KUFUMA 15:2 - Biblia Ilagho Jiboie Kwa Wandu Wose

² BWANA nuo ndighi rapo na lumbo lwapo, nao wawuya kukia kwapo; Uhu nuo Mlungu wapo, nani nichamkasa; ni Mlungu wa aba, nani nichamkuma.

KUFUMA 15:2 ပူးပေါင်းရင်းမြစ်များ

KUZOYA 17:7

Nani nichajimangisha ilaghano japo aghadi yapo na oho, jikaie ilaghano ja kala na kala kwa kivalwa chako chose chichagha, kivalwa hata kivalwa, angu nichakaia Mlungu kwako na kwawo wose wori.

KUZOYA 49:18

“Ini nichakuweseria kukia kwako ee BWANA.

2 SAMUELI 22:3

nadakuvisa andenyi ya Mlungu wapo na mlindiri wapo uo ni ngao yapo na kukia kwapo; ni ngome yapo imange, na andu kwapo kokimbiria. Oho mkiri wapo kwadanikira na wakorongi.

2 SAMUELI 22:47

“BWANA oko moyo; uo mlindiri wapo ndekaso; Mlungu wapo ndekumo nandighi, uo uko mlindiri na mikiri wapo

2 SAMUELI 22:51

Mlungu wadamneka wusimi m'baa uo mzuri wake ummbikie, na kuwonyera lukundo lukatie kwa mshingwa mavuda wake; uo Daudi na kivalwa chake kwa kala na kala.”

2 SAMUELI 7:24

Na oho kwawimangishire wandu wako Israeli wikaie wandu wako kwa kala na kala; na oho ee BWANA kwawurie Mlungu wawo.

2 SAMUELI 7:5

“Ghenda kumzere mdumiki wapo Daudi huwu, ‘BWANA waghamba welee; Kwadima kuniaghia nyumba nikaie andenyi?

1 WAZURI 8:13

Nakuaghie nyumba mbaa, andu kuchaakaia kwa kala na kala.”

1 WAZURI 8:27

“Ela loli Mlungu wadima kukaia ndoenyi? Zighana mlungunyi kwa ighu ndekukukatagha, ni kuchumba saki i Hekalu nakuaghia!

1 MALAGHO GHA NGELO 16:14

BWANA ni Mlungu odu, matanyo ghake ni kwa wundu ghwa wurumwengu ghose.

ZABURI 109:1

Ee Mlungu nikukasagha, kusakenyama kima.

ZABURI 118:14

BWANA ni ndighi rapo na lumbo lwapo, nao wanikirie.

ZABURI 118:21

Nakufunyira chawucha BWANA kwa kunitumbulia, na kunikira.

ZABURI 118:28

Oho ko Mlungu wapo; nichakufunyira chawucha. Oho ko Mlungu wapo nichaeresha wubaa ghwako.

ZABURI 132:5

hata nimerie kupata wulalo kwa wundu ghwa BWANA, andu kokaia kwa wundu ghwa Mlungu Uwadie Ndighi wa Jakobo.”

ZABURI 140:7

Ee BWANA Mlungu wapo, mlindiri wapo uwadie ndighi, kwanilindirie wudenyi.

ZABURI 145:1

Nichakukuma oho Mlungu wapo na mzuri wapo; nichajikasa irina jako kwa kala na kala.

ZABURI 18:46

BWANA oko moyo; mlindiri wapo ndekaso. Uo Mlungu Mkiri wapo ndekumo.

ZABURI 22:10

Nedewikwa kwako kufuma kuvalwa kwapo; oho ko Mlungu wapo kufuma navalwa.

ZABURI 22:3

Ela sena oho koko uja Mweli, kuserie kifumbinyi cha nguma kupate kukaswa ni Israeli.

ZABURI 27:1

BWANA nuo mwengere ghwapo na kukia kwapo, nani nichaamuobua? BWANA ni ngome imange ya irangi japo, nani uchaanikumba wowa?

ZABURI 28:8

BWANA wadawilindia wandu wake; uo ni ngome emkira Msaghulwa wake.

ZABURI 30:1

Nakukasa ee BWANA kwa kunikira, hata ndekuwisighie wamaiza wapo wizume aighu yapo anduangi.

ZABURI 34:3

Mkumenyi BWANA chiaimweri nani, ndedijikase irina jake chiaimweri.

ZABURI 48:14

“Uhu Mlungu, ni Mlungu odu kwa kala na kala. Uchakaia ukidighenja kari kose.”

ZABURI 59:17

Nichakuboria makaso ee Ndighi rapo. Ee Mlungu, oho ko ngome yapo, Mlungu uniwonyeragha lukundo lwake lukatie.

ZABURI 68:20

Mlungu odu, ni Mlungu ukiragha, na MLUNGU, uo Bwana, wadadikira na kifwa.

ZABURI 99:5

Mkumenyi BWANA Mlungu odu; tasenyi maghunyi kwake; Uo ni Mweli.

