KUFUMA 2:23 - Biblia Ilagho Jiboie Kwa Wandu Wose

²³ Nyuma ya miaka imu, uja mzuri wa Misri ukafwa, ela Waisraeli werekoghe wikisirimwa aisi ya wuzumba; wikalila wikilola wutesia. Kililo chawo chikamvikia Mlungu.

KUFUMA 2:23 ပူးပေါင်းရင်းမြစ်များ

KUZOYA 16:11

Ola koko na kifu, na oho kuchava mwana wa womi, na irina jake kuchammbanga Ishmaeli, angu BWANA wasikira kililo chako.

KUZOYA 4:10

Aho BWANA ukamzera, “Kwabonya wada? Lwaka lwa bagha ya mwanyinyu lwawuyakema imbiri kwapo kufuma ndoenyi.

NEHEMIA 9:9

“Korewonieghe seji weke aba werejieghe wasi Misri; kukasikira kililo chawo aho Bahari ya Shamu.

AYUBU 35:9

“Wandu wikakakorongwa wadakema; wadalomba wutesia kufuma kwa mndumu uwadie ndighi.

ZABURI 102:1

Sikiria ilombi japo ee BWANA, naawuyakema kunitesie.

ZABURI 102:2

Kusakekuvisa ngelo niko na wasi, Kunideghie kudu kwako, iji nawanga kusemuke kunitumbulia.

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 18:6

Neremmbangieghe BWANA, niko andenyi ya wasi ghwapo, ngamlilia Mlungu unitesie. Ukasikira lwaka lwapo uko Hekalunyi kwake, na kililo chapo chikamvikia.

KUFUMA 1:14

wikabonya maisha ghawo kukaia gha wasi kwa wundu ghwa kazi rikurie; kazi ya chokaa na matofali, na kula kazi ya mbuwenyi; kwa kula kazi yawo, werewidumikishireghe kwa kubia.

KUFUMA 4:19

BWANA ukamzera Musa uko Midiani, “Wuya Misri; angu awo wose werekulolagha wikubwaghe wamerie kufwa.”

KUFUMA 6:5

Sena aighu ya agho, namerie kusikira kusirimika kwa wandu wa Israeli; awo wawuyawikwa wuzumbenyi ni Wamisri, nani najikumbuka ilaghano japo.

KUFUMA 6:9

Musa ukawighoria wandu wa Israeli agho malagho, ela ndeweremsikireghe Musa, angu werefueghe ngolo kwa wundu ghwa ugho wuzumba ghwa lung'eto werebonyeroghe.

KUFUMA 7:7

Uo Musa orekoghe mundu wa miaka mirongo wunyanya na Haruni mirongo wunyanya na idadu iji wereghoragha na Farao.

ISAYA 19:20

Ichakaia alama na wushahidi kwa BWANA wa majeshi andenyi ya isanga ja Misri; nawo wikamkemia BWANA kwa wundu ghwa wakorongi, uchawidumia mkiri, nao uchawilindia na kuwikira.

ISAYA 5:7

Wandu wa Israeli niwo iyo mbuwa ya BWANA wa majeshi, na wandu wa Juda niwo ugho mzabibu ghuboie oreghuwaeghe; ukalola kuwona loli ikibonywa, ela wulalo ghwaro ukawona kifwa, ukalola kuwona mabonyo gha hachi, ela wulalo ghwaro ukasikira kililo.

MITALO 20:16

Na iji deremlilieghe BWANA, oredisikireghe, nao ukamduma malaika, ukadifunya Misri, nesi deko aha Kadeshi, muzi ghuko mpakenyi ghwa isanga jako.

MABONYO GHA WADUMI 7:30

“Hata iji yaida miaka mirongo ina, malaika wa Bwana ukamfutukia Musa kireti cha Mghondi ghwa Sinai andenyi ya lumu lwa modo kisachinyi.

WUKUMBUSO 24:15

Kumneke ifungu jake ijo ituku jeni iruwa jiseneng'enere; (angu uo ni mkiwa, najo nijo jeni wawuyajisuwiria;) usechemlilia BWANA aighu yako, na ilagho ijo jitalo kukaia kaung'a andenyi kwako.

JAKOBO 5:4

Olenyi mafungu gha wadumiki wimlimie mbuwa, nenyo mwaghilegherie kwa mikalo, ghaawuyakema; na kililo cha awo wikuwidire, chasikirika kwa Bwana wa majeshi.

WATANYI 4:3

Jabini orekoghe na magare gha chuma maghana ikenda, nao ukawibonyera nguma wandu wa Israeli kwa kinyanya na lung'eto kwa miaka mirongo iwi. Wandu wa Israeli wikamlilia BWANA upate kuwitesia.

1 SAMUELI 12:8

Ngelo Jakobo oreghendieghe Misri chiaimweri na wandu wake, Wamisri werewikorongieghe; na weke ndeyo wikamkemia BWANA, nao ukawineka Musa na Haruni, wikawifunya weke ndeyo kufuma Misri na kuwiwika iji isanga mwawuyajikaia.

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”