JOSHUA 8:35 - Biblia Ilagho Jiboie Kwa Wandu Wose

³⁵ Kula Sharia ya Musa ereshomeloghe ni Joshua kwa ikwanyiko jose ja Israeli, wikwanye na waka na wana, chiaimweri na wandu wawuyakaia aghadi kwawo kiwughenyi.

JOSHUA 8:35 ပူးပေါင်းရင်းမြစ်များ

EZRA 10:1

Nao iji Ezra orekoghe ukilomba na kuhea, ukilila na kughwa imbiri ya Hekalu, izungu ibaa ja wandu wa Israeli womi na waka na wanake, wikamkwanyikia wikilila nandighi kwa kuwawa.

NEHEMIA 8:2

Iko aho ituku ja imbiri ja mori ghwa mfungade, mkohani Ezra ukareda icho chuo cha Sharia imbiri ya ikwanyiko ja womi na waka, na wose weredimieghe kusikira na kutambukilwa.

NEHEMIA 8:3

Nao ukaishoma sharia ahoeni wazenyi kaavui na Mbenge ya Machi kufuma nakesho hata dime ghadi, womi na waka na wose widimagha kutambukilwa wiko aeni. Wandu wose wikadegha madu kusikira malagho gha chuo cha Sharia.

KUFUMA 12:38

Na wandu wazima walazi wori wikaghendanya nawo, andwamweri na mfugho nyingi, ng'ondi na mburi wori.

JEREMIA 26:2

ukaghamba, “Kaia kimusi awazenyi ya Hekalu, kughorie wandu wa mizi yose ya Juda, awa wawuyacha kutasa Hekalunyi, malagho ghose nichaakulaghira kuwizere; kuseghirie ilagho jingi.

JOELI 2:16

Wangenyi wandu chiaimweri muwieleshe; wangenyi waghosi na wanake, hata awo wiongagha. Wandu wibonyere arusi kafwani nawo weni wifume chumbenyi kwawo wiche.

ZEKARIA 8:23

Matuku agho wandu ikumi kufuma kwa mbari ra wandu wichammbwada Myahudi nguwo wikighamba, ‘Nndoko dikanye; dasikire Mlungu oko andwamweri nenyo.’”

MARKO 10:14

Jesu iji wawona ilagho jija, ukawawa ni ngolo, ukawizera, “Wilekenyi wanake wiche kwapo, msakewikania, angu Wuzuri ghwa mlungunyi ni ghwa awo sa awa.

MABONYO GHA WADUMI 20:27

angu na jingi sereleghieghe kummbonyera njama yose ya Mlungu.

MABONYO GHA WADUMI 21:5

Ela matuku ghedu ghekaia aho ghiendasia, dikaghenda imbiri na charo chedu; nawo wose chiaimweri na waka na wana, wikadifumira hata shighadi ya muzi; dikadunga ngokoro mbai-mbai ya bahari, dikalomba Mlungu na kulaghana nawo.

WUKUMBUSO 29:10

“Inyo mmbose moko aha kimusi imbiri ya BWANA Mlungu onyu idime. Vilongozi va vichuku venyu, waghosi wenyu, na wabaa wenyu; wandu wose wa Israeli.

WUKUMBUSO 29:11

Wana wenyu, waka wenyu na waghenyi wemara-mara wiko aghadi konyu, awo wimshoiagha mbande, na kumdaia machi.

WUKUMBUSO 29:9

Kwa huwo mlindie kubonya malagho gha ilaghano iji, eri mpate kuwona nicha kwa maza rose m'bonyagha.

WUKUMBUSO 31:12

Muwikwanye wandu; womi, na waka na wanake, na mghenyi omara-mara uko andenyi ya mizi yawo, eri wipate kusikira na kukufundisha kumuobua BWANA Mlungu wawo, na kukulindia kughiwadia malagho ghose gha sharia ihi.

WUKUMBUSO 4:2

Msechurie ilagho jingi aighu ya agho nimlaghiragha, hata msefunye ilagho jingi, mpate kughiwadia malaghiro gha BWANA Mlungu onyu agho nimlaghiragha.