JOSHUA 23:10 - Biblia Ilagho Jiboie Kwa Wandu Wose

¹⁰ Mundu onyu umweri wadima kuwinga wandu elfu imweri, kwa kukaia ni BWANA Mlungu onyu umluyagha wuda, sa iji koni oremlaghirieghe.

JOSHUA 23:10 ပူးပေါင်းရင်းမြစ်များ

2 SAMUELI 23:8

Agha nigho marina gha masikari gha Daudi agho gherekumikieghe: Joshebu-bashebethi ufumie Takemoni; orekoghe m'baa wa awo wabaa wadadu welusha wuda. Uo oretumieghe ifumu jake kubwagha wandu maghana wunyanya andenyi ya wuda ghumweri.

1 MALAGHO GHA NGELO 5:20

wikawisima wose angu weremlilieghe Mlungu ngelo wiko wudenyi, nao ukawitumbulia ilombi jawo kwa kukaia werekusaghikieghe kwake.

1 MALAGHO GHA NGELO 5:22

Werebwaghieghe wandu wengi angu wuda ghorekoghe ni ghwa Mlungu. Wikakaia andu kwawo, hata ngelo edwalwa wunyika.

ZABURI 35:1

Simana na wandu wisimanagha nani ee BWANA, na awo wilwagha nani, kulo nawo.

ZABURI 46:7

BWANA wa majeshi okwanye nesi, Mlungu wa Jakobo nuo andu kodu kokimbiria.

KUFUMA 14:14

BWANA uchamluya, na inyo mchakaia kima.”

ISAYA 30:17

Wandu wenyu elfu imweri, wichamkimbia mundu umweri wa wamaiza wenyu, na mkaturuswa ni wandu wasanu, mchakimbia mmbose putu. Mndungi onyu ndechaasigharika, ela mlingoti ghwa bendera ghoni aighu mghondinyi.

WALAWI 26:7

Mchawiwinga wamaiza wenyu na kuwisima;

WALAWI 26:8

wandu wenyu wasanu, wichawinga wandu ighana; na wandu wenyu ighana, wichawinga wandu elfu ikumi; nenyo mchawibwagha.

ZEKARIA 12:8

Ituku ijo, ini BWANA nichawilindia wandu wikaigha Jerusalemu; hata uo uko mnyonge putu aghadi yawo uchakaia na ndighi sa ra Daudi, na wandu wa kivalwa cha Daudi wichalongoza sa malaika wa BWANA, nawo wichakaia sa Mlungu.

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

WUKUMBUSO 20:3

na kuwizera, ‘Sikirenyi ee Israeli, mwalighisa kulwa na wamaiza wenyu: msefo ngolo, angu kungilwa ni kiture, angu kusughusika, hata msakewiobua.

WUKUMBUSO 20:4

BWANA Mlungu onyu uchaghendanya nenyo, upate kumluya na kumsimia.’

WUKUMBUSO 28:7

“BWANA uchawibonya wamaiza wako wilwagha na kumoni wisimo imbiri yako; wichakuchea kwa chia imweri, ela wichakimbia wisaghisikie kwa chia mfungade.

WUKUMBUSO 3:22

Msakeobua angu BWANA Mlungu onyu nuo umluyagha.’

WUKUMBUSO 32:20

Nao ukaghamba, ‘Nichawisigha niwone ngera kutua kwawo kuchakaia wada; ni kivalwa chilagharie, ni wana wisewadie wuloli andenyi kwawo.

WUKUMBUSO 32:30

Kwaki wandu elfu weresimwagha ni mundu umweri, na elfu ikumi kusimwa ni wawi tu? BWANA, Mlungu wawo, wawisighie; Mlungu wawo uwadie ndighi oowilekeria.

JOSHUA 10:42

Joshua ukawada wazuri awo wose na masanga ghawo kwa ngelo imweri, kwa kukaia BWANA Mlungu wa Israeli orekoghe ukiwiluya Waisraeli.

JOSHUA 23:11

Kwa huwo mkulindie; mumkunde BWANA Mlungu onyu.

JOSHUA 23:3

Mwamerie kuwona seji BWANA Mlungu onyu uwibonyere wandu wa iri mbari rose kwa wundu ghonyu, kwa kukaia BWANA Mlungu onyu orekoghe ukimluya wuda.

WATANYI 15:15

Ukawona muzu mmbishi ghwa punda andonyi, ukaghorua mkonu ghwake, ukaghushoa na kubwagha nagho wandu elfu imweri.

WATANYI 3:31

Nyuma ya Ehudi, ukacha Shamgari mwana wa Anathi. Nao moni orewikirieghe Waisraeli kwa kuwibwagha Wafilisti maghana arandadu kwa zobo elisha ng'ombe. Nao moni wori orewikirieghe Waisraeli.

1 SAMUELI 14:6

Nao Jonathani ukamzera uja mdawana oremdukiagha maswagha, “Nndoko diruwuke ija chia cha ngomenyi ya awa wandu wiseshamishiro, kewada BWANA wadima kuditesia; kwa kukaia ndekuwadie ilagho jingi jidimagha kumghiria BWANA usekire kwa kutumia wandu wengi angu watini.”