KUFUMA 11:3 - Biblia Ilagho Jiboie Kwa Wandu Wose

³ BWANA ukawibonya Waisraeli wirumirikie mesonyi kwa Wamisri. Na wokoni uo mundu Musa orekoghe m'baa na ndighi andenyi ya isanga ja Misri, kwa wadumiki wa Farao, hata kwa wandu wori.

KUFUMA 11:3 ပူးပေါင်းရင်းမြစ်များ

KUZOYA 12:2

Nichakubonya kukaie mbari mbaa, sena nichakurasimia na kujibonya irina jako jikaie ibaa; kupate kuwuya marasimio.

KUZOYA 39:21

Ela BWANA orekoghe andwamweri na Josefu, ukamrasimia na kum'bonya urumirikie mesonyi kwa m'baa wa kifungonyi.

2 SAMUELI 7:9

ngakaianya na oho andu kose koreghendighe, ngawisima wamaiza wako wose werekoghe imbiri kwako. Nichakubonya oho kukaie na irina ibaa karakara na marina gha wabaa wiko ndoenyi.

ESTA 9:4

Mordekai ukamanyika andu kose isangenyi seji ubonyero kukaia mundu m'baa ngomenyi kwa mzuri, na seji nguma rake rawuyachurikia.

ZABURI 106:46

Ukawibonya wakorongi wawo wiwiwonie wughoma.

KUFUMA 12:35

Wokoni, wandu wa Israeli werekoghe wabonya sa iji koni Musa orewizerieghe; wikalomba kwa Wamisri vilambo va lulu, feza, dhahabu, na nguwo.

KUFUMA 12:36

BWANA ukawibonya awo wandu kurumirikia mesonyi kwa Wamisri, wikawineka icho chose werekundieghe. Kwa chia ihi Waisraeli wikadwa wunyika mali ra Wamisri.

KUFUMA 3:21

“Ini nichawibonya wandu awa wirumirikie mesonyi kwa Wamisri; hata iji mwakafuma, ndemchaafuma mikonu miduu,

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

MABONYO GHA WADUMI 7:22

Na Musa ukafundishwa akili rose ra Wamisri, ukakaia m'baa kwa madedo na mabonyo ghake wori.

WUKUMBUSO 34:10

Na jingi mlodi ungi ndecheewuka andenyi ya Israeli uko sa Musa; BWANA wadaaja malagho nao wushu kwa wushu.

WUKUMBUSO 34:11

Ndeuko mlodi ungi ubonyere weke mwakilimbiti na mashiniko sa Musa, seji BWANA oremdumieghe kughibonya kwa mzuri wa Misri, na kwa wabaa wake wose wa isanga jake jose;

JOSHUA 4:14

Ituku ijo, BWANA ukamjosa Joshua imbiri ya Waisraeli wose, wikamneka Joshua ishima matuku ghose gha irangi jake sa iji koni weremnekieghe ishima Musa.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.