KUFUMA 20:3 - Biblia Ilagho Jiboie Kwa Wandu Wose

³ “Kusakekaia na milungu mizima imbiri kwapo.

KUFUMA 20:3 ပူးပေါင်းရင်းမြစ်များ

1 WAZURI 11:4

Ngelo ya wughosi ghwake, waka wake wikaghalua ngolo yake kutasa milungu mizima hata nderekoghe mloli kwa Mlungu wake seji ndee Daudi orekoghe.

ZABURI 29:2

Mnekenyi BWANA wubaa ghwa irina jake; mtasenyi na marwao gha wueli.

ZABURI 73:25

Ni ani niko nao mlungunyi ela oho? Hata ndekuwadie kindo chingi ndoenyi nichikundagha kuchumba oho.

ZABURI 81:10

Ini ne BWANA Mlungu wako, uo orekufunyireghe isanga ja Misri. Tambarua momu ghwako, nani nichakujisha.

ZABURI 81:9

Ndekuchaakaia na mlungu ghungi ghwa kighenyi aghadi kwako; kusetase mlungu ghwa kighenyi.

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

KUFUMA 20:23

Msakekubonyera mmbeni milungu ya feza angu dhahabu kuitasa chiaimweri nani.

KUFUMA 22:19

Mundu uo ose ulalagha na nyamandu ubwagho.

KUFUMA 23:24

Msakeghoghoma kuitasa milungu yawo, hata msakenugha mizango yawo ya dini; ela mchanona na kuchikanya putu andu kwawo kotasira.

KUFUMA 32:8

Wameria kuisigha ija chia nerewilaghirieghe kuinugha, nawo wakubonyera weni ngache ya dhahabu, wikaitasa na kuifunyira vizongona wikighamba wei uo nuo mlungu wawo uwifunyire Misri.

KUFUMA 34:14

Kusaketasa mlungu ghungi mzima, angu ini BWANA ne Mlungu wa iriso.

ISAYA 26:4

Kumrumirie BWANA matuku ghose, angu BWANA MLUNGU ni mbanga ya kala na kala.

ISAYA 42:8

Irina japo ini ni BWANA, sichaamneka mndungi wubaa ghwapo; hata sichaasighia milimu iwachilo makaso ghapo.

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

ISAYA 44:8

Msakeobua, hata msebonye kiture; Welee, simghorieghe kufuma imbiri hata ngamtangazira? Na inyo moko washahidi wapo. Welee, oko Mlungu ungi kunichumba ini? Siichi ungi uko Igho kunichumba Ini.”

ISAYA 46:9

Rikumbukenyi maza ra kala, mmanye angu ne Mlungu ini, hata ndekuwadie ungi mzima; ini ne Mlungu, hata ndekuwadie ungi ufwanane nani.

JEREMIA 25:6

Msenughe milungu mizima mkiidumikia na kuitasa; mchemvavira BWANA na kuwusira machu ghake kwa iro kazi ra mikonu yenyu. Aho niko nao moni usechaamkaba anduangi.’

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

DANIELI 3:18

Ela ukakaia usebonyere huwo, kumanye ee mzuri, isi ndedidimagha kuidumikia milungu yako, hata kuitasa ija fwana ya dhahabu koreiwikieghe.”

HOSEA 13:4

BWANA waghamba, “Ini ne BWANA Mlungu wako nikufunyire kufuma isanga ja Misri. Ndekuwadie Mlungu ungi mzima ela ini moni, ndekuwadie mkiri ungi mzima kunichumba ini.

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

1 WAKORINTHO 8:4

Wokoni na kuja vindo vifunyiro kizongona kwa milimu, isi damanya angu “Milimu si kilambo chingi,” na angu Mlungu ungi mzima ndeuko, ela umweri.

1 WAKORINTHO 8:6

ela kodu isi Mlungu ni umweri, uja Aba, Muumbi wa vilambo vose; nesi kwa wundu ghwake, dadakaia moyo; na Bwana umweri Jesu Kristo, kwa chia yake uo, vilambo vose vereumbiloghe; na kwa chia yake uo, isi dakaia moyo wori.

WAEFESO 5:5

Manyenyi kwa loli, ndekuwadie mlaki ungi, angu mundu useelie, angu mundu wa iriso (nao nuo mtasi milimu), uko na ifwa jingi andenyi ya wuzuri ghwa Kristo na ghwa Mlungu anduangi.

WUKUMBUSO 5:7

“‘Kusakekaia na milungu mizima imbiri kwapo.

WUKUMBUSO 6:14

Kusakeinugha milungu mizima ya awo wandu mkwanye kaavui;

WUKUMBUSO 6:5

na oho kumkunde BWANA Mlungu wako kwa ngolo yako yose, na kwa roho yako yose na kwa ndighi rako rose.

WAFILIPI 3:19

Kutua kwawo ni kutota, mlungu ghwawo ni vifu vawo, wakukasa kwa maza iwifwane wiriwonie waya, nawo wiaghesha maza ra ndoenyi.

WAKOLOSAI 2:18

Mndungi usakemtanya kwa kuzitiria malagho ghake gha wundu ghwa kukusera, na kutasa weke malaika, ukikusaghika aighu ya kuwona mawono, na kukujosa duu kwa maririkanyo ghake gha kimmbi;

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.

WUFUNUO 22:9

Ela uo ukanizera, “Kusakebonya huwo! Ini ne mdumiki sa kumoni, na sa wanyinyu awo walodi na awo wighiwadiagha malagho gha wulodi ghwa chuo ichi; kumtase Mlungu.”

WATANYI 6:10

Niko ngamzera kukaia ini ne Bwana Mlungu onyu, msaketasa milungu ya Waamori awo mwawuyakaia isangenyi jawo. Ela ndemorenisikireghe anduangi.”