JOSHUA 24:17 - Biblia Ilagho Jiboie Kwa Wandu Wose

¹⁷ Kwa kukaia BWANA Mlungu odu nuo oredifunyireghe isi na weke aba kufuma isanga ja Misri, iyo nyumba ya wazumba; nao nuo orebonyereghe rija alama mbaa imbiri ya meso ghedu, ukadilindia chia yose derekoghe dikighenda, na aghadi ya wandu wose derekoghe dikiwiida;

JOSHUA 24:17 ပူးပေါင်းရင်းမြစ်များ

2 MALAGHO GHA NGELO 13:10

Ela isi, BWANA nuo Mlungu odu, nesi ndedimsighie. Deko na wakohani wawuyamdumikia BWANA, nawo ni wana wa Haruni, na Walawi wawuyawidumikia.

KUFUMA 13:14

Matuku ghichagha, mwana wako wa womi ukakukotia kutambua kwaro agho mawiko, kuchamzera, ‘Derefunyiroghe wuzumbenyi Misri ni BWANA, kwa ndighi mbaa.

KUFUMA 13:3

Musa ukawizera wandu, “Mjikumbuke ituku iji, ijo morefumieghe Misri, andu morekoghe wuzumbenyi. Kwa kukaia BWANA oremfunyireghe aho kwa ndighi rake mbaa. Msakeja mikate iko na chachu.

KUFUMA 19:4

‘Mwawonie seji nerewibonyereghe Wamisri, na seji koni neremdwaeghe sa iji koni indu idwagha vana vake aighu ya mawawa ghake; ngamreda aha kwapo.

ISAYA 46:4

Ni ini moni nikaiagha kufuma kwavalwa hata kwaghosia, nichakudwa hata kwabuka imbu. Ni ini moni nerekubonyereghe, nani nichakulindia; nichakudwa na kukukira.

WUKUMBUSO 29:2

Nao Musa ukawiwanga wandu wose wa Israeli ukawizera: “Mwamerie kuwona mmbeni maza rose BWANA oreribonyereghe kwa mzuri wa Misri, na kwa wadumiki wake, na kwa isanga jake jose.

WUKUMBUSO 32:9

ela kivalwa cha Jakobo orechisaghueghe, chikaie ifwa jake moni.

WUKUMBUSO 7:19

Kumbukenyi agho makongo gheobosha moreghiwonieghe na meso ghenyu, weke mwakilimbiti; na mashiniko; ndighi na wusimi m'baa BWANA Mlungu onyu oremfunyireghe nagho aho. Ni huwo koni uchaawibonya awo wandu muwiobuagha.

JOSHUA 24:16

Niko awo wandu wikamtumbulia, “Jingi ndedichaamsigha BWANA wei diidumikie milungu mizima.

JOSHUA 24:18

na BWANA ukawiwinga wandu wose imbiri kodu awo Waamori werekoghe wikikaia aha. Kwa huwo isi wori dichamdumikia BWANA, angu uo ni Mlungu odu.”