KUFUMA 26:7 - Biblia Ilagho Jiboie Kwa Wandu Wose

⁷ “Kuibonyere iyo Hema kifuniko cha vipande ikumi na chimweri va nguwo ibonyero kwa mafuri gha mburi.

KUFUMA 26:7 ပူးပေါင်းရင်းမြစ်များ

ZABURI 45:13

Mwai wa mzuri oko chumbenyi kwake upambilo nicha, marwao ghake gheelukwa na uzi wa dhahabu;

KUFUMA 25:4

kitani iboie, uzi wa buluu, zambarau na wa ngundu; nguwo ribonyero na mafuri gha mburi,

KUFUMA 26:1

“Wokoni kubonye Hema ya Wueli, iyo Hema ya andu dikwaniagha; kuibonye na vipande ikumi va kitani iboie ilukilo kwa uzi, wa rangi ya buluu, zambarau, na ya ngundu, itolelo fwana ra makerubi kwa wuya.

KUFUMA 26:12

Kukuchuo icho kipande chikuchiroghe nusu yaro inyonyore na nyuma ya iyo Hema.

KUFUMA 26:14

Kubonye vifinikiro viwi va Hema, chimu cha mirongo ya bauru ishingilo rangi ya ngundu, na chimu cha mirongo ya mburi iboisiro nicha.

KUFUMA 26:6

Kubonye koleo mirongo misanu, ra dhahabu kupate kuvikwanya ivo vipande viwi viwuye kipande chimweri.

KUFUMA 26:8

Vipande vose vikaie vikatane; wulacha meta ikumi na idadu, na wushapa meta iwi.

KUFUMA 26:9

Kudunganye vipande visanu vikaie chimweri, na vipande vimu virandadu vikaie chimweri. Kipande cha karandadu, kuchikuche mando awi aighu na imbiri ya iyo Hema.

KUFUMA 35:23

Uo ose orekoghe na kitani ndicha, na uzi ra buluu, na ra zambarau, angu ra ngundu, nguwo ya mafuri gha mburi, mrongo ghwa bauru ghushingilo rangi ya ngundu, angu mrongo ghuboie; wikavireda vose.

KUFUMA 35:26

Waka wose werenyavurishiroghe ngolonyi, wikaboisa uzi kwa mafuri gha mburi.

KUFUMA 35:6

kitani ndicha, uzi ra buluu, na ra zambarau na ra ngundu; nguwo ribonyero kwa mafuri gha mburi;

ISAYA 4:5

Niko BWANA uchabonya aighu ya Mghondi ghose ghwa Sioni, na aighu ya ikwanyiko jose ja wandu, iwingu jiwoneke ngelo ya nadime, na mosi, na lumu lwa modo ghuakagha ngelo ya nakio; wubaa ghwa Mlungu ghuchafinikira ugho muzi sa chandarua na kughulindia.

MITALO 3:25

Kazi ya wana wa Gershoni werenekeloghe andenyi ya Hema ekwania edeeka kuzighana nandenyi yaro, na cha shighadi yaro, na pazia ya mnyango ghwaro.

MITALO 31:20

Mueleshe kula nguwo, na kula kindo cha mrongo, na kula kilambo chibonyero kwa mafuri gha mburi, na kula kilambo chibonyero kwa mbau.”

MITALO 4:25

wichaduka pazia ra Hema, na kifuniko cha nandenyi na cha shighadi, kifuniko charo cha mrongo ghwa mburi, icho chiko aighu yaro; na pazia ya mnyangonyi ghwa Hema ekwania,

1 PETRO 3:4

ela kukaie kwa mundu uvisikie wa ngolonyi, uko na lulu isenonekagha ya roho ya wumboa, ihorie; nayo yawadie zoghori mbaa imbiri ya Mlungu.

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”