KUFUMA 13:9 - Biblia Ilagho Jiboie Kwa Wandu Wose

⁹ Mawiko agha ghichakaia lukumbuso, sa kilambo chifungilo kikoto na wushunyi kwako; kupate kuiwadia Sharia ya BWANA, angu orekufunyireghe Misri kwa ndighi mbaa.

KUFUMA 13:9 ပူးပေါင်းရင်းမြစ်များ

NEHEMIA 1:10

“Awa ni wadumiki wako BWANA korewivuvueghe kwa ndighi na kudima kwako kubaa.

ZABURI 136:11

Orewifunyireghe wandu wa Israeli kufuma Misri; lukundo lwake lukatie lwadua kwa kala;

ZABURI 136:12

kwa mkonu ghwake ghuwadie ndighi, lukundo lwake lukatie lwadua kwa kala.

ZABURI 89:13

Oho koko na kudima, mkonu ghwako ghwawadie ndighi, ugho mkonu ghwako ghwa kiwomi ghukumikie.

KUFUMA 12:14

Mchakaia mkibonya ndima ya BWANA kwa wundu ghwa kukumbuka ituku iji vivalwa venyu vose; nenyo mchaitala kukaia ni Sharia ya matuku ghose.

KUFUMA 12:41

Na kutua kwa iyo miaka maghana ana na mirongo idadu, jija ituku jeni, majeshi gha BWANA ghikafuma isanga ja Misri.

KUFUMA 13:14

Matuku ghichagha, mwana wako wa womi ukakukotia kutambua kwaro agho mawiko, kuchamzera, ‘Derefunyiroghe wuzumbenyi Misri ni BWANA, kwa ndighi mbaa.

KUFUMA 13:16

Mawiko agha ghichakaia lukumbuso sa kilambo chifungilo kikoto na wushunyi kwako; kwa kukaia BWANA orekufunyireghe Misri kwa ndighi mbaa.”

KUFUMA 13:3

Musa ukawizera wandu, “Mjikumbuke ituku iji, ijo morefumieghe Misri, andu morekoghe wuzumbenyi. Kwa kukaia BWANA oremfunyireghe aho kwa ndighi rake mbaa. Msakeja mikate iko na chachu.

KUFUMA 3:20

Ela nichatumia ndighi rapo kuikaba Misri kwa kubonya maza reobosha. Konyuma uchamsigha mghende.

KUFUMA 7:4

Farao ndechaamsikira anduangi; niko nichawikaba Wamisri kwa mkonu ghwapo ghwa ndighi; nani nichaghifunya majeshi ghapo, wandu wapo wana wa Israeli, wifume isanga ja Misri, kwa mabonyo mabaa gha kutanya.

MAKATANISHO 1:9

mafundisho ghawo ghichabonya tabia yako ikaie sa kiremba chighokie chongonyi kwako, na sa mkufu singonyi kwako.

MAKATANISHO 3:21

Mwana wapo, wadia hikima ndicha na suku; lindia risekulaghaye.

MAKATANISHO 7:23

hata ilaso na iwanu ja ngolo. Orekoghe sa nyonyi ighendiagha mdegho; nderekoghe ukimanya wei irangi jake jeeka ndengonyi.

LUMBO 8:6

Kusengire mndungi ngolonyi kwako ela ini niekeri; kusewadie ungi mkonunyi kwako ela ini niekeri; kwa kukaia lukundo lwawadie ndighi sa kifwa; iriso jaro jeeng'eta sa kaburi. Jadabusa modo kondenyi, na kukumba lumu lubirie.

ISAYA 27:1

Ngelo iyo, BWANA uchamkaba Leviathani, iyo choka ikimbiagha, kwa lufu lwake lukurie, lubaa, sena luwadie ndighi; uchamkaba Leviathani, iyo choka ighalaaghala, na kuibwagha iyo choka mbaa ikaiagha baharinyi.

ISAYA 40:10

Wonenyi Bwana MLUNGU uacha kubonya nguma kwa ndighi, na mafungu ghake waghiwadie kwa wundu ghwa wandu wake.

