JOSHUA 6:19 - Biblia Ilagho Jiboie Kwa Wandu Wose

¹⁹ Feza yose na dhahabu, na vilambo va shaba na chuma vichakaia wakfu kwa BWANA; vichawikwa andenyi ya mali ra BWANA.”

JOSHUA 6:19 ပူးပေါင်းရင်းမြစ်များ

2 SAMUELI 8:11

Mzuri Daudi ukaviranganya vilambo ivo chiaimweri na vimu va feza na va dhahabu orevipatireghe kwa rija mbari orerisimieghe na kurinyarimisha; ukaviwika vose wakfu kwa BWANA.

1 WAZURI 14:26

Ukawusa mali yose ya Hekalu ya BWANA na mali rose rerekoghe andenyi ya ngome ya mzuri. Wokoni ukawusa rija ngao ra dhahabu rerebonyeroghe ni Solomoni, ukaghenda naro.

1 WAZURI 7:51

Niko huwo kazi yose Mzuri Solomoni oreibonyereghe kwa wundu ghwa Hekalu ya BWANA ikasia. Ukareda vilambo vose verewikiloghe wakfu kwa BWANA ni ndee Daudi, ukavingira andenyi ya chumba cha vilambo; shaba na dhahabu na vilambo vizima.

2 WAZURI 24:13

Mzuri wa Babuloni ukadwa mali rose ra Hekalu, na ra nyumba ya mzuri; ukavidema-dema vilambo va dhahabu verekoghe andenyi ya Hekalu ya BWANA, ivo verebonyeroghe ni Mzuri Solomoni wa Israeli, sa iji koni BWANA oreghorieghe kiimbiri.

1 MALAGHO GHA NGELO 18:11

Vilambo ivo wori mzuri Daudi ukavifunya kwa BWANA chiaimweri na feza na dhahabu iyo oreidwaeghe kufuma Edomu, Moabu, na kwa Waamoni, Wafilisti, na Waamaleki.

1 MALAGHO GHA NGELO 26:20

Kufumanya na Walawi, Ahija orekoghe ukizighana mali ya nyumba ya Mlungu, na nyumba ra vilambo vifunyiro manosi vikawikwa wakfu.

1 MALAGHO GHA NGELO 26:26

Uhu Shelomothi na waruna niwo werekoghe wazighaniri wa mali yose erefunyiroghe manosi agho gherewikiloghe wakfu ni Mzuri Daudi na wabaa wa vinyumba va wandu na wabaa wa maelfu na wa maghana na wabaa wa majeshi.

1 MALAGHO GHA NGELO 26:27

Werefunyireghe vilambo wereviwadieghe wudenyi na kuviwika wakfu vidumike kwa Hekalu ya BWANA.

1 MALAGHO GHA NGELO 26:28

Shelomothi na kivalwa chake werekoghe wazighaniri wa vilambo verewikiloghe wakfu vidumikeghe Hekalunyi, chiaimweri na manosi gherefunyiroghe ni mlodi Samueli, Mzuri Sauli, Abneri mwana wa Neri na Joabu mwana wa Seruaia.

1 MALAGHO GHA NGELO 28:12

na mchoro ghwa kula ilagho jerekoghe chongonyi kwake kwa wundu ghwa waza ra nyumba ya BWANA. Andu kwa mali ya nyumba ya Mlungu, na andu kwa manosi ghiwikilo wakfu;

2 MALAGHO GHA NGELO 15:18

Ukareda Hekalunyi ya Mlungu manosi gherewikiloghe wakfu ni ndee, na agho oreghiwikieghe wakfu moni: feza na dhahabu na vilambo vose.

2 MALAGHO GHA NGELO 31:12

na kwa wuloli wikavingira ivo vilambo vifunyiro; ifungu ja ikumi, na vilambo viwikilo wakfu. M'baa wa kazi orekoghe ukivilindia ni Konamia, Mlawi; wa kawi ni mruna uwangwagha Shimei;

NEHEMIA 10:38

Wakohani wa kivalwa cha Haruni, wichanughana na Walawi ngelo ewada ifungu ja ikumi. Na Walawi wichafunya ifungu ja ikumi ja agho mafungu gha ikumi wawada na kughiwika andenyi ya stoo ra Hekalu, ghipate kukaia matumizi gha Hekalunyi.

JEREMIA 38:11

Nao Ebedi-meleki ukawada wandu, ukaghendanya nawo ngomenyi kwa mzuri, hata kabatinyi mbaa iko andenyi ya stoo, ukafunya nguwo na vitambaa va marasi ukaniseria kamba andenyi ya kisima.

WALAWI 19:24

Mwaka ghwa kana, matunda ghose ghichatalwa kukaia ghieleshero; nagho ghichafunywa kukaia ifunyo jenikasa ini.

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

MITALO 31:11

wikawusa vilambo vose, wandu na nyamandu.

MITALO 31:12

Wikareda vilambo vose kwa Musa na mkohani Eleazari, na izungu ja wandu wa Israeli jiko kirindinyi cha Moabu kulangaya Jeriko kaavui na Jordani.

MITALO 31:22

aighu ya dhahabu, feza, shaba, chuma, ibamba, na risasi viekeri,

MATHAYO 27:6

Nao wakohani wabaa wikavishoa vija vibelele va feza wikaghamba, “Sharia yadalegha disekumbe pesa ra bagha andenyi ya isanduku ja mali ya Hekalu.”

MARKO 12:41

Jesu ukasea kidombo kaavui na isanduku jekumbiria mafunyo, ukizighana sa iji izungu jikumbagha mafunyo andenyi ya jija isanduku. Wandu wengi wiko na mali, wikakumba pesa nyingi.

JOSHUA 7:11

Israeli wabonya kaung'a, waghichikanya malaghiro ghapo nerewilaghirieghe wighiwadie; wawusa vilambo vimu venonwa; wabonyere mikalo na kuviiwa, nawo waviranganya na vilambo vawo.