KUFUMA 13:3 - Biblia Ilagho Jiboie Kwa Wandu Wose

³ Musa ukawizera wandu, “Mjikumbuke ituku iji, ijo morefumieghe Misri, andu morekoghe wuzumbenyi. Kwa kukaia BWANA oremfunyireghe aho kwa ndighi rake mbaa. Msakeja mikate iko na chachu.

KUFUMA 13:3 ပူးပေါင်းရင်းမြစ်များ

KUZOYA 15:16

Kivalwa chako cha kana chichawuya aha, angu wuwiwi ghwa Waamori ndeghukate ghokabwa anduangi.”

1 WAZURI 8:42

(kwa kukaia wichasikira sare ya irina jako, na ndighi rako mbaa) ukacha kulomba ukiilangaya Hekalu ihi,

1 MALAGHO GHA NGELO 16:12

Kumbukenyi kazi ubonyere ra mashiniko; weke mwakilimbiti wake, na matanyo ghake.

NEHEMIA 1:10

“Awa ni wadumiki wako BWANA korewivuvueghe kwa ndighi na kudima kwako kubaa.

NEHEMIA 9:10

Korewonyereghe weke mwakilimbiti na mashiniko kwa mzuri na wadumiki wake wose, na wandu wose wa isanga jake, angu koremanyireghe seji wiwikorongie wandu wako. Kukakubonyera kumoni irina, sa iji koni jiko idime.

ZABURI 105:5

Kumbukenyi kazi ubonyere ra mashiniko; weke mwakilimbiti wake, na matanyo ghake,

ZABURI 114:1

Iji wandu wa Israeli werefumieghe Misri, iji kivalwa cha Jakobo cherefumieghe isanga ja kighenyi,

ZABURI 136:11

Orewifunyireghe wandu wa Israeli kufuma Misri; lukundo lwake lukatie lwadua kwa kala;

ZABURI 136:12

kwa mkonu ghwake ghuwadie ndighi, lukundo lwake lukatie lwadua kwa kala.

ZABURI 89:14

Wuzuri ghwako ghoomangishwa aighu ya hachi na loli; oho kwadabonya maza rose kwa lukundo lukatie na wuloli.

KUFUMA 12:15

“Mchaja mikate isewadie chachu kwa matuku mfungade; ituku ja imbiri mchainja chachu putu nyumbenyi konyu; angu mndungi ukaja mkate ghuko na chachu kufuma ituku ja imbiri hata ituku ja mfungade, uchatengwa putu kufuma kwa wandu wa Israeli.

KUFUMA 12:17

Nenyo mchaitala iyo Ndima ya Mikate Isewadie Chachu, angu ituku ijo jeni niko nerewifunyireghe wandu wenyu kufuma isanga ja Misri. Kwa huwo mchajitala ituku iji vivalwa venyu vose, kukaia ni sharia ya matuku ghose.

KUFUMA 12:19

Chachu ndeichawoneka nyumbenyi konyu kwa matuku mfungade; angu mndungi ukaja mkate ghwa chachu agho matuku, uchatengwa kufuma kwa ikwanyiko ja Israeli, ukaiagha ni mghenyi angu muisanga.

KUFUMA 12:2

“Ughu mori ghuchakaia ghwa imbiri ghwa meri enyu. Ghuchakaia konyu ni mori ghwa imbiri ghwa mwaka.

KUFUMA 12:41

Na kutua kwa iyo miaka maghana ana na mirongo idadu, jija ituku jeni, majeshi gha BWANA ghikafuma isanga ja Misri.

KUFUMA 12:42

Kio icho, BWANA orekoghe ukicheresha; upate kuwifunya kufuma isanga ja Misri. Kwa wundu ugho kio icho cheni chikawikwa kwa BWANA chipate kukaia kio checheresha kwa Waisraeli vivalwa vose.

KUFUMA 12:8

Chija kio wichaja nyama iochelo, chiaimweri na mkate ghusewadie chachu, na malemba ghiwawie.

KUFUMA 13:14

Matuku ghichagha, mwana wako wa womi ukakukotia kutambua kwaro agho mawiko, kuchamzera, ‘Derefunyiroghe wuzumbenyi Misri ni BWANA, kwa ndighi mbaa.

KUFUMA 13:9

Mawiko agha ghichakaia lukumbuso, sa kilambo chifungilo kikoto na wushunyi kwako; kupate kuiwadia Sharia ya BWANA, angu orekufunyireghe Misri kwa ndighi mbaa.

KUFUMA 20:2

“Ini ne BWANA Mlungu wako, nerekufunyireghe isanga ja Misri, kufuma wuzumbenyi.

