JOSHUA 24:19 - Biblia Ilagho Jiboie Kwa Wandu Wose

¹⁹ Joshua ukawizera awo wandu, “Mwadima kulemwa ni kumdumikia BWANA, kwa kukaia uo ni Mlungu Mweli, Mlungu ukunde kutaswa uekeri, nao ndechaamfuya wughoma makosa na kaung'a renyu.

JOSHUA 24:19 ပူးပေါင်းရင်းမြစ်များ

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

ZABURI 99:3

Ndewijikase irina jake ibaa jeobosha. Uo ni Mweli.

ZABURI 99:5

Mkumenyi BWANA Mlungu odu; tasenyi maghunyi kwake; Uo ni Mweli.

ZABURI 99:9

Mkumenyi BWANA Mlungu odu, mumtase aighu ya mghondi ghwake ghwa wueli; angu BWANA Mlungu odu ni Mweli.

KUFUMA 20:5

kusakevighoghomia hata kuvidumikia, angu ini BWANA Mlungu wako, ne Mlungu uko na iriso; nawikabagha wanake kwa wundu ghwa kaung'a ra weke ndee, hata kivalwa cha kadadu na cha kana; awo wizamilwagha ni ini;

KUFUMA 23:21

Mkulindie, mumsikire. Msakemlegha; kwa kukaia ni ini namduma; angu ndechaamfuya wughoma agho makosa ghenyu.

KUFUMA 34:14

Kusaketasa mlungu ghungi mzima, angu ini BWANA ne Mlungu wa iriso.

KUFUMA 34:7

Nadakatisha lukundo lwapo kwa maelfu na maelfu gha wandu; nadaleka mawiwi na kaung'a, ela simtalagha mkosi kukaia ndekosere anduangi, hata wana wa wana wawo kuvikia kivalwa cha kadadu na cha kana kwa wundu ghwa kaung'a ra wavi wawo.”

ISAYA 2:9

Kwa huwo mdamu uchaserwa na kumenyeka; kusakewifuya wughoma ee BWANA.

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

ISAYA 30:11

Muisighe chia ya Mlungu, hata msesikire ilagho jingi ja Mlungu Mweli wa Israeli.”

ISAYA 30:15

Angu Bwana MLUNGU, uo Mweli wa Israeli waghambie huwu, “Mkanighalukia na kukusaghika na ini, mchakia; nenyo mchakia na kukaia banana.” Ela mwaleghie,

ISAYA 5:16

Ela BWANA wa majeshi uchajoswa kwa hachi, na Mlungu uo Mweli wakuwonyera moni kukaia mweli kwa loli.

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

WALAWI 11:44

Angu ini ne BWANA Mlungu onyu; kwa huwo mukueleshe mmbeni, mkaie muelie, angu ini ne Mweli.

WALAWI 11:45

Ini ne BWANA, uo oremfunyireghe isanga ja Misri, eri nipate kukaia Mlungu onyu, kwa huwo mchakaia muelie angu Ini ne Mweli.

WALAWI 19:2

“Kujizere izungu jose ja wandu wa Israeli huwu, Mkaie waeli angu ini BWANA Mlungu onyu ne Mweli.

WALAWI 20:26

Mkaie waeli wapo, angu Ini BWANA ne Mweli, nani namtanyire inyo kufuma kwa wandu, mpate kukaia wapo.

WALAWI 20:7

Mkueleshe, mkaie waeli angu Ini ne BWANA Mlungu onyu.

NAHUMU 1:2

BWANA ni Mlungu wa iriso ulipiagha kisasi. Wadawikaba awo wimtangalagha, na kuwibonyera machu wamaiza wake.

HABAKUKI 1:13

Kudima wada kurumaghianya na awa wandu wawiwi wikalie ee BWANA? Kwa kukaia meso ghako ni gha wueli ghisekundagha kuzighana mawiwi na makosa. Kwaki kunyamagha kima ingelo awo wandu wawiwi wiwitoteshagha wandu wa hachi kuwichumba awo?

MATHAYO 6:24

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

JOSHUA 24:18

na BWANA ukawiwinga wandu wose imbiri kodu awo Waamori werekoghe wikikaia aha. Kwa huwo isi wori dichamdumikia BWANA, angu uo ni Mlungu odu.”

JOSHUA 24:23

Ukawizera, “Basi injenyi milungu yenyu ya kighenyi iko aghadi konyu, na kukufunya kwa BWANA Mlungu wa Israeli kwa ngolo renyu.”

RUTHU 1:15

Naomi ukamzera Ruthu, “Zighana mrio wako waghenda kwa wamzawo na kwa milungu ya mzawo; nugha mrio wako.”

1 SAMUELI 3:14

Kwa huwo naghema aighu ya nyumba ya Eli kukaia wandu wake ndewichaeleshwa kwa kizongona hata kwa mafunyo kwa kala na kala.”

1 SAMUELI 6:20

Wandu wa Beth-shemeshi wikaghamba, “Nani udimagha kusimana na BWANA, uo Mlungu mweli? Dimuenja kwani udime kudiinjikia?”