KUFUMA 10:7 - Biblia Ilagho Jiboie Kwa Wandu Wose

⁷ Wadumiki wa Farao wikamzera “Welee, umundu udisumbua huwu hata lii? Sigha awa wandu wiendemdumikia BWANA Mlungu wawo. Kwaduagha kusemanyagha kukaia Misri yazama putu?”

KUFUMA 10:7 ပူးပေါင်းရင်းမြစ်များ

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

KUFUMA 12:33

Nao Wamisri wikawishashira awo wandu wifume wighende, angu wereghambieghe, “Difwa diwose.”

KUFUMA 23:33

Msewisighe awo wandu wikaie isangenyi konyu; kwa kukaia mkawisigha wichamshekeria munibonyere kaung'a. Mkatasa milungu yawo, kwa loli ichawuya mdegho konyu.”

KUFUMA 7:5

Niko Wamisri wichamanya angu ini ne BWANA, ngelo nichaaghorua mkonu ghwapo aighu ya Misri, na kuwifunya wandu wa Israeli kufuma kwawo.”

KUFUMA 8:19

Waghanga wikamzera Farao, “Iji ni ibonyo ja Mlungu.” Ela Farao ukaikurisha ngolo yake, sa iji koni BWANA oreghorieghe, hata nderewisikireghe Musa na Haruni anduangi.

MAKATANISHO 29:6

Mundu mmbiwi, wadawadwa ni ikosa jake, ela mundu wa hachi wadabora na kuzuma.

MCHILI 7:26

Nawonie ilagho jimu jibirie kuchumba kifwa, najo ni muka. Lukundo ukubonyeragha luchakuwada sa mdegho angu nyavu. Ukakuwadia, mikonu yake eeka sa mnyororo angu nyavu. Mundu umkunde Mlungu uchamuinjikia, ela mkaung'a uchawadwa.

ISAYA 14:20

Oho ndekuchaarikwa kwa ishima sa wazuri wazima, kwa kukaia kwajinonie isanga jako, na kuwibwagha wandu wako. “Marina gha kivalwa cha wawiwi jingi ghisekumbuko.

ISAYA 51:9

Wuka! Wuka na ndighi rako kudikire ee BWANA, wuka karakara na matuku gha kala, karakara na vivalwa va kokala uko. Welee, si oho kumoni koremdumbueghe Rahabu viluponge viluponge, kukaidunga na lufu ija choka mbaa eobosha ya baharinyi?

JEREMIA 48:4

Moabu yanonwa, na kililo cha wanake chasikirika.

JEREMIA 51:8

Babuloni yaghwa shwa-shwa ikabarika; ililienyi! Wadenyi mavuda gha zeri kwa wundu ghwa luwawo lwake, kewada yadima kuboa.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

1 WAKORINTHO 7:35

Naghora huwu kwa fwaida enyu, hata siwuemmbikia kighirio chingi anduangi; ela naawuyammbonyera iro maza rifwane kunugha, nenyo mpate kukufunya putu kwa kumdumikia Bwana.

JOSHUA 23:13

mmanye kwa loli angu BWANA Mlungu ndechaakaia ukiwiwinga wandu wa iri mbari imbiri msevikie, ela wichaghaluka kukaia shaghala na mdegho konyu na sa kiboko chemkaba mbarunyi konyu na sa minjwa edunga meso ghenyu, hata mwameria kutota na kufuma kwa iji isanga jiboie ijo morenekeloghe ni BWANA Mlungu onyu.

1 SAMUELI 18:21

Sauli ukaghesha, “Ni nicha ulowuo mwai wapo, upate kuwuya mdegho kwake, na Wafilisti wipate chia em'bwagha.” Kwa huwo Sauli ukamzera Daudi indo ja kawi, “Idana kuchawuya mghosi wapo.”

1 SAMUELI 5:11

Niko wikawikwanya wabaa wose wa Wafilisti wikaghamba, “Wunjenyi ihi Sanduku ya Mlungu wa Waisraeli noko andu koni erekoghe, isechedibwagha isi diwose.” Kwa kukaia muzi ghose wandu werekoghe wikiobua kifwa; na Mlungu orekoghe wawikaba wandu aho loli loli;