KUFUMA 20:8

“Kukumbuke kujielesha ituku ja Sabato;

KUFUMA 23:15

Mori ghwa Abibu, ugho korefumieghe Misri, kunibonyere Ndima ya Mikate Isewadie Chachu, seji nerekulaghirieghe. Kuseje mkate ghungi ghuko na chachu ngelo ya ndima iyo kwa matuku mfungade. Mndungi useche kunitasa usedwae mafunyo.

KUFUMA 3:20

Ela nichatumia ndighi rapo kuikaba Misri kwa kubonya maza reobosha. Konyuma uchamsigha mghende.

KUFUMA 34:18

“Kuiwike Ndima ya Mikate Isewadie Chachu. Na seji nerekulaghirieghe, Kuseje mkate ghuko na chachu kwa matuku mfungade gha mori ghwa Abibu, angu ugho nigho mori korefumieghe Misri.

KUFUMA 6:1

Ela BWANA ukamzera Musa, “Idana kuchawona seji nichaam'bonya Farao; angu nichamlazimisha uwifunye wandu wapo, ee nichamlazimisha uwiwinge wifume isangenyi jake.”

KUFUMA 6:6

Kwa huwu kuwizere wandu wa Israeli, ‘Ini ne BWANA, nani nichamfunya mfume kwa iyo mizigo ya Wamisri, mfume wuzumbenyi ghwawo. Nichamkombua kwa mkonu ghughorokie ghwa ndighi, nani nichawitanya;

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

KUFUMA 7:4

Farao ndechaamsikira anduangi; niko nichawikaba Wamisri kwa mkonu ghwapo ghwa ndighi; nani nichaghifunya majeshi ghapo, wandu wapo wana wa Israeli, wifume isanga ja Misri, kwa mabonyo mabaa gha kutanya.

JEREMIA 34:13

Mlungu wa Israeli ukanizera nighorie wandu, “Nerebonyereghe ilaghano na weke ndeyo ngelo nerewifunyagha isanga ja Misri kufuma wuzumbenyi ngighamba,

DANIELI 9:15

“Idana ee BWANA Mlungu odu, oho korewifunyireghe wandu wako kufuma isanga ja Misri kwa mkonu ghwa ndighi, na irina jako jikamanyika hata idime. Isi dabonyere kaung'a, dabonyere makosa.

MATHAYO 10:12

Iji mwangia nyumba ingi ghambenyi, ‘Sere ndeikaie konyu.’

LUKA 22:19

Ukawada mkate, ukafunya chawucha, ukaghuchikanya ukawineka ukighamba, “Ughu nigho mumbi ghwapo [ghufunywagha kwa wundu ghonyu, bonyenyi huwu kwa kunikumbuka ini.”

1 WAKORINTHO 11:24

hata iji wameria kufunya chawucha, ukaghuchikanya, ukaghamba, “Ughu nigho mumbi ghwapo, nagho ni kwa wundu ghonyu. Bonyenyi huwu kwa kunikumbuka.”

1 WAKORINTHO 5:8

Kwa huwu ndedibonye ndima; si kwa chachu ya kala ya wuwiwi na wulaghe-laghe anduangi, ela kwa mkate ghusewadie chachu ghwa wueli na loli.

WAEFESO 1:19

Na seji iro ndighi rake risepimikagha ring'ane andenyi kodu isi dirumiriagha, karakara na uko kubonya kazi kwa ndighi rake mbaa;

WUKUMBUSO 13:10

Kum'bwaghe na magho, kwa kukaia wadalola kukutanya na BWANA Mlungu wako, uo orekufunyireghe isanga ja Misri kufuma nyumba ya wuzumba.

WUKUMBUSO 13:11

Niko Waisraeli wose wichaasikira na kuobua, nawo jingi ndewiwuyabonya wuwiwi sa ugho sena aghadi konyu anduangi.

WUKUMBUSO 13:5

Ela uja mlodi angu mtambushiri ndodo, uchabwaghwa; angu wafundisha maza remlegha BWANA Mlungu onyu, uo oremfunyireghe isanga ja Misri; ukamkombua kufuma nyumba ya wuzumba. Mundu ufwane huwo ni mmbiwi, nao waawuyatima kumfunya kwa chia ya irangi BWANA umnekie. Suti ubwagho eri muinjikie ugho wuwiwi.

WUKUMBUSO 13:6

“Mwanyinyu wa mayo, angu mwana wako wa womi angu wa waka, angu muka wako umoni kumkunde, angu mghenyi wako wa ngolonyi, ukakusesea kwa kiviso wei muendetasa milungu mizima iyo hata weke ndeyo wisereiichighi;

WUKUMBUSO 15:15

Kumbukenyi angu nenyo wori morekoghe wazumba isanga ja Misri, na BWANA Mlungu onyu ukamkombua; niko nawuyakulaghira huwo idime.

