JOSHUA 24:15 - Biblia Ilagho Jiboie Kwa Wandu Wose

¹⁵ Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”

JOSHUA 24:15 ပူးပေါင်းရင်းမြစ်များ

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

KUZOYA 35:2

Niko Jakobo ukawizera wandu wose wa nyumbenyi kwake na wose orekwanyeghe nawo, “Ifunyenyi noko milungu ya kighenyi iko aghadi konyu, mukueleshe inyo mmbeni na kughalusa marwao ghenyu;

1 WAZURI 18:21

Elija ukasoghoda kaavui na wandu wose ukaghamba, “Wele mdua andenyi ya maghesho awi hata lii? Ikakaia BWANA ni Mlungu mtasenyi; ela ikakaia ni Baali uko Mlungu, basi mtasenyi.” Awo wandu wikanyama kima.

1 MALAGHO GHA NGELO 1:14

nawo niwo wicheewuya Wajebusi, na Waamori; na Wagirgashi,

ZABURI 101:2

Nichalindia nisebonye ikosa jingi. Ado kuchaacha lii kwapo? Nichadua na irangi jielie nyumbenyi kwapo.

ZABURI 119:106

Nabonyere ighemi ngajimangisha, jewadia mawonyero ghako gha hachi.

KUFUMA 23:2

Kusenughe wungi ghwa wandu kwa kubonya wuwiwi, hata kusakefunya wushuhuda mwandunyi kukinugha wungi ghwa wandu kwa kuilaghasha loli;

KUFUMA 23:24

Msakeghoghoma kuitasa milungu yawo, hata msakenugha mizango yawo ya dini; ela mchanona na kuchikanya putu andu kwawo kotasira.

KUFUMA 34:15

Kusebonye mapatano ghangi na wandu wa ijo isanga, kwa kukaia ngelo yawo etasa na kuibwaghia milungu yawo vizongona wichamkaribisha mnughane nawo; na aho mchangia matimonyi gheja ivo vindo vawo wivifunyiragha milungu yawo.

EZEKIELI 20:39

“Na inyo ee wandu wa Israeli, ini Bwana MLUNGU naghamba huwu: Ngera msekunde kunisikira, kula umu onyu ndeghende kudumikia milimu yake kufuma idana, hata konyuma wori; ela irina japo ijo ndemchaajilusha sena kwa kufunyira milimu yenyu manosi.

DANIELI 3:18

Ela ukakaia usebonyere huwo, kumanye ee mzuri, isi ndedidimagha kuidumikia milungu yako, hata kuitasa ija fwana ya dhahabu koreiwikieghe.”

WALAWI 14:42

Niko wichashoa magho mazima, na kuagha andu wifunyireghe magho gha wukongo, ima ukabe plasta andu aho.

MIKA 4:5

Kula mbari yadatasa na kusikira mlungu ghwawo, ela isi dichamtasa BWANA Mlungu odu kwa kala na kala.

MABONYO GHA WADUMI 11:23

Nao iji wavika aho, na kuwona seji Mlungu uredie mvono ghwake kwa wandu, ukaboilwa; ukawishashira wose widuo waloli kwa Bwana wikifunga ndighi kumnugha kwa ngolo yose.

WUKUMBUSO 13:7

umu wawo wadima kukushashira muitase milungu mizima ya wandu wimmarie chia rose; ikaiagha weko kaavui nenyo angu kula nenyo;

WUKUMBUSO 29:18

Mkulindie, isechekaia mndungi onyu aghadi konyu wa womi angu wa waka, angu kinyumba, angu kichuku kughaluka na kumsigha BWANA Mlungu odu, uendetasa milungu ya ija mbari; uchekaia sa mudi ghuvagha matunda gha sumu, ghibirie aghadi konyu.

JOSHUA 24:16

Niko awo wandu wikamtumbulia, “Jingi ndedichaamsigha BWANA wei diidumikie milungu mizima.

WATANYI 6:10

Niko ngamzera kukaia ini ne Bwana Mlungu onyu, msaketasa milungu ya Waamori awo mwawuyakaia isangenyi jawo. Ela ndemorenisikireghe anduangi.”