KUFUMA 15:7 - Biblia Ilagho Jiboie Kwa Wandu Wose

⁷ Kwa wubaa ghwa nguma yako kwawikumba wamaiza wako noko; kwaghiduma machu ghako, nagho ghawikora sa matasa.

KUFUMA 15:7 ပူးပေါင်းရင်းမြစ်များ

AYUBU 9:4

Mlungu oko na hikima na ndighi nyingi; ndekuwadie mndungi udimagha kusimana nao.

ZABURI 148:13

Ndewijikase irina ja BWANA! Irina jake ni ibaa kuchumba ghose; wubaa ghwake ghwachumba ndoenyi na mlungunyi.

ZABURI 59:13

kuwitoteshe kwa machu ghako; kuwimerie putu. Niko wandu wichamanya kukaia, Mlungu wabonyeragha Israeli nguma, na ndoenyi kose.

ZABURI 68:33

uo ughendagha na mawingu, agho mawingu gha kala; ola wadeda na lwaka lubaa luwadie ndighi.

ZABURI 83:13

Kuwibonye wikaie sa teri idukwaa ni kiremba ee Mlungu, na sa makanda ghidukwagha ni mbeo.

KUFUMA 14:27

Nao Musa ukaghorua mkonu ghwake aighu ya bahari, nayo ikawuriana luma lwa nakesho kwa ndighi sa iji koni erekoghe. Wamisri wikatima kukimbia, ela BWANA ukawikumba baharinyi.

KUFUMA 5:12

Niko wandu wikasasarika isanga jose ja Misri wikidema nyasi.

KUFUMA 9:16

ela neekusigha moyo tu nipate kuwonyera ndighi rapo, eri irina japo jipate kughorwa ndoenyi kose.

ISAYA 37:17

Degha madu ghako ee BWANA, kusikire madedo ghose gha Senakeribu ghekusholia oho Mlungu kuko moyo; zighana kuwone ee BWANA seji wawuyabonya.

ISAYA 37:23

Nani kusindemmenya na kumsholia? Nani kusindemdokia-dokia huwu? Nani kusindemzighana kwa lumenyo? Kodeeka kukinibonyera huwo ini Mlungu, Mweli wa Israeli!

ISAYA 37:29

Oho kwawuyakaia na makai nani, na kukukasa kwako nakusikire, nichangira koleo mbuonyi kwako, na lijamu momunyi kwako, nani nichakughalua kuwurie ija chia cheni korechieghe.’”

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

ISAYA 37:38

Nao iji orekoghe ukitasa andenyi ya nyumba ya mlungu ghwake Nisroki, wana wake wa womi Adrameleki na Shareza, wikam'bwagha kwa lufu, na kukimbia cha isanga ja Ararati. Mwana wake Esarhadoni ukabonya nguma wulalo ghwake.

ISAYA 47:14

“Ola awo weeka sa matasa, nagho ghadahia na kumerelwa ni modo; ndewidimagha kukukira na ulo lumu lwa modo Maka gheoda aho ndeghiko, na modo ghooda ndeghuko.

ISAYA 5:16

Ela BWANA wa majeshi uchajoswa kwa hachi, na Mlungu uo Mweli wakuwonyera moni kukaia mweli kwa loli.

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

JEREMIA 10:6

Ndekuwadie ungi uko sa oho ee BWANA, oho koko m'baa, na irina jako ni ibaa sena jiwadie ndighi.

MIKA 4:11

Mbari ra wandu wengi rakwanyika kulwa na oho. Waghamba, “Ni suti Jerusalemu itotesho! Dichawona muzi ughu ghukinonwa.”

ZEKARIA 14:3

Niko BWANA uchaghenda kulwa na iro mbari ra wandu seji orelwagha ngelo riidie.

ZEKARIA 14:8

Ituku ijo jikavika, machi ghielie ghenywa ghichadika kufuma Jerusalemu; nusu imu ghichaida na kungia Bahari ya Chumbi na nusu imu Bahari ya Mediterania; gichakaia ghikiida ngelo rose ya kwari na ngelo ya sumesu wori.

ZEKARIA 2:8

Kwa kukaia BWANA Uwadie-Ndighi-Rose waghamba huwu aighu ya awo werewusagha vilambo venyu kukaia, uo umuadadagha inyo, uaadada mundu wa iriso japo.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

MABONYO GHA WADUMI 9:4

Ukaghwa andonyi, ukasikira lwaka lukimzera, “Sauli, Sauli! Kwaki kunikorongagha?”

WUKUMBUSO 33:26

Wandu wa Israeli, ndekuwadie mlungu ghungi ghuko sa Mlungu onyu, uidagha mlungunyi kwa wubaa ghwake, uidagha aghadi ya mawingu upate kumvuvua.

WUKUMBUSO 4:24

Angu BWANA onyu ni modo ghulunguragha; uo ni Mlungu uwadie iriso.

WAEBRANIA 12:29

angu Mlungu odu, ni modo ghubirie, ghulunguragha.