KUFUMA 24:3 - Biblia Ilagho Jiboie Kwa Wandu Wose

³ Musa ukacha na kuwighoria wandu memu na Sharia rose ra BWANA; na wandu wose kwa wumweri wikatumbulia, “Dichabonya maza rose sa iji BWANA waghora.”

KUFUMA 24:3 ပူးပေါင်းရင်းမြစ်များ

2 MALAGHO GHA NGELO 15:14

Wikam'bonyera BWANA igemi kwa lwaka lubaa, na kwa kukema, na kwa kukaba tarumbeta, na chwembe.

2 MALAGHO GHA NGELO 15:15

Wandu wa Juda wose wikazuma aighu ya igemi ijo; angu wereghemieghe kwa ngolo rawo rose, na kumlola kwa lukundo lwawo lose, nawo wikammbona; BWANA ukawineka kuhora andu kose.

ZABURI 50:5

Waghamba, “Nikwanyienyi wandu wapo waloli awo wibonyere ilaghano nani kwa kizongona.”

KUFUMA 19:8

Wandu wose wikamtumbulia wikighamba, “Dichabonya malagho agho ghose BWANA ughorie.” Musa ukamghoria BWANA seji wandu weretumbulieghe.

KUFUMA 24:2

Na oho kumoni kuekeri kuchacha kaavui nani, kusekwanye na mndungi. Wandu wisejoke mghondinyi.”

KUFUMA 24:7

Ukawusa chuo cha malaghano, andu malaghiro gha BWANA ghereandikiloghe; ukaghishomia wandu kwa lwaka. Nawo wikaghamba, “Dichamsikira BWANA, na kubonya agho ghose oreghilaghirieghe.”

JEREMIA 11:4

Nerewilaghirieghe weke ndeyo ilaghano ijo, ngelo nerewifunyagha isanga ja Misri, kufuma ijo iriwa ja modo, ngighamba, munisikire na kubonya malagho agho nimlaghiragha, mpate kuwuya wandu wapo na ini nikaie Mlungu onyu;

JEREMIA 34:13

Mlungu wa Israeli ukanizera nighorie wandu, “Nerebonyereghe ilaghano na weke ndeyo ngelo nerewifunyagha isanga ja Misri kufuma wuzumbenyi ngighamba,

HAGAI 2:5

Sa iji koni neremlaghirieghe mkifuma Misri kukaia nichakaia andwamweri nenyo, ni huwo koni neko chiaimweri nenyo; msakeobua.

MALAKI 2:10

Welee, isi diwose ndedeeka na aba umweri? Ndedeeumbwa ni Mlungu umweri? Kwaki sena dasowiana wuloli diweni na diweni, na kwaki dijimenyagha ilaghano jibonyero ni Mlungu kwa weke wawa?

WUKUMBUSO 11:1

“Mumkunde BWANA Mlungu onyu, na kuwadia sharia rake rose.

WUKUMBUSO 4:1

Musa ukawizera wandu wa Israeli, “Msikire sharia rose nimfundishagha; mpate kukaia moyo, mngie na kujiwada ijo isanga BWANA Mlungu wa weke ndeyo umnekagha.

WUKUMBUSO 4:45

naro niro kanuni, na sharia, na malaghiro agho Musa orewighorieghe iji werefumieghe Misri,

WUKUMBUSO 4:5

“Namfundishire sharia yose na malaghiro, sa iji koni BWANA Mlungu wapo unizerie; mpate kughibonya andenyi ya isanga mungiagha kujiwusa.

WUKUMBUSO 5:1

Nao Musa ukawiwanga wandu wose wa Israeli ukawizera “Sikira ee Israeli iro sharia na mafundisho nimghoriagha idime, mkufundishe sena mlindie kurikatisha.

WUKUMBUSO 5:31

Ela oho kaia aeniaha kaavui nani, nani nichakuneka memu yose na sharia na malaghiro agho kuchaawifundisha, eri wipate kughibonya andenyi ya ijo isanga nichaawineka wijiwuse.’

WUKUMBUSO 6:1

“Idana ughu nigho momu na sharia na malaghiro, agho BWANA Mlungu onyu orenilaghirieghe nimfundishe, eri mpate kughikatisha andenyi ya isanga ijo mghendagha kujiwusa.

JOSHUA 24:21

Awo wandu wikamzera Joshua, “Hata! Isi dichamdumikia BWANA.”

JOSHUA 24:22

Joshua ukawizera, “Mwakushuhudia mmbeni kukaia mwasaghua BWANA mpate kumdumikia.” Wikamtumbulia, “Isi de washahidi.”

JOSHUA 24:24

Awo wandu wikamzera Joshua, “Dichamdumikia BWANA Mlungu odu, na kumsikira.”