JOSHUA 24:25 - Biblia Ilagho Jiboie Kwa Wandu Wose

²⁵ Niko Joshua ukabonya ilaghano na awo wandu ituku ijo, ukawika sharia na malaghiro aighu yawo uko Shekemu.

JOSHUA 24:25 ပူးပေါင်းရင်းမြစ်များ

KUZOYA 35:4

Nao wikamneka Jakobo iyo milungu yose ya kighenyi werekoghe nayo, na vipini verekoghe madunyi kwawo. Jakobo ukavirika vose kirimbenyi cha mudi ghwa mvure ghorekoghe kaavui na Shekemu.

2 WAZURI 11:17

Niko mkohani Jehoiada ukabonya ilaghano aghadi ya BWANA na mzuri Joashi, na wandu kukaia wichakufunya wikaie wa BWANA, sena ukabonya wandu wibonye ilaghano na mzuri.

2 MALAGHO GHA NGELO 15:12

Wikabonya ilaghano jemlola BWANA Mlungu wa weke ndee kwa ngolo rawo rose, na kwa roho rawo rose;

2 MALAGHO GHA NGELO 15:15

Wandu wa Juda wose wikazuma aighu ya igemi ijo; angu wereghemieghe kwa ngolo rawo rose, na kumlola kwa lukundo lwawo lose, nawo wikammbona; BWANA ukawineka kuhora andu kose.

2 MALAGHO GHA NGELO 23:16

Niko Jehoiada, na wandu, chiaimweri na mzuri, ukabonya ilaghano kukaia wichakaia wandu wa BWANA.

2 MALAGHO GHA NGELO 29:10

Idana naawuyawona nibonye ilaghano na BWANA, uo Mlungu wa Israeli; eri udiinjire machu ghake.

NEHEMIA 9:38

Kwa wundu ghwa agha ghose ghibonyekie, isi wandu wa Israeli dabonya ilaghano ja loli kwa maandiko, na wabaa wedu, Walawi na Wakohani wajirumiria kwa kujikaba mhuri ghwawo.

KUFUMA 15:25

Musa ukamkemia BWANA, na BWANA ukammbonyera mudi, ukaghukumba machinyi, na machi ghikawuya ghisingie. Aho BWANA ukawiwikia sharia na malaghiro ghewitima ukighamba,

KUFUMA 24:3

Musa ukacha na kuwighoria wandu memu na Sharia rose ra BWANA; na wandu wose kwa wumweri wikatumbulia, “Dichabonya maza rose sa iji BWANA waghora.”

WUKUMBUSO 29:1

Agha ni malagho gha Ilaghano ja BWANA ijo oremlaghirieghe Musa ubonye na wandu wa Israeli andenyi ya isanga ja Moabu, kula na jija ilaghano orebonyereghe nawo aja Mghondi ghwa Sinai.

JOSHUA 24:1

Nao Joshua ukakwanya vichuku vose va Israeli aho Shekemu. Ukawiwanga waghosi na vilongozi, watanyi na wabaa wa Israeli; nawo wikacha imbiri ya Mlungu.

JOSHUA 24:26

Joshua ukaandika agho malagho andenyi ya chuo cha Sharia ya Mlungu, ukashoa igho ibaa, ukajidunga kimusi aisi ya mualoni ghuko andu kwa wueli kwa BWANA.