JOSHUA 7:26 - Biblia Ilagho Jiboie Kwa Wandu Wose

²⁶ Wikakumba kitungu cha magho aighu yawo, nacho cheko aho hata linu. Niko machu gha BWANA ghikahoa. Kwa huwo, andu aho kwawangwa Vololo ya Akori hata linu.

JOSHUA 7:26 ပူးပေါင်းရင်းမြစ်များ

2 SAMUELI 18:17

Nao wikammbwada Absalomu na kumkumba andenyi ya kina kibaa aho msidunyi. Wikatumbanya kitungu kibaa cha magho aighu ya icho kina; Waisraeli wose wikakimbia kula mundu mzinyi kwake.

2 SAMUELI 21:14

Wikaghirika maindi gha Sauli na Jonathani isanga ja Benjamini aho Zela; andenyi ya kaburi ya Kishi ndee wake Sauli; na wandu wikabonya sa iji koni mzuri orelaghirieghe. Nyuma ya huwo, Mlungu ukasikira malombi ghawo kwa wundu ghwa isanga.

2 MALAGHO GHA NGELO 29:10

Idana naawuyawona nibonye ilaghano na BWANA, uo Mlungu wa Israeli; eri udiinjire machu ghake.

EZRA 10:14

Wabaa wedu ndewikaie Jerusalemu wizighaneghe agha malagho, na wandu wose wa mizinyi kedu wilowue waka wa kighenyi wiche kwa ngelo yaro, chiaimweri na waghosi na watanyi wa kula muzi, hata Mlungu wameria kudiinjira machu ghake ghibirie aighu ya ilagho iji.”

ZABURI 85:4

Kudiwunje sena ee Mlungu Mkiri odu; kuleke makai ghako cha kodu.

KUFUMA 32:12

Kwaki Wamisri widime kughora wei kodewifunya wandu wako Misri kupate kuwibwagha na kuwimeria aho mighondinyi? Lekabonya machu, ghalua nia yako, kusakewiredia wandu wako agho mawiwi.

ISAYA 40:2

Kudede malagho gha wuhoreshi kwa Jerusalemu, wighorienyi kukaia wuda ghwawo ghwasirie; mawiwi ghawo ghamerie kulekwa, kwa kukaia BWANA wawikabie mando awi, kwa wundu ghwa kaung'a rawo.

ISAYA 65:10

Sharoni ichawuya andu kolishira ng'ondi, na Vololo ya Akori ichawuya andu kodimishira ng'ombe ra wandu wapo werenilolieghe.

KILILO CHA JEREMIA 3:53

Werenikumbieghe kinenyi nimoo, wikafinikira igho momunyi kwaro.

HOSEA 2:15

Nichammbunjira mbuwa yake ya mizabibu, na kubonya Vololo ya Akori iwuye mnyango ghwa isuwirio. Aho uchanitumbulia sa iji orekoghe wa irika, sa ngelo orefumieghe Misri.

HOSEA 2:17

Sichaamsigha ughore marina gha Baali sena, na iyo milungu ndeichaaghorwa momunyi kwake sena anduangi.

JOELI 2:13

Rashuonyi ngolo renyu nguwo mbai.” Wuyenyi kwa BWANA, Mlungu onyu. Uo wachua mvono na wughoma, wachua irumaghio, nao wadamaziria malaghiro ghake; wadafuya wughoma na kuleka kukaba.

JOELI 2:18

Niko BWANA ukajizighana isanga jake, ukawifuya wughoma wandu wake.

JONA 1:15

Niko wikammbwada Jona wikamkumba baharinyi, na bahari ikanyama.

ZEKARIA 6:8

Malaika ukanizera kwa lwaka lubaa, “Ola iri righendagha cha Babuloni ijo isanga ja kaskazinyi, rahoresha machu gha BWANA.”

MITALO 25:8

ukamnugha uja Muisraeli hata chumba cha ndenyi, ukawidunga na ifumu wose; uo Muisraeli na uo muka, hata jikadunga na kuida kifunyi cha uo muka. Kwa chia iyo saka ya ngawawi ikawisigha wandu wa Israeli.

WUKUMBUSO 13:17

Mseshoo kindo chingi cha ivo vimerie kutanywa vipate kutoteshwa; eri BWANA upate kuhoresha machu ghake, na kumfuya wughoma, nao um'bonye mchurikie sa iji koni orewilaghirieghe weke ndeyo,

WUKUMBUSO 13:18

ikakaia mchasikira seji BWANA Mlungu onyu ughambagha, kwa kughiwadia malaghiro ghake ghose nimlaghiragha idime, na kubonya agho ghiko gha hachi imbiri ya BWANA Mlungu onyu.

JOSHUA 10:27

Ela ngelo ya iruwa kuneng'ena, Joshua ukafunya momu mimbi ya awo wazuri isero kufuma midinyi; wikaikumba andenyi ya ija mbanga werekuvisireghe, wikawika igho ibaa mnyangonyi ghwa iyo mbanga; nayo eko aho hata linu.

JOSHUA 7:24

Niko Joshua chiaimweri na Waisraeli wose wikammbwada Akani, na iro feza, na nguwo na icho kipande cha dhahabu, chiaimweri na wana wa Akani wa womi na wa waka, ng'ombe rake, weke punda, ng'ondi, hema, na kula kilambo orekoghe nacho; wikavireda hata Vololo ya Akori.

JOSHUA 8:29

Ukammbanika mzuri wa Ai aighu ya mudi hata luma lwa kenyi. Ngelo ya iruwa kuneng'ena Joshua ukawilaghira wandu, nawo wikaghusera mumbi ghwake, na kughukumba chienyi ya mbenge ya muzi. Wikakumba kitungu cha magho aighu yake, nacho cheko ahoeni hata linu.