JOSHUA 8:33 - Biblia Ilagho Jiboie Kwa Wandu Wose

³³ Waisraeli wose, wa kiwughenyi na awo wa kuvalwa, na waghosi wawo, na wabaa, na watanyi wawo, wikakaia kimusi zaria iwi, kulangaya Sanduku ya Ilaghano ja BWANA eredukiloghe ni awo wakohani. Luzaria lumu mighongo yawo ikalangaya Mghondi ghwa Gerizimu, na luzaria lumu mighongo yawo ikalangaya Mghondi ghwa Ebali, sa iji koni Musa mdumiki wa Mlungu orewilaghirieghe koimbiri, wikaie huwo ngelo ya kuwusa irasimio.

JOSHUA 8:33 ပူးပေါင်းရင်းမြစ်များ

KUFUMA 12:49

Sharia ichakaia imweri kwa muisanga na kwa mghenyi uko aghadi konyu.”

WALAWI 24:22

Sharia ihi ichakaia kwa wundu ghonyu, na hata kwa waghenyi wiko aghadi konyu wori; Ini ne BWANA Mlungu onyu.”

MITALO 15:15

Sharia ni imweri imbiri ya BWANA kwa wundu ghonyu, na kwa wundu ghwa mghenyi wori; nayo ichakaia ni sharia ya matuku ghose gha vivalwa venyu vose.

MITALO 15:16

Sharia na malaghiro ni ghamweri konyu, na kwa mghenyi wori mwawuyamaranya.”

MITALO 15:29

Sharia ni imweri kwa muisanga wa wandu wa Israeli na mghenyi wimaranyagha, iji wachumbwa wikabonya kaung'a.

JOHANE 4:20

Weke aba wedu werekoghe wikitasira aighu ya ughu mghondi, nenyo mwadaghamba wei Jerusalemu niko andu kufwane kotasira Mlungu.”

WUKUMBUSO 11:29

Iji BWANA Mlungu onyu wamreda ijo isanga mwawuyangia kujiwusa, mchafunya irasimio kukikaia aighu ya Mghondi ghwa Gerizimu, na njowe kukikaia aighu ya Mghondi ghwa Ebali.

WUKUMBUSO 31:12

Muwikwanye wandu; womi, na waka na wanake, na mghenyi omara-mara uko andenyi ya mizi yawo, eri wipate kusikira na kukufundisha kumuobua BWANA Mlungu wawo, na kukulindia kughiwadia malagho ghose gha sharia ihi.

WUKUMBUSO 31:25

ukawilaghira Walawi awo weredukagha Sanduku ya ilaghano ja BWANA ukighamba,

WUKUMBUSO 31:9

Nao Musa ukaiandika iyo sharia na kuwineka wakohani awo Walawi widukagha Sanduku ya ilaghano ja BWANA, na waghosi wose wa Israeli.

JOSHUA 23:2

Niko ukawiwanga Waisraeli wose waghosi na vilongozi vawo, watanyi na wabaa wawo, ukawizera, “Ini naghosia nandighi.

JOSHUA 24:1

Nao Joshua ukakwanya vichuku vose va Israeli aho Shekemu. Ukawiwanga waghosi na vilongozi, watanyi na wabaa wa Israeli; nawo wikacha imbiri ya Mlungu.

JOSHUA 3:14

Nao iji wandu werefumieghe hemenyi kwawo eri wipate kuruwuka Jordani, wakohani awo wereidukieghe Sanduku ya Ilaghano wikakiria imbiri kwawo.

JOSHUA 3:3

wikawizera wandu, “Iji mwawona Sanduku ya Ilaghano ja BWANA Mlungu onyu ikidukwa ni wakohani na Walawi, mchawuka andu muko na kuinugha,

JOSHUA 3:6

Joshua ukawizera wakohani, “Wadenyi Sanduku ya Ilaghano muide nayo imbiri ya wandu.” Wikaiduka Sanduku, wikaida nayo imbiri ya wandu.

JOSHUA 4:10

Angu wakohani werekaieghe kimusi aghadi ya Jordani, hata malagho ghose BWANA oremlaghirieghe Joshua uwighorie wandu ghikameria kubonywa seji Musa oremlaghirieghe Joshua. Wandu wikashashira kuruwuka moda.

JOSHUA 4:18

Nao iji awo wakohani wiidukagha Sanduku ya Ilaghano ja BWANA wajoka kufuma Jordani, wiendawadia mbai na mbai ya moda, agho machi ghikachua na kudika dika sa iji koni gherekoghe.

JOSHUA 6:6

Niko Joshua mwana wa Nuni ukawiwanga wakohani ukawizera, “Wadenyi Sanduku ya Ilaghano, na wakohani mfungade wido tarumbeta mfungade ra mbembe ra bauru imbiri ya Sanduku ya BWANA.”