WUKUMBUSO 16:1

“Mghutale mori ghwa Abibu, kwa kuwika Pasaka ya BWANA Mlungu onyu; angu ugho mori ghwa Abibu nigho BWANA Mlungu wako orekufunyireghe nagho nakio isanga ja Misri.

WUKUMBUSO 16:12

Mkumbuke angu morekoghe wazumba Misri, nenyo mlindie kuriwadia sharia iri.

WUKUMBUSO 16:3

Msakeijanya na mikate ingirilo chachu. Mchaijanya na mikate isengirilo chachu iyo mikate ya matiriro kwa matuku mfungade; angu morefumieghe Misri kwa shwa-shwa, eri mkumbukeghe seji morefumieghe Misri, matuku ghose gha irangi jenyu.

WUKUMBUSO 24:18

ela kumanye korekoghe mzumba Misri, na BWANA Mlungu wako ukakukombua kufuma aho; niko nawuyakulaghira kubonye huwo.

WUKUMBUSO 24:22

Kumanye angu korekoghe mzumba isanga ja Misri, niko nawuyakulaghira kubonye huwo.

WUKUMBUSO 26:8

nao ukadifunya Misri kwa ndighi rake mbaa reobosha; kwa alama na mashiniko.

WUKUMBUSO 4:34

Angu ghoko mlungu ghungi jingi ghutimie kughenda na kuwusa wandu kufuma kwa mbari imu wikaie kwa chia ya matimo, na weke mwakilimbiti, na mashiniko, na kwa wuda, na kwa mkonu ghwa wusimi ghuwadie ndighi, na maza reobosha karakara na seji BWANA Mlungu onyu orebonyereghe Misri kwa wundu ghonyu mkiwona?

WUKUMBUSO 5:15

Kumbuka angu korekoghe mzumba andenyi ya isanga ja Misri, na ini BWANA Mlungu wako ngakufunya aho kwa ndighi rapo mbaa na kudima; kwa huwo niko ini BWANA Mlungu wako nawuyakulaghira kujiwadie ituku ja Sabato.

WUKUMBUSO 5:6

“BWANA ukaghamba, ‘Ini ne Mlungu wako, uo orekufunyireghe isanga ja Misri; kufuma nyumba ya wuzumba.

WUKUMBUSO 6:12

kukulindie kusechemliwa BWANA uo orekuredieghe kufuma isanga ja Misri, iyo nyumba ya wuzumba.

WUKUMBUSO 6:21

Kuchamtumbulia huwu, ‘Isi dedeeka wazumba wa mzuri aja Misri, na BWANA ukadifunya aho kwa wudimi m'baa.

WUKUMBUSO 7:8

Ela ni angu BWANA umkunde, nao waawuyajimazira ighemi jake ijo orewighemieghe weke ndeyo, ukamfunya kwa kudima kwake kubaa, na kumkombua kufuma nyumba ya wuzumba, na kufuma kwa ndighi ra mzuri wa Misri.

WUKUMBUSO 8:14

Mzighane msekukase na kumliwa BWANA Mlungu onyu, uo oremfunyireghe isanga ja Misri nyumba ya wuzumba.

WUKUMBUSO 9:12

“Niko BWANA ukanizera, ‘Wuka kusee mghondinyi shwa-shwa, angu wandu wako awo kuwiredie kufuma Misri wakunona weni kwa kughaluka shwa-shwa na kuisigha iyo chia nerewilaghirieghe; nawo wakubonyera weni mlimu ghuchanilo.’

JOSHUA 24:17

Kwa kukaia BWANA Mlungu odu nuo oredifunyireghe isi na weke aba kufuma isanga ja Misri, iyo nyumba ya wazumba; nao nuo orebonyereghe rija alama mbaa imbiri ya meso ghedu, ukadilindia chia yose derekoghe dikighenda, na aghadi ya wandu wose derekoghe dikiwiida;

WATANYI 2:12

Wikasigha kumtasa BWANA, uo Mlungu wa weke ndee uo orewifunyireghe isanga ja Misri; wikazoya kutasa milungu mizima, na milungu ya awo wandu werekoghe mbai mbai kwawo. Wikaighoghomia hata BWANA ukajokwa ni machu.

WATANYI 6:8

BWANA ukawidumia mlodi na kuwizera, “BWANA Mlungu wa Israeli waghamba huwu, Neremfunyireghe Misri isanga ja wuzumba;