JOSHUA 3:7 - Biblia Ilagho Jiboie Kwa Wandu Wose

⁷ BWANA ukamzera Joshua, “Idime iji nichazoya kukujosa imbiri ya Waisraeli wose, wipate kumanya angu sa iji koni nerekaieghe andwamweri na Musa, huwo koni nichakaia andwamweri na oho.

JOSHUA 3:7 ပူးပေါင်းရင်းမြစ်များ

1 MALAGHO GHA NGELO 29:25

BWANA ukam'bonya Solomoni uwoneke m'baa kwa Waisraeli wose, ukamrusha wubaa mungi ghwa kiwuzuri, ghuserekoghe na mzuri ungi oremkirieghe andenyi ya Israeli.

2 MALAGHO GHA NGELO 1:1

Solomoni mwana wa Daudi oremangeghe nicha andenyi ya wuzuri ghwake, na BWANA Mlungu wake orekoghe andwamweri nao ukam'bonya kukaia m'baa nandighi.

AYUBU 7:17

Mdamu niki hata kumtale na ndighi huwu, na kumririkanyagha huwu?

ZABURI 18:35

Ee BWANA, kwadanilindia na kunikira, kwadanimazira kwa ndighi rako, na kukusera kwako kwaniwunjire m'baa.

JOHANE 17:1

Nao iji Jesu wameria kughora malagho agho, ukazighana aighu mlungunyi ukaghamba, “Aba, ngelo yameria kuvika; mkase Mwana wako, na Mwana wako wori ukukase oho.

WAFILIPI 1:20

Angu niko nawuyawona na kusuwiria nandighi kukaia, sichaafushwa waya anduangi; ela kwa ngolo mbaa, idana sa matuku ghose, Kristo uchabonyerwa ishima mumbinyi kwapo; ngera ni kwa chia ya kukaia moyo, angu kwa chia ya kufwa.

JOSHUA 1:17

Dichakusikira sa iji koni deremsikireghe Musa; BWANA ndekaie na oho sa iji koni orekaighe na Musa.

JOSHUA 1:5

Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 3:6

Joshua ukawizera wakohani, “Wadenyi Sanduku ya Ilaghano muide nayo imbiri ya wandu.” Wikaiduka Sanduku, wikaida nayo imbiri ya wandu.

JOSHUA 3:8

Na oho kuchawilaghira wakohani awo widukagha Sanduku ya Ilaghano, angu wikavika mbai na mbai ya moda ghwa Jordani, wimange kimusi.”

JOSHUA 4:14

Ituku ijo, BWANA ukamjosa Joshua imbiri ya Waisraeli wose, wikamneka Joshua ishima matuku ghose gha irangi jake sa iji koni weremnekieghe ishima Musa.