwa kitani ndicha ilukilo, na uzi ra buluu, zambarau, na ra ngundu ghutolelo kwa wuya, sa iji koni BWANA oremlaghirieghe Musa

MITALO 3:26

Wurigha ghwa nguwo ghwa wazenyi, pazia ya mnyango ghwa wazenyi, iyo iko mbai mbai ya Hema na madhabahu, na pazia ya mnyango, na wudumiki ghose ghwa ivo vilambo.

WATANYI 5:30

‘Kewada ndawadawagha mali waiwada; mwai umweri angu wawi kwa mundu umweri, nguwo ra rangi riwadilo kwa wundu ghwa Sisera, nguwo ra rangi ritolelo riwadilo, vipande viwi va nguwo ra rangi vitolelo, viwadilo kwa wundu ghwa singo ya malkia?’