ISAYA 44:5

“Na mndumu uchaghora, ‘Ini ne wa BWANA,’ mzima uchakuwanga kwa irina ja Jakobo, umu uchakuandika mkonunyi kwake, ‘Wa BWANA;’ na kukuwanga moni kwa irina ja Israeli.”

ISAYA 49:16

Ola nameria kukuandika aighu ya lui lwa mkonu ghwapo, na mawurigha ghako naawuyaghizighana ngelo rose.

ISAYA 51:9

Wuka! Wuka na ndighi rako kudikire ee BWANA, wuka karakara na matuku gha kala, karakara na vivalwa va kokala uko. Welee, si oho kumoni koremdumbueghe Rahabu viluponge viluponge, kukaidunga na lufu ija choka mbaa eobosha ya baharinyi?

ISAYA 59:21

“Nichabonya ilaghano japo nenyo huwu: Uo Roho wapo uko aighu konyu, na malagho ghapo naghingira memunyi konyu, ndeghichaafuma memunyi konyu, na memunyi kwa wana wenyu, hata memunyi kwa weke wawayo kufuma idana, hata kwa kala na kala.”

JEREMIA 22:24

BWANA waghamba, “Sa iji koni nikaiagha moyo, hata ngera Jehoiakini mwana wa Jehoiakimu, mzuri wa Juda odeeka sa pete ya muhuri chalenyi chapo cha mkonu ghwa kiwomi, nadamfunya noko

DANIELI 9:15

“Idana ee BWANA Mlungu odu, oho korewifunyireghe wandu wako kufuma isanga ja Misri kwa mkonu ghwa ndighi, na irina jako jikamanyika hata idime. Isi dabonyere kaung'a, dabonyere makosa.

JOELI 2:11

BWANA wajifunyira momu ijeshi jake, najo ijeshi ja wandu wake wengi wiwadie ndighi jakatisha malaghiro ghake. Ituku ja BWANA ni ibaa jeobosha; nani udimagha kujirumaghia?

MITALO 15:39

Mchakaia mkizighanagha ijo ifindikio na kukumbukagha malaghiro ghose gha BWANA mpate kughibonya; eri msechebonya seji ngolo renyu righeshagha kunughana na maza muriwonagha na meso ghenyu; iro mkundagha kurinugha kwa bea mbaa.

MATHAYO 23:5

Mabonyo ghawo ghose wadabonya wikikunda kuwonwa ni wandu, angu waghibonya mafindikio ghawo na hemu ra nguwo rawo rikaie mbaa;

WAROMA 10:8

Ela ighora wada? Iaghora, Ilagho jeko kaavui kwako, momunyi kwako na ngolonyi kwako; (ijo nijo ilagho ja irumirio dawuyajichila.)

WUKUMBUSO 30:14

Ela malagho gheeka aeni kaavui nenyo; gheeka memunyi konyu na ngolonyi konyu mpate kughibonya.

WUKUMBUSO 5:15

Kumbuka angu korekoghe mzumba andenyi ya isanga ja Misri, na ini BWANA Mlungu wako ngakufunya aho kwa ndighi rapo mbaa na kudima; kwa huwo niko ini BWANA Mlungu wako nawuyakulaghira kujiwadie ituku ja Sabato.

WUKUMBUSO 6:21

Kuchamtumbulia huwu, ‘Isi dedeeka wazumba wa mzuri aja Misri, na BWANA ukadifunya aho kwa wudimi m'baa.

WUKUMBUSO 6:6

Na agha malagho nikulaghiragha idime ghichakaia ngolonyi kwako,

WUKUMBUSO 6:8

Kughifunge mikonunyi kwako na chamunyi kwako ghikukumbusheghe.

WUFUNUO 18:8

kwa huwo makabo ghake ghichacha kwa ituku jimweri; wukongo, wasi, na njala. Nao uchakorwa na modo, angu uo Bwana Mlungu umtanyagha, wawadie ndighi nyingi.”

WATANYI 2:12

Wikasigha kumtasa BWANA, uo Mlungu wa weke ndee uo orewifunyireghe isanga ja Misri; wikazoya kutasa milungu mizima, na milungu ya awo wandu werekoghe mbai mbai kwawo. Wikaighoghomia hata BWANA ukajokwa ni machu.