KUFUMA 1:20 - Biblia Ilagho Jiboie Kwa Wandu Wose

²⁰ Kwa wundu ugho, Mlungu ukawibonyera nicha awo waka wevarisha, na wandu wikachurikia; wikachuria kukaia na ndighi.

KUFUMA 1:20 ပူးပေါင်းရင်းမြစ်များ

ZABURI 103:11

Sa iji mawingunyi kuko ighu kufuma ndoenyi, huwo koni lukundo lwake ni lubaa kwa awo wimuobuagha.

ZABURI 111:5

Wadawineka vindo awo wimuobuagha, nao jingi ndeliwagha ilaghano jake.

ZABURI 145:19

Wadawikatishira wose wimuobuagha, nao wadasikira kililo chawo, na kuwikira.

ZABURI 61:5

Kwamerie kusikira maghemi ghapo ee Mlungu, kukanineka ifwa ja awo wikuobuagha oho.

ZABURI 85:9

Loli oko tayari kuwikira awo wimuobuagha, eri wubaa ghwake ghupate kudua isangenyi kodu.

KUFUMA 1:12

Ela seji Wamisri werechurieghe kuwikoronga Waisraeli, niko koni Waisraeli werechurikieghe na kuera isangenyi. Na Wamisri wikakaia na wowa na wandu wa Israeli.

KUFUMA 1:19

Waka wevarisha wikamzera Mzuri, “Waka wa Waebrania ndewiko sa waka wa Kimisri, kwa kukaia awo weko na ndighi, hata wadakufungua weni imbiri uo mvarishi usechee.”

KUFUMA 1:7

Ela kivalwa cha Israeli werekoghe wikiva na kuchurikia kwa wungi; wikachurikia na kukaia na ndighi loli-loli, nawo wikachua ijo isanga.

MAKATANISHO 11:18

Mundu mmbiwi wadapata mafungu gha mikalo yake, ela uo ubonyagha hachi oko na loli epata mafungu mecha.

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

MCHILI 8:12

Mkaung'a wadima kubonya makosa mando ighana sena ukaie moyo. Naichi wadaghora wei mundu ukamsikira Mlungu, maza rimuendia nicha,

ISAYA 3:10

Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

MATHAYO 10:42

Na uo ose uchaamneka umu wa awa watini hata kikombe cha machi gha mbeo, angu wakaia mnughi wapo, ndechaasowa mafungu ghake anduangi.”

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

LUKA 1:50

Wughoma ghwake ghwadakaia hata vivalwa na vivalwa, kwa awo wimuobuagha.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.