JOSHUA 6:17 - Biblia Ilagho Jiboie Kwa Wandu Wose

¹⁷ Muzi na icho chose chiko andenyi yaro vichafunywa kwa BWANA vipate kunonwa, ela Rahabu jija ilaya jiekeri chiaimweri na awo wiko nyumbenyi kwake wichasigwa wikaie moyo; angu orewivisireghe waja washeki derewidumieghe.

JOSHUA 6:17 ပူးပေါင်းရင်းမြစ်များ

KUZOYA 12:3

Nichawirasimia awo wichaakurasimia oho, nani nichawiwasira njowe awo wichaakuwasira njowe; na kwa oho mbari rose ra ndoenyi richarasimilwa.”

EZRA 10:8

mndungi ukakaia usechee kwa matuku adadu, kwa malaghiro gha wabaa na waghosi uchasokwa mali rake rose; na uo moni uchasighwa kufuma kwa ugho wumweri ghwa wandu wifumie wubarishonyi.

ISAYA 34:6

Lufu lwa BWANA luchachulwa ni bagha rawo na kurogha mavuda ghawo, sa bagha na mavuda gha wana wa ng'ondi na wa mburi, kara kara na mavuda gha figho ra bauru. Kwa kukaia BWANA uchafunya kizongona aja Bosra na kubwagha wandu wengi isanga ja Edomu.

JEREMIA 46:10

Ijo ni ituku ja BWANA wa majeshi jeluya kisasi, ukuluye kisasi moni aighu ya wamaiza wake. Lufu luchaja lughude, luchanywa lughude bagha yawo; kwa kukaia BWANA Mlungu wa majeshi waawuyafunya kizongona, noko cha kaskazinyi kaavui na Moda ghwa Eufrate.

EZEKIELI 39:17

“Na oho ee mwana wa mdamu, Bwana Mlungu wakuzera huwu: Zera nyonyi ra mbari rose na nyamandu ra mlambenyi rikwanyike kufuma andu kose, riche karamunyi ya kizongona nawuyaibonya kwa wundu ghwawo; kizongona kibaa nandighi nichaachibonya aighu ya mighondi ya Israeli; naro richaja nyama, na kunywa bagha.

WALAWI 27:21

Mwaka ghwa Jubili ghunughagha, iyo mbuwa ichawuya ya BWANA putu; nayo ichawuya ifungu ja wakohani.

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

1 WAKORINTHO 16:22

Mndungi ukakaia usemkunde Bwana, ndewado ni njowe. Marana tha Choo Bwana odu.

1 WAKORINTHO 2:7

Ela damfunukuya ngasu na hikima ya Mlungu ivisiro, iyo Mlungu oreilaghirieghe kwa wundu ghwa wubaa ghodu imbiri ya wurumwengu kuumbwa.

WAGALATIA 3:10

Angu awo wikusaghikagha kwa mabonyo gha Sharia, weeka aisi ya njowe; angu yaandikilo, “Ndewado ni njowe kula mundu usewadagha malagho ghose ghiandikilo andenyi ya chuo cha Sharia, na kughibonya.”

WAGALATIA 3:12

Ela Sharia ndeikusaghikagha na irumirio, angu seji iandikilo, “Uo uibonyagha Sharia uchadua moyo kwa io.”

WUKUMBUSO 20:17

Mtoteshe wandu wose putu: Wahiti, na Waamori, na Wakanaani, na Waperizi, na Wahivi, na Wajebusi sa iji koni BWANA Mlungu ulaghirie;

WAEBRANIA 11:31

Kwa irumirio, Rahabu jija ilaya, ndejeretotereghe chiaimweri na awo wereleghieghe, angu orewikaribishireghe waja washeki sa waghenyi wake.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

JAKOBO 2:25

Na Rahabu wori jija ilaya, ndedetalwa kukaia na hachi kwa mabonyo wokoni iji orewikaribishireghe waja wadumwa, na kuwifunya shighadi kwa chia zima angu wada?

JOSHUA 2:1

Niko Joshua mwana wa Nuni ukaduma washeki wawi kufuma kambi ya Shitimu, kuzighana isanga ja Kanaani kwa kiviso, na kuchumba, ugho muzi ghwa Jeriko. Wikangia muzi ghwa Jeriko, wikalala nyumbenyi kwa ilaya jimu jiwangwagha Rahabu.

JOSHUA 2:22

Nao awo wandu wikajoka cha mghondinyi, wikakaia aho matuku adadu, hata waja werewinughagha wameria kuwuya; kwa kukaia waja wandu werewilolagha werewinughieghe chienyi kose wikawisowa.

JOSHUA 7:1

Ela wandu wa Israeli wikachikanya agho malaghiro kwa kuwusa ivo vilambo venonwa; angu Akani mwana wa Karmi wawae Zabdi, wa kichuku cha Zera, wa kichuku cha Juda, orewusireghe vilambo vimu venonwa; na BWANA ukajokwa ni machu aighu ya wandu wa Israeli.

1 SAMUELI 15:3

Idana ghenda kuwikabe Waamaleki; kunone kula kilambo wiko nacho, kusewilekerie; ela kubwaghe mndwawomi na muka, mwana mtini na uo uongagha, ng'ombe na ng'ondi, ngamila na punda.”

1 SAMUELI 15:6

Ukawizera Wakeni, “Fumenyi mkutanye na Waamaleki, nisechemtoteshanya nawo; angu inyo morekoghe na wughoma kwa wandu wose wa Israeli ingelo werejokagha kufuma Misri.” Nao Wakeni wikafuma na kukutanya na Waamaleki.