ZABURI 99:9

Mkumenyi BWANA Mlungu odu, mumtase aighu ya mghondi ghwake ghwa wueli; angu BWANA Mlungu odu ni Mweli.

KUFUMA 14:13

Musa ukawizera awo wandu, “Msakeobua, mangenyi mmbone kukia kwa BWANA ucham'bonyera idime; kwa kukaia awa Wamisri muwiwonagha idime, ndemuchaawiwona sena anduangi.

KUFUMA 3:6

Ukaghamba, “Ini ne Mlungu wa ndeyo, Mlungu wa Abrahamu, Isaaka, na Jakobo.” Musa ukafinikira wushu ghwake angu oreobueghe kumzighana Mlungu.

KUFUMA 4:22

Na oho kuchamzera Farao, ‘BWANA waghora huwu: Israeli ni mwana wapo wa imbiri;

KUFUMA 40:34

Niko iwingu jikaifinikira Hema, na mwengere m'baa ghwa BWANA ghukang'ala-ng'ala andenyi yaro.

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 25:1

Ee BWANA, oho ko Mlungu wapo; nichakukuma na kujikasa irina jako, angu oho kwabonya maza ra mashiniko, na mipango ya hachi na loli koreibonyereghe kokala.

ISAYA 45:17

Ela Israeli wadakirwa ni BWANA kwa kukia kwa kala na kala; nawo ndewichaafushwa waya hata kukambirwa chongo anduangi.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 66:1

BWANA waghora huwu, “Mlungunyi ni kifumbi chapo cha nguma; na ndoenyi ni andu kowikiria maghu ghapo. Mchaniaghia nyumba ifwane wada, na andu kwapo kohoreshera koko wada?

JEREMIA 3:23

Ni loli kutasa milimu aighu mighondinyi na karamu ra lwafuo ni kwa tee. Hata mikutano yedu ekema ya mighondinyi ni sa ya tee nduu. Kwa loli kukia kwa Israeli kooka andenyi ya BWANA Mlungu odu.

JEREMIA 31:33

Ela ilaghano nichaajibonya na wandu wa Israeli nyuma ya matuku ghaja nijo iji: Nichawika sharia yapo andenyi kwawo, nani nichaiandika aighu ya ngolo rawo; nichakaia Mlungu wawo nawo wichakaia wandu wapo.

JEREMIA 32:38

Nawo wichawuya wandu wapo, nani nichakaia Mlungu wawo.

HABAKUKI 3:13

Oho korefumieghe kuwikire wandu wako, kupate kumkira mzuri uo mshingwa mavuda wako. Oho korem'barieghe chongo uo kilongozi wa wawiwi, kukawitotesha wanughi wake putu.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

LUKA 1:77

na kuwineka wandu wake kumanya kukia, kwa kulekwa kaung'a rawo;

LUKA 2:30

angu meso ghapo ghakuwona kukia kwako,

JOHANE 4:22

Inyo Wasamaria mwadatasa uo msemmanyagha, ela isi damwichi uo dimtasagha, angu kukia kwafuma kwa Wayahudi.

JOHANE 5:23

wose wipate kum'bonyera ishima Mwana, sa iji koni wim'bonyeragha ishima uja Aba wori. Uhu usem'bonyeragha uja Mwana ishima, ndem'bonyeragha ishima uja Aba oremdumieghe wori.

MABONYO GHA WADUMI 4:12

Hata ndekuwadie kukia kwa mzima ungi anduangi, angu ndekuwadie irina jingi izima wurumwengunyi kose, jinekelo wadamu jidimagha kudikira.”

2 WAKORINTHO 5:19

Huwo ni kughamba, Mlungu orekoghe ukighupatanisha wurumwengu na uo moni andenyi ya Kristo, kuseko na kuwitalia wandu makosa ghawo, nao wadinekie ijo ilagho ja kupatanisha.

WAEFESO 2:22

Andenyi kwake inyo wori, mwaaghwa andenyi yaro, mkaie andu kokaia kwa Mlungu, andenyi ya Roho.

WUKUMBUSO 10:21

Mumkase; uo ni Mlungu onyu; inyo mwawonie kwa meso ghenyu maza mbaa reobosha uribonyere kwa wundu ghonyu.

WAFILIPI 2:11

na wandu wose wimghore Jesu Kristo kukaia ni Bwana, kwa wubaa ghwa Mlungu Aba.

WAFILIPI 4:13

Nadima kubonya maza rose kwa uo unidimishagha.

WAKOLOSAI 2:9

Angu andenyi ya Kristo, ghwadakaia wulungu ghose kwa chia ya mumbi;

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.

WUFUNUO 19:1

Nyuma ya agha, neresikireghe seji ni izungu ibaa ja wandu widedagha kwa lwaka lubaa mlungunyi jikighamba, “Haleluya! Kukia, na wubaa, na kudima, ni kwa Mlungu odu;

WATANYI 5:21

Machi mengi gha Kishoni gherewidwaeghe noko, agho machi mengi gha Moda ghwa Kishoni, ghiseagha shwa-shwa. Ghenda imbiri kwa ndighi ee roho yapo!