JOSHUA 5:13 - Biblia Ilagho Jiboie Kwa Wandu Wose

¹³ Nao iji Joshua wavika kaavui na Jeriko, ukawona mndumu uko na lufu imbiri kwake. Ukamghendia na kumkotia, “Welee, oho koko luwaru lodu angu luwaru lwa wamaiza wedu?”

JOSHUA 5:13 ပူးပေါင်းရင်းမြစ်များ

KUZOYA 18:1

Nao BWANA ukamfutukia Abrahamu aja midinyi ya kuela ya Mamre, uko kidombo mnyangonyi ghwa hema yake, ngelo ya mruke ghwa dime ghadi.

KUZOYA 18:2

Abrahamu ukawusira meso ghake ukazighana, ukawona wandu wadadu wiko kimusi imbiri kwake. Hata iji wawiwona ukafuma hemenyi kwake na iseghe ukawimara, ukawighoghomia hata andoenyi ukaghamba,

KUZOYA 28:16

Nao Jakobo ukawuka kufuma dilonyi kwake ukaghamba, “Loli BWANA oko aha na ini seremanyireghe anduangi!”

KUZOYA 33:1

Nao Jakobo ukazighana, ukammbona Esau ukicha andwamweri na wandu wake maghana ana. Aho ukawiwaghia Lea, Raheli, na waja wai wawi wa kazi, waja wana.

KUZOYA 33:5

Hata iji Esau wawusira meso ghake na kuzighana, ukawiwona waja waka na wana ukaghamba, “Ni weke ani awa mkwanye?” Jakobo ukaghamba, “Ni wana awa Mlungu uninekie ini mdumiki wako kwa wucha ghwake.”

1 MALAGHO GHA NGELO 12:22

Ituku ituku wandu werekoghe wikicha kwa Daudi, hata wikawuya ijeshi ibaa, nandighi.

1 MALAGHO GHA NGELO 21:27

Niko BWANA ukamlaghira malaika nao ukawunja lufu lwake kiwonunyi kwaro.

1 MALAGHO GHA NGELO 21:30

ela Daudi nderedimieghe kughenda ukotie BWANA aho, angu oreobueghe lufu lwa malaika wa BWANA.

KUFUMA 23:23

Malaika wapo uchamkiria, na kumghenja isanga ja Muamori, Mhiti, Mperizi, Mkanaani, Mhivi na Mjebusi; nani nichawitotesha.

DANIELI 10:5

Ngawusira meso ghapo na kuzighana, ngawona mundu urushiro nguwo ya kitani, urwae mkowa ghwa dhahabu iboie na ndighi kiwonunyi kwake.

DANIELI 8:3

Ngawusira meso ghapo ngazighana; ngawona bauru iko kimusi mbai na mbai ya moda. Erekoghe na mbembe iwi, rose riko ndacha; ela lwembe lumweri, ulo locheebuka nanyuma, lorekoghe lulacha kuchumba mmbao.

ZEKARIA 1:8

Ngawona malaika wa BWANA ukijoka farasi ya ngundu! Orekoghe wakaia kimusi aghadi ya midi ya mhadasi a ivongonyi na nyuma yake korekoghe na farasi rimu; ra ngundu, ra mshashu na ra chokwa.

MITALO 22:23

Punda ukammbona malaika wa BWANA uko kimusi a chienyi wawadia lufu udeme, na uo punda ukaghaluka, ukasigha chia na kungia cha isakenyi; Balaamu ukamkaba punda ummbunje cha chienyi.

MITALO 22:31

Niko BWANA ukamtambua Balaamu meso, nao ukammbona malaika wa BWANA uko kimusi chienyi wawadia lufu udeme; Balaamu ukaghwa kiwushu-wushu.

MABONYO GHA WADUMI 1:10

Nawo iji werekoghe wikizighana nokoighu ukighenda, wandu wawi wirwae nguwo ra chokwa wikakaia kimusi kaavui nawo na kughamba,

JOSHUA 6:2

BWANA ukamzera Joshua, “Zighana nakuneka Jeriko mkonunyi kwako, mzuri waro na majeshi gharo ghose.

WUFUNUO 1:13

Na aghadi ya vinara va taa, nerewonieghe mndumu sa Mwana wa Mdamu, urwae nguwo ndacha, na mkumbo ghwa dhahabu ghufungilo laghenyi kwake.

WATANYI 13:11

Manoa ukawuka ukanughana na mkake, ukacha kwa uja mundu ukamzera, “Oho ko uja mundu orededanyeghe na uhu muka?” Ukaghamba, “Ni ini moni.”

WATANYI 13:22

Manoa ukamzera mkake, “Kwa loli daakola dafwa, angu dammbona Mlungu.”