KUFUMA 16:3 - Biblia Ilagho Jiboie Kwa Wandu Wose

³ wikawizera, “Erekaiagha nicha ngera BWANA odedibwaghia isanga ja Misri, aho dereserieghe kidombo aghadi ya sufuria ra nyama, dikija mikate na kughuda. Ela inyo mwadireda ichi kireti kubwagha iji ikwanyiko jose kwa njala.”

KUFUMA 16:3 ပူးပေါင်းရင်းမြစ်များ

2 SAMUELI 18:33

Nao mzuri ukawawa nandighi, ukajoka na kungia chija chumba cherekoghe aighu ya mbenge, ukalila; hata iji orekoghe ukighenda ukalila ukighamba, “O mwanwapo Absalomu, mwanwapo, mwanwapo Absalomu! Si baa nafwanagha ini wulalo ghwako? O mwanwapo Absalomu, mwanwapo!”

AYUBU 3:1

Nyuma ya agho, Ayubu ukazoya kudeda na kujiewia ijo ituku ja kuvalwa kwake.

AYUBU 3:10

kwa kukaia ndecheremghirieghe mao usenive, eri nisechewona ughu wasi.

AYUBU 3:20

“Kwaki mundu uko na wasi uchurilwagha matuku? Kwaki uo uwawagha ngolonyi kuwikwa moyo?

ZABURI 107:5

Werekoghe na njala na kau; wikasirilwa ni isuwirio putu.

ZABURI 78:19

Wikamdedia Mlungu kiwiwi wikighamba, “Mlungu wadima kufunya vindo kireti?

ZABURI 78:25

Wandu wikaja vindo va weke malaika, Mlungu orewinekieghe kwa wungi.

KUFUMA 14:11

Nawo wikamzera Musa, “Welee, makaburi ndegherekoghe Misri ekorediredagha dichefuya aha kireti? Kwadibonya wada huwu kudifunya isanga ja Misri?

KUFUMA 17:3

Ela wandu werekoghe waoma na ndighi, wikachuria kumzughunukia Musa wikighamba, “Kwaki koredifunyagha Misri kuchedibwagha isi, na wana wedu, na mfugho redu kwa kau?”

KUFUMA 2:23

Nyuma ya miaka imu, uja mzuri wa Misri ukafwa, ela Waisraeli werekoghe wikisirimwa aisi ya wuzumba; wikalila wikilola wutesia. Kililo chawo chikamvikia Mlungu.

KUFUMA 5:21

wikawizera, “Bwana ndemzighane utanye, kwa kukaia mwadibonya diwoneke wakosi kwa Farao na wadumiki wake, nenyo mwawibonya wipate sababu edibwagha.”

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

JEREMIA 42:14

kwa kughamba, ‘Hata! Isi dichaghenda cha isanga ja Misri, andu disechaawona wuda, angu kusikira lwaka lwa tarumbeta, angu kusowa vindo; nesi dichakaia aho,’

JEREMIA 44:17

ela isi dichabonya agho malagho dereghibonyerieghe ighemi; kumfukiria marumba Malkia wa Mlungunyi, nesi dichamdungia vizongona vedu venywa, sa iji koni dibonyagha na sa iji koni weke aba werebonyagha, chiaimweri na wazuri wedu na wabaa wedu, andenyi ya mizi ya Juda na chia ra Jerusalemu; na aho derekoghe na vindo vingi na kuwona nicha, hata ndederewonieghe wuwiwi ghungi anduangi.

KILILO CHA JEREMIA 4:9

Wandu wifue wudenyi weko baa kuchumba awo wicheefwa na njala mboa mboa kwa kusowa vindo vewikaisha moyo.

MITALO 11:15

Ikakaia niko kunibonyagha huwu, baa koonibwagha shwa wori kamanya kuboilwagha ni ini, eri nisesinde wona wasi ghwapo.”

MITALO 11:20

ela mchaja kwa mori mlazi ridime rafuma na mbua, hata mrikoje; angu mwamleghie BWANA uo uko aghadi konyu mkilila wei kumangu ndemorefumagha Misri.’”

MITALO 14:2

Wandu wose wa Israeli wikawizughunukia Musa na Haruni, wikighamba, “Si nicha derefuyagha Misri angu aha eni kireti!

MITALO 14:3

Kwaki BWANA udighenjagha ijo isanga diendebwaghwa wudenyi na waka na wana wedu widwalo wunyika; si baa diwuye Misri?”

MITALO 16:13

Kuaghesha ni ilagho itini kudifunya isanga jinorie, na kudireda kuchedibwaghia kireti, nao sena kookunda kuwuye m'baa aighu yedu?

MITALO 16:41

Ela nakesho yaro, izungu jose ja wandu wa Israeli jikawizughunukia Musa na Haruni jikaghamba, “Mwabwaghie wandu wa BWANA.”

MITALO 21:5

Nawo wikadeda kiwiwi aighu ya Mlungu na Musa wikighamba, “Kwaki koredifunyagha Misri na kudireda dichefuya kireti? Vindo ndeviko, machi ndeghiko, nesi dakoja ivi vindo va kisha.”

MABONYO GHA WADUMI 26:29

Paulo ukaghamba, “Ngera ni kwa ngelo vui angu ngera ni kwa ngelo ndacha, malombi ghapo kwa Mlungu ni angu si oho kuekeri ela na awo wose wawuyanisikiria idime wikaie sa ini moni, kuseko na kufungwa huwu.”

1 WAKORINTHO 4:8

Inyo mwamerie kughuda! Mwamerie kuwuya wazuri wa mali! Mwamerie kuwuya wazuri msekwanye nesi! Na loli kumangu mwabonya nguma, dipate kubonya nguma andwamweri nenyo.

2 WAKORINTHO 11:1

Na ngera mwadarumaghianya nani kwa wukelu ghumu mtini; namlomba mnirumaghie.

WUKUMBUSO 28:67

Kwa wundu ghwa wowa mchaakaia nagho aighu ya agho mchaakaia mkighiwona, mchakaia mkighamba nakesho, ‘Ndoe iswali!’ Na luma lwa kenyi mchaghamba, ‘Ndoe ielali!’

WUKUMBUSO 8:3

Ukamfundisha kuida andenyi ya maza rikurie kwa kumsigha mkaie njala, ima ukamneka mana muje, iyo msereiichighi, hata na weke ndeyo wori; eri mpate kumanya angu mdamu ndekaiagha moyo kwa vindo veni anduangi, ela wadakaia moyo kwa kula ilagho jidedwagha ni BWANA.

JOSHUA 7:7

Joshua ukaghamba, “Ai, e BWANA Mlungu, kwaki korewiredagha awa wandu kukawiruwusa Jordani eri kupate kuwifunya mikonunyi kwa Waamori widitoteshe; si baa derekaiagha kimonu cha Jordani!