JOSHUA 24:20 - Biblia Ilagho Jiboie Kwa Wandu Wose

²⁰ Mkamsigha BWANA na kudumikia milungu mizima, uchamghaluka na kum'bonya kiwiwi, na kummeria, hata ngera orekoghe uki'bonyera nicha.”

JOSHUA 24:20 ပူးပေါင်းရင်းမြစ်များ

1 MALAGHO GHA NGELO 28:8

“Kwa huwo idana inyo wandu wapo, namlaghira imbiri ya Mlungu na iji ikwanyiko ja wandu wose wa Israeli, muinughe na kuiwadia memu yose ya BWANA Mlungu onyu, mpate kujiwusa iji isanga jiboie, nenyo mpate kujisighia wana wenyu nyuma yenyu jikaie ifwa ja kala na kala.

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 15:2

ukafuma kummara Asa, ukamzera, “Nisikire Asa, na wandu wose wa Juda na wa Benjamini: BWANA okwanye nenyo ingelo mkwanye nao. Mkamlola, mchammbona; ela mkamsigha, nao moni uchamsigha.

EZRA 8:22

Nerefueghe waya kumlomba mzuri wei udineke ijeshi ja masikari na wajoki farasi wedilindia na wamaiza chienyi, kwa kukaia nerekoghe namzera mzuri huwu kukaia Mlungu odu wadawirasimia awo wose wimrumiriagha, ela wadazamilwa na kuwikaba awo wose wimleghagha.

ZABURI 89:31

wikanona malaghiro ghapo, na kuilegha memu yapo,

ISAYA 1:28

Ela Mlungu uchawitotesha waleghi na wakaung'a; uchawisaghisa wose wimsighagha BWANA.

ISAYA 63:10

Ela weremleghieghe wikamvavira Roho Mweli, nao moni ukaghaluka kukaia m'maiza wawo, ukawoka kulwa nawo.

JEREMIA 17:13

Ee BWANA oho kuko isuwirio ja Israeli, wose wikusighagha wichafushwa waya, na awo wikughalukiagha nambai, wichalaghaya sa marina ghiandikilo andonyi kwa kukaia wamsighie BWANA, uo ndoria ya machi ghiko moyo.

EZEKIELI 18:24

“Ela mundu wa hachi ukaisigha hachi yake, na kubonya agho ghiko mawiwi karakara na uja mundu mmbiwi ubonyagha wuchafu, welee, uchakaia moyo? Hata! Ndekuwadie ilagho jingi ja hachi yake jichaakumbukwa; ela uchafwa kwa wundu ghwa wuwiwi na kaung'a uribonyere.

MABONYO GHA WADUMI 7:42

Ela Mlungu ukaghaluka na kuwisigha witase nyerinyeri ra mlungunyi, sa iji koni iandikilo chuonyi cha walodi: ‘Wele Waisraeli, huwo ni ini morekoghe mkinibwaghia vizongona miaka mirongo ina kireti?

WUKUMBUSO 4:25

“Kukakaia isangenyi luma hata kughosie, kuve wana, na wana wive weke wawayo; kusebonye mawiwi kwa kuwacha mlimu ghufwananagha na kilambo icho chose imbiri ya BWANA Mlungu wako, kuchawusira machu ghake.

WUKUMBUSO 4:26

Nawanga mlungunyi na ndoenyi rishuhudie aighu yenyu idime, kukaia mchatota putu shwa wori andenyi ya ijo isanga kwawuyaruwuka Jordani kujiwada; ndemchaadua luma andenyi yaro, ela mchatoteshwa shwa wori.

WAEBRANIA 10:38

Ela mhachi wapo, uchadua moyo kwa irumirio; nao ngera wawuya nyuma, ngolo yapo ndeichaaboilwanya nao anduangi.

JOSHUA 24:21

Awo wandu wikamzera Joshua, “Hata! Isi dichamdumikia BWANA.”

1 SAMUELI 12:15

Ela mkalegha kumsikira BWANA, na kurilegha sharia rake, niko BWANA uchaamlegha inyo chiaimweri na mzuri onyu.

1 SAMUELI 12:25

Ela mkabonya maza rizamie, BWANA uchamtotesha inyo na mzuri onyu wori.”