JOSHUA 24:31 - Biblia Ilagho Jiboie Kwa Wandu Wose

³¹ Waisraeli wikamdumikia BWANA matuku ghose gha Joshua, na gha waghosi awo werekwanyeghe na Joshua, awo wose wererimanyireghe iro kazi BWANA orebonyereghe kwa Waisraeli.

JOSHUA 24:31 ပူးပေါင်းရင်းမြစ်များ

KUZOYA 14:10

Ela ija vololo ya Sidimu erekoghe ichulo ni vina va lami. Hata iji majeshi gha Sodoma na Gomora gherekoghe ghikikimbia, wamu wikachunukia andenyi ya ivo vina, na awo weresigharikieghe wikakimbia cha mghondinyi.

2 MALAGHO GHA NGELO 24:2

Joashi ukabonya ghose ghim'boiagha BWANA matuku ghose gha mkohani Jehoiada.

2 MALAGHO GHA NGELO 34:33

Josia ukainja wuchafu ghose ghwa milimu ghorekoghe andenyi ya isanga jose jerekoghe ja Israeli; ukawibonya wandu wose werekoghe andenyi ya Israeli wimdumikie BWANA Mlungu wawo. Ndeweresighieghe kumnugha Mlungu wa weke ndee matuku ghose gha Mzuri Josia.

MABONYO GHA WADUMI 20:29

Ini namanya iji naghenda, mchachelwa ni vikwau vibirie visene wughoma na chagha;

WUKUMBUSO 11:2

Kumbukenyi agho mukufundishire idime aighu ya BWANA kunughana na agho mughiwonie gha ndighi na kudima kwake,

WUKUMBUSO 11:7

Inyo mwamerie kuwona na meso ghenyu kazi mbaa ya BWANA oreibonyereghe.

WUKUMBUSO 31:13

Kwa chia ihi wana wawo wiseiichi wichasikira na kukufundisha kummanya BWANA Mlungu onyu ngelo yose wichakaia andenyi ya ijo isanga mruwukagha Jordani kujiwusa.”

WUKUMBUSO 31:29

Angu namanya loli nyuma ya kufwa kwapo, mchazama na kuisigha nambai iyo chia neremlaghirieghe; na kwa matuku ghichagha mchapatwa ni mawiwi, angu mchabonya kiwiwi imbiri ya BWANA, na kwa kazi renyu, mcham'bonya ujoko ni machu.”

WAFILIPI 2:12

Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;

WATANYI 2:10

Kivalwa chose wokoni chikafwa, chikawuka kivalwa kizima; nacho chikamliwa BWANA na agho ghose oreghibonyereghe kwa Israeli.

WATANYI 2:6

Hata iji Joshua wameria kulaghana na wandu wa Israeli, kula umu ukaghenda chia yake andu ifwa jake jerekoghe.

WATANYI 2:7

Wandu wa Israeli wikamdumikia BWANA matuku ghose gha Joshua na gha waghosi awo werekwanyeghe na Joshua, awo wose wereriwonieghe kazi mbaa rose BWANA oreribonyereghe kwa Israeli.