JOSHUA 3:4 - Biblia Ilagho Jiboie Kwa Wandu Wose

⁴ mpate kuimanya ija chia mchaiidia, kwa kukaia jingi ndemuiidie iyo chia. Ela mkaie na kipimo chesighana na iyo Sanduku wukula ghwa kilometa imweri; mseisoghodere.”

JOSHUA 3:4 ပူးပေါင်းရင်းမြစ်များ

KUZOYA 31:2

Jakobo ukawona angu Labani nderekoghe ukimmbona nicha sa imbiri.

1 MALAGHO GHA NGELO 11:2

Imbiri, hata iji Sauli orekoghe mzuri, ni oho korekoghe kukiwighenja Waisraeli. BWANA Mlungu wako ukakuzera kukaia kuchakaia mlisha wa wandu wake Israeli, na kuwuya m'baa wawo.”

ZABURI 25:12

Umundu umuobuagha BWANA, BWANA uchamfundisha chia imfwanagha kunugha.

ZABURI 89:7

Mlungu wadaobolwa andenyi ya mwandu ghwa waeli; wadaobosha kuchumba wose wiko mbai mbai kwake.

KUFUMA 19:12

Kubonye mwano kughumara ugho mghondi kwa wundu ghwa wandu kukighamba, ‘Mkulindie msejoke mghondinyi, hata kuadada ughu mwano; mndungi ukaghuadada ugho mghondi uchabwaghwa.

KUFUMA 3:5

Mlungu ukaghamba, “Kusesoghode kaavui, rua vadu vako maghunyi kwako, kwa kukaia andu kuko kimusi ni andu kwa wueli.”

KUFUMA 4:10

Ela Musa ukaghamba, “Ee, BWANA, wapo, ini siichi kudeda, hata sidimie kudeda nicha kufuma kwazoya kughora nani mdumiki wako; nadadeda mboa mboa, sena nadaghughumia.”

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

ISAYA 48:17

BWANA, uo Mkomboli wako, Mlungu Mweli wa Israeli waghora huwu: “Ini ne BWANA Mlungu wako, uo ukufundishagha kupate fwaida na kukulongoza kwa iyo chia ifwane kuighendie.

JOSHUA 3:3

wikawizera wandu, “Iji mwawona Sanduku ya Ilaghano ja BWANA Mlungu onyu ikidukwa ni wakohani na Walawi, mchawuka andu muko na kuinugha,

JOSHUA 3:5

Joshua ukawizera wandu, “Mkueleshe inyo mmbeni; angu kesho BWANA uchabonya mashiniko aghadi konyu.”