KUFUMA 2:16 - Biblia Ilagho Jiboie Kwa Wandu Wose

¹⁶ Idana mkohani wa Midiani orekoghe na wai mfungade, nawo wikacha wikadaya machi na kughidungiria kiriwenyi chenyoshera, wipate kurinyosha mfugho ra ndee.

KUFUMA 2:16 ပူးပေါင်းရင်းမြစ်များ

KUZOYA 14:18

Na Melkizedeki mzuri wa Salemu ukamredia mkate na divei, nao orekoghe ni Mkohani wa Mlungu-Uko-Aighu-Nandighi.

KUZOYA 24:11

Nao ukaridungisha ngamila ngokoro shighadi ya muzi kaavui na kiriwa cha machi, ngelo ya luma lwa kenyi lwa waka kudaya machi.

KUZOYA 24:13

Zighana nakaia kimusi aha kaavui na kiriwa cha machi, na wai wa wandu wa muzi ughu wawuyacha aha kudaya machi.

KUZOYA 29:2

Nao ukizighana ukawona kiriwa chimu mlambenyi, na maranu adadu gha ng'ondi ghiko mbai-mbai yaro. Aho niko mfugho rose rinywagha machi, nacho cherefinikiroghe na igho ibaa momunyi kwaro.

KUZOYA 41:45

Ukammbanga Josefu irina ja Kimisri Zafenathi-panea, nao ukamlowora Asenati mwai wa Potifera, mkohani wa muzi ghwa Oni. Nao Josefu ukafuma na kujisela isanga jose ja Misri.

KUFUMA 18:1

Jethro, uja mkohani wa Midiani, nao ni mghosi wake Musa, ukasikira agho ghose Mlungu orebonyereghe kwa Musa na kwa wandu wake Waisraeli; kwa kuwifunya Misri.

KUFUMA 18:12

Niko Jethro, mghosi wake Musa ukafunya kizongona chekora na vizongona vizima kwa Mlungu; na Haruni ukacha chiaimweri na waghosi wa Israeli wikajanya vindo na mghosi wa Musa kwa kumtasa Mlungu.

KUFUMA 3:1

Nao iji Musa orekoghe ukilisha mfugho ra mghosi wake Jethro, mkohani wa Midiani, ukarighenja mfugho chia ya kireti cha magharibi, ukavika mghondi ghwa Mlungu aja Horebu.

1 SAMUELI 9:11

Hata iji werekoghe wikijoka mghondinyi kuvikia ugho muzi, wikakwana na wai wikisea kwendadaya machi, wikawikotia, “Welee, Mmboni oko aha?”