KUFUMA 22:9 - Biblia Ilagho Jiboie Kwa Wandu Wose

⁹ “Mwandu ugho ghose ghwa vilambo wandu wawi wisepatanagha aighu yaro ikaiagha ng'ombe, punda, nguwo angu kilambo icho chose chilagharie; awo wandu wawuyakwanywa ni ivo vilambo, wicharedwa nyumbenyi etasira Mlungu. Uo mundu Mlungu uchamdukana kukaia mkosi, uchalipa mmbao mando awi.

KUFUMA 22:9 ပူးပေါင်းရင်းမြစ်များ

KUZOYA 31:39

Iyo erebwaghiloghe ni nyamandu serekuredieghe anduangi, ela nedeilipa nimoni. Oho korenilawirieghe iyo yose ereiwiloghe na dime hata na kio wori.

1 WAZURI 8:31

“Mndungi ukamkosera mmbao, na kuredwa madhabahunyi kwako andenyi ya Hekalu ihi upate kubonya ighemi seji usewadie ikosa,

2 MALAGHO GHA NGELO 19:10

ngelo yose wanyinyu wikareda malagho kufuma mizinyi kwawo, ghebwagha, angu gha Sharia, angu memu, angu malaghiro, angu mawiko, muchawiwonyera; eri wisechebonya ikosa jingi imbiri ya BWANA, uchem'bonyera machu inyo na wanyinyu. Mkabonya huwo ndemchaakosa.

KUFUMA 22:10

Mundu ukarumiria kuturilwa ni mmbao punda, njau, ng'ondi, angu nyamandu iyo yose, nao ifo angu kushoghonoka angu iwuso kwa ndighi isewonelo ni mndungi,

KUFUMA 22:28

“Kusakemdukana Mlungu, hata kusakemmbwasira njowe m'baa wa wandu wako.

KUFUMA 22:4

Iji iyo nyamandu uiiwie yakulwa kwake iko moyo, ngera ni ng'ombe, punda angu ng'ondi, uchalipa mando awi.

WALAWI 6:5

angu kilambo chingi chim'bonyere ukaghema kwa tee; uchavilipa vose sena uchurie mirongo iwi kwa ighana aighu yaro na kumneka mundu waro ngelo efunya kizongona chake kwa wundu ghwa makosa.

MATHAYO 18:15

“Iji mwanyinyu wakubonyera kaung'a, ghenda kummbonyere ikosa jake muko wawi. Ukakusikira, kwampata mwanyinyu.

MATHAYO 18:35

Ni huwo koni Aba uko mlungunyi ndechaamleka inyo, ngera mselekanagha mmbeni na mmbeni kwa ngolo renyu rose.”

WUKUMBUSO 25:1

“Wandu wawi wikakwanywa ni ilagho jingi, nawo wiche mwandunyi kutanywa, na watanyi widumbuo mwandu na kumlekera umundu usekosere, na kumtanya umundu ukosere,