JOSHUA 7:15 - Biblia Ilagho Jiboie Kwa Wandu Wose

¹⁵ Uo mundu uchaafunukulwa uko na ivo vilambo, uchakorwa chiaimweri na kula kilambo chake, kwa kukaia wajichikanya ilaghano ja BWANA kwa kubonya ilagho ja waya andenyi ya Israeli.”

JOSHUA 7:15 ပူးပေါင်းရင်းမြစ်များ

KUZOYA 34:7

Ngelo iyo wadawana wa Jakobo werekoghe wikingia kufuma kulishenyi, hata iji wasikira maza iro, wikazamilwa na kuwawa na ndighi kwa wundu ghwa ugho wuwiwi ghorebonyeroghe ni Shekemu andenyi ya Israeli ghwa kulala na mwai wa Jakobo, ilagho jisefwane kubonywa.

2 SAMUELI 13:13

Angu niendamaria hao na ughu waya? Na kwako wori kuchawoneka mkelu wa kisha kwa Israeli. Kwa huwo mwanidu, nakulomba kudedanye na mzuri; neko na loli ndechaakuleghia kusenilowuo.”

JOSHUA 7:11

Israeli wabonya kaung'a, waghichikanya malaghiro ghapo nerewilaghirieghe wighiwadie; wawusa vilambo vimu venonwa; wabonyere mikalo na kuviiwa, nawo waviranganya na vilambo vawo.

JOSHUA 7:16

Niko Joshua ukawuka kokio nakesho yaro, ukareda wandu kaavui kichuku kwa kichuku. Kichuku cha Juda chikawadwa.

WATANYI 20:10

nesi dichawusa wandu ikumi kufuma kwa kula wandu ighana wa mbari rose ra Israeli, na wandu ighana kwa kula elfu na wandu elfu kwa kula elfu ikumi, weredia wandu vindo; na wandu wikameria kungia Gibea kwa Wabenjamini, wichaluya kisasi kwa wundu ghwa wuwiwi na wuchafu ghose wighubonyere andenyi ya Israeli.”

WATANYI 20:5

Na wandu wa Gibea wikawuka nakio na kuimara ija nyumba nerekoghe; werekundeghe kunibwagha, ela wikalala na muka wapo okanya kwa ndighi, na idana wameria kufwa.

WATANYI 20:6

Niko ngammbwada na kumdumbua vipande vipande, ngammarisha isanga jose ja ifwa ja Waisraeli, kwa kukaia wabonyere wuwiwi na wuchafu andenyi ya Israeli.

1 SAMUELI 26:21

Niko Sauli ukaghamba, “Nakosa; wuya mwanwapo Daudi, angu sichaakubonya ilagho iwiwi sena, kwa kukaia irangi japo jekoghe ja zoghori kwako idime. Ola nabonya wukelu, nakosa nandighi.”