JOSHUA 8:31 - Biblia Ilagho Jiboie Kwa Wandu Wose

³¹ sa iji koni Musa mdumiki wa Mlungu orewilaghirieghe wandu wa Israeli, seji iandikilo Sharienyi ya Musa: “Madhabahu ibonyero kwa magho ghisewachilo.” Wikafunya vizongona vekora kwa BWANA na vizongona va mapatano.

JOSHUA 8:31 ပူးပေါင်းရင်းမြစ်များ

2 WAZURI 14:6

Ela wana wa awo wabwaghi nderewibwaghieghe, kunughana na chuo cha Sharia ya Musa ighambie, “Wavi wisebwagho kwa wundu ghwa mawiwi ghibonyero ni wana wawo; na wana wisebwagho kwa wundu ghwa mawiwi ghibonyero ni weke ndee; ela kula mundu uchabwaghwa kwa wundu ghwa wuwiwi ghwake moni.”

2 WAZURI 22:8

Nao Mkohani M'baa Hilkia ukamzera Shafani uja karani, “Nawona chuo cha Sharia andenyi ya Hekalu.” Niko Hilkia ukamneka Shafani icho chuo ukachishoma.

2 MALAGHO GHA NGELO 25:4

Ela nderewibwaghieghe wana wawo kunughana na seji iandikilo sharienyi andenyi ya chuo cha Musa andu BWANA ulaghirie, “Makosa gha wana ndeghiwishekeriagha weke ndee wibwagho; hata makosa gha wavi ndeghiwishekeriagha wana wawo wibwagho anduangi; kwa huwo kula mundu uchabwaghwa kwa wundu ghwa kaung'a yake moni.”

2 MALAGHO GHA NGELO 35:12

Vizongona vekora wikaviwikia mbai, eri wipate kuviwagha kunughana na mafungu gha nyumba ra weke ndee, ra wandu wa ndonyi, wipate kumfunyira BWANA seji iandikilo sharienyi ya Musa.

EZRA 6:18

Wikawika wakohani kwa mafungu ghawo, na Walawi kwa mazughe seji iandikilo chuonyi kwa Musa wibonyeghe wutasi ghwa Mlungu aho Jerusalemu.

NEHEMIA 13:1

Ngelo chuo cha Musa cherekoghe chikishomelwa wandu kwa lwaka, weresikireghe andu kuandikilo kukaia Muamoni ungu angu M'moabu ungi jingi usengie andenyi ya ikwanyiko ja wandu wa Mlungu.

KUFUMA 18:12

Niko Jethro, mghosi wake Musa ukafunya kizongona chekora na vizongona vizima kwa Mlungu; na Haruni ukacha chiaimweri na waghosi wa Israeli wikajanya vindo na mghosi wa Musa kwa kumtasa Mlungu.

KUFUMA 24:5

Niko ukawiduma wandu wa irika wa wandu wa Israeli, wikafunya vizongona vekora kwa BWANA; na ng'ombe rimu wikarifunya rikaie vizongona va mapatano.

MATHAYO 12:26

Shetani ukammbinga Shetani uakuwaghanya moni. Idana wuzuri ghwake-lee ghumanga wada?

WUKUMBUSO 27:2

Ituku mruwukagha Moda ghwa Jordani mngie ijo isanga BWANA Mlungu onyu umnekagha, mdunge magho mabaa, mughikabe lipu,

WUKUMBUSO 27:8

Agho malagho gha ihi sharia, mughiandikie aighu ya agho magho mwaghikaba lipu worinyi.”

JOSHUA 1:8

Kusesighe kushoma chuo cha Sharia; kukufundishe aho kio na dime, kupate kukulindia na kubonya ghose sa iji koni maandiko ghighambagha. Kwa chia iyo kuchakaia nicha kwa mighendo yako, sena kuchapata wusimi.