JOSHUA 6:24 - Biblia Ilagho Jiboie Kwa Wandu Wose

²⁴ Wikakora ugo muzi kwa modo chia imweri na vose verekoghe andenyi yaro. Ela feza na dhahabu, na vilambo va shaba na va chuma wereviwikieghe andu mali ya BWANA iwikwagha.

JOSHUA 6:24 ပူးပေါင်းရင်းမြစ်များ

2 SAMUELI 10:5

Daudi uendaghorelwa agho malagho, ukaduma wandu wiwimare; kwa kukaia awo wandu werefueghe waya nandighi. Mzuri ukawizera, “Kaienyi Jeriko hata sombe renyu razoghua ima mchecha.”

2 WAZURI 25:9

Ukaikora Hekalu na ngome ya mzuri, na nyumba rose ra wabaa rerekoghe andenyi ya muzi ghwa Jerusalemu.

1 MALAGHO GHA NGELO 18:11

Vilambo ivo wori mzuri Daudi ukavifunya kwa BWANA chiaimweri na feza na dhahabu iyo oreidwaeghe kufuma Edomu, Moabu, na kwa Waamoni, Wafilisti, na Waamaleki.

MITALO 31:10

Wikaikora mizi yawo yose, na kambi rawo andu kose werekoghe wikikaia;

WUKUMBUSO 13:16

Vilambo vose mwaviwada, muvitumbanye ghadi na ghadi ya ugho muzi andu kuko kuelie, na kughukora muzi chiaimweri navo, sa kizongona chekora chose kwa BWANA Mlungu onyu, nagho ghuchawuya ighacho kwa kala na kala, hata ndeghuchaaghwa sena.

WUKUMBUSO 13:17

Mseshoo kindo chingi cha ivo vimerie kutanywa vipate kutoteshwa; eri BWANA upate kuhoresha machu ghake, na kumfuya wughoma, nao um'bonye mchurikie sa iji koni orewilaghirieghe weke ndeyo,

WUKUMBUSO 20:16

“Ela mkawada mizi ya isanga ijeni BWANA Mlungu onyu wawuyamneka, moobwagha kula mundu; msesighe kindo chingi chimoo.

JOSHUA 11:11

Wikabwagha kula mundu orekoghe andenyi ya ugho muzi; ndeweresighieghe hata mundu umweri uko moyo; na ugho muzi ghwaro wikaghukora.

JOSHUA 6:19

Feza yose na dhahabu, na vilambo va shaba na chuma vichakaia wakfu kwa BWANA; vichawikwa andenyi ya mali ra BWANA.”

JOSHUA 6:25

Ela Joshua ukamkira Rahabu jija ilaya, ukaie moyo chiaimweri na ndee, na kichuku chake chose; nao ukakaia andenyi ya Israeli hata linu, angu orewivisireghe awo washeki weredumiloghe ni Joshua kughuzighana muzi ghwa Jeriko.

JOSHUA 8:28

Niko Joshua ukaghukora muzi ghwa Ai, ukaghubonya kitungasi hata linu.

WUFUNUO 17:16

Na iro mbembe ikumi kuriwonie, chiaimweri na iyo nyamandu wichazamilwa ni ijo ilaya, nawo wichajisoka kula kindo, na kujisigha duu; wichaja nyama yake, na kujikora na modo;

WUFUNUO 18:8

kwa huwo makabo ghake ghichacha kwa ituku jimweri; wukongo, wasi, na njala. Nao uchakorwa na modo, angu uo Bwana Mlungu umtanyagha, wawadie ndighi nyingi.”