KUFUMA 11:5 - Biblia Ilagho Jiboie Kwa Wandu Wose

⁵ na wavalwa wa imbiri wose wa isanga ja Misri wichafwa, kufuma mvalwa wa imbiri wa Farao, uo uchaaseria kifumbi chake cha nguma, hata mvalwa wa imbiri wa muka-mdumiki, uo ushagha ngano. Hata na wavalwa wa imbiri wa mfugho wose wichafwa.

KUFUMA 11:5 ပူးပေါင်းရင်းမြစ်များ

ZABURI 105:36

Ukawibwagha wavalwa wa imbiri wa womi wose, agho mavalwa gha imbiri gha ndighi rawo.

ZABURI 135:8

Orewibwaghieghe wavalwa wa imbiri wa Misri, wa wadamu na wa nyamandu wori.

ZABURI 136:10

Orewibwaghieghe wavalwa wa imbiri wa Misri; lukundo lwake lukatie lwadua kwa kala.

ZABURI 78:51

Ukawibwagha wavalwa wa imbiri wose wa Misri, iro ndighi rawo ra imbiri, andenyi ya hema ra kivalwa cha Hamu.

KUFUMA 12:12

Angu nichaida aghadi ya isanga ja Misri kio icho, na kuwibwagha wavalwa wa imbiri wose wa isanga ja Misri; mdamu na nyamandu wori; nichaitanya milungu yose ya Misri, Ini ne BWANA.

KUFUMA 12:29

Nao kio ghadi, BWANA ukawibwagha wavalwa wa imbiri wose wa isanga ja Misri, kufuma mvalwa wa imbiri wa Farao, uo oseria kifumbi chake cha nguma, hata mvalwa wa imbiri wa mfungwa uko kifungonyi, chiaimweri na wavalwa wa imbiri wa mfugho wokoni werefueghe.

KUFUMA 13:15

Iji Farao orekurishireghe ngolo, na kulegha kudisigha dighende, BWANA orewibwaghieghe wavalwa wa imbiri wose wa isanga ja Misri; mvalwa wa imbiri wa mdamu na mvalwa wa imbiri wa nyamandu wori. Kwa huwu dadamfunyira BWANA kizongona cha wavalwa wa imbiri wa womi wose; ela wavalwa wa imbiri wa wana wedu wa womi dadawikombua.’

KUFUMA 4:23

nani nakuzera, “Sigha mwana wapo ughende, upate kunidumikia.” Kukalegha kumsigha ughende, ola nicham'bwagha mwana wako wa imbiri.’”

ISAYA 47:2

Wada igho jesha, kushe mufu; inja shela yako. Inja irwao jako, kusune nguwo rako maghunyi; kuruwuke meda.

KILILO CHA JEREMIA 5:13

Wandu wedu wa irika wiadumikishwa kusha viro sa wazumba, wanake wiaghenda wikitatarika kwa kudukishirwa mbande rilemere.

MATHAYO 24:41

Waka wawi wichakaia wikisha, umu uchadwalwa na umu uchasighwa.

WAEBRANIA 11:28

Kwa irumirio, orewikieghe Pasaka, ukamichira bagha vizingitinyi va minyango eri uo Malaika Mtoteshi wa wavalwa wa imbiri usekewiadada.

WATANYI 16:21

Wafilisti wikambwada na kumfunya meso, wikamreda Gaza, wikamfunga kwa vifungo va shaba, ukakaia ukisha ngano mtambonyi andenyi kifungonyi.