JOSHUA 23:15 - Biblia Ilagho Jiboie Kwa Wandu Wose

¹⁵ Na sa iji koni BWANA Mlungu oremnekieghe maza rose ndicha karakara na ilaghiro jake, ni huwokoni uchamredia mawiwi ghose hata wameria kumtotesha mmbose na kumfunya kwa iji isanga jiboie BWANA Mlungu onyu oremnekieghe;

JOSHUA 23:15 ပူးပေါင်းရင်းမြစ်များ

1 WAZURI 14:15

BWANA uchaikaba Israeli, nayo ichasughusika sa mrangi ghusukwaa-sukwa ni mbeo amachinyi. Uchawiinja wandu wa Israeli wifume ijo isanga jiboie orewinekagha weke wawae, na kuwisasara noko kimonu cha Moda ghwa Eufrate; kwa kukaia wawusirie machu ghake kwa kubonya fwana ra mlungu ghwa waka Ashera.

1 WAZURI 8:56

“BWANA ndekaso, uo uwinekie wandu wake Israeli sere sa iji koni orewilaghirieghe. Wakatishire malaghiro ghake ghose ghiboie oreghibonyereghe kwa mdumiki wake Musa.

ISAYA 24:6

Kwa huwo ndoe yamerelwa ni njowe, na wandu waro wapatwa ni wasi kwa wundu ghwa mawiwi ghawo, wandu wa ndoenyi wakorwa hata awo wisigharikagha ni watini.

JEREMIA 32:24

“‘Zighana seji Wababuloni wiaghie wurigha wighurughaie ughu muzi wipate kughuwada, na kwa wundu ghwa wuda, na njala, na saka izamie, ughu muzi ghwamerie kungirwa mikonunyi kwa Wababuloni awo wawuyalwa nagho. Agho koreghighorieghe ghakatia, na oho kwawuyaghiwona.

JEREMIA 32:42

“Na sa iji koni nerewiredieghe wandu awa mawiwi, huwo koni nichawireia mecha ghose agho nerewilaghirieghe.

JEREMIA 35:17

Kwa huwo ini BWANA, Mlungu wa majeshi, Mlungu wa Israeli naghamba huwu, Olenyi nichawiredia wandu wa Juda, na wose wikaiagha Jerusalemu mawiwi ghose nighighorie aighu yawo; kwa kukaia naghorie nawo wikalegha kusikira, ngawiwanga nawo wikalegha kudika.”

WALAWI 26:3

“Mkanugha sharia rapo, na kusikira malaghiro ghapo,

1 WATHESALONIKE 2:16

kwa kudighiria isi diseghore na wandu wa mbari zima, wichepata kukia; eri wipate kuchichura kipimo cha kaung'a rawo sa matuku ghose. Ela kutua, wamerie kuchelwa ni machu gha Mlungu.

WATANYI 13:1

Wandu wa Israeli wikam'bonyera BWANA kaung'a sena na BWANA ukawifunya mikonunyi kwa Wafilisti kwa miaka mirongo ina.

WATANYI 3:12

Wandu wa Israeli wikam'bonyera Mlungu kaung'a sena; na kwa wundu ugho, BWANA ukam'bonya mzuri Egloni wa Moabu ukaie na ndighi kuwichumba awo.

WATANYI 3:8

Kwa huwo BWANA ukajokwa ni machu aighu ya Waisraeli, ukawifunya wikabo na kusimwa ni mzuri Kushani-rishathaimu wa Mesopotamia; ukawibonyera nguma kwa miaka wunyanya.

WATANYI 6:1

Wandu wa Israeli wikam'bonyera BWANA kaung'a sena, na BWANA ukawikumba mikonunyi kwa Wamidiani miaka mfungade.