JOSHUA 22:5 - Biblia Ilagho Jiboie Kwa Wandu Wose

⁵ Mlindie kuiwadia memu na sharia iro Musa mdumiki wa BWANA oremlaghirieghe; kumkunda BWANA Mlungu onyu, na kubonya lukundo lwake kwa kula chia; kuiwadia memu yake, kuwadana nao na kumdumikia kwa ngolo renyu rose, na kwa roho renyu rose.”

JOSHUA 22:5 ပူးပေါင်းရင်းမြစ်များ

ZABURI 106:3

Warasimilwa awo wiitalagha hachi, na kubonya agho ghiko gha loli ngelo rose.

ZABURI 78:7

Kwa chia iyo wichawika irumirio jawo kwa Mlungu hata ndewichaaliwa kazi rake, ela wichaiwadia memu yake.

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

KUFUMA 20:6

ela nawibonyera lukundo maelfu gha wandu, awa winikundagha, na kuiwadia memu yapo.

KUFUMA 23:13

Kughilindie agho ghose nakuzera, hata kusaketasa milungu mizima, hata marina ghawo ghisesikirike momunyi kwako.

KUFUMA 23:25

Mkanitasa Ini BWANA Mlungu onyu, nichamrasimia kwa vindo na machi, na kuinja makongo ghenyu ghose.

MAKATANISHO 4:23

Lindia ngolo yako kuchumba vilambo vose, angu aho niko ndoria ya irangi ifumagha.

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

JEREMIA 12:16

Na ichakaia, ingelo wichaakufunya kukufundisha chia ra wandu wapo, na kughema kwa irina japo ‘Sa iji Bwana uko moyo,’ wokoni seji werefundishireghe wandu wapo kughema kwa Baali, niko aho wichaamangishwa nicha aghadi ya wandu wapo.

MATHAYO 22:37

Jesu ukatumbulia, “Kumkunde Bwana Mlungu wako kwa ngolo yako yose, na kwa roho yako yose, na kwa akili rako rose.

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

MATHAYO 6:24

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

LUKA 1:74

iji dakirwa kufuma mikonunyi kwa wamaiza wedu, dichamdumikia kuseko na wowa,

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

JOHANE 14:15

“Mkanikunda mchaiwadia memu yapo.

MABONYO GHA WADUMI 11:23

Nao iji wavika aho, na kuwona seji Mlungu uredie mvono ghwake kwa wandu, ukaboilwa; ukawishashira wose widuo waloli kwa Bwana wikifunga ndighi kumnugha kwa ngolo yose.

MABONYO GHA WADUMI 27:23

Angu ikwau, malaika wa Mlungu wapo uo nimtasagha, orekoghe kimusi kaavui nani

WAROMA 1:9

Mlungu, uo nimdumikiagha kwa ngolo yapo yose ngijichila ijo Ilagho Jiboie ja Mwana wake, nuo mshahidi wapo kukaia, nadamkumbuka inyo matuku ghose kwa malombi ghapo;

WAROMA 12:9

Lukundo lusekaie loja kuwi; mzamilo ni kiwiwi, mmaziriane na icho chiko chiboie.

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

WUKUMBUSO 10:20

Mumuobuo BWANA Mlungu onyu, mumdumikie na kumaziriana nao, na kubonya ighemi kwa irina jake.

WUKUMBUSO 11:1

“Mumkunde BWANA Mlungu onyu, na kuwadia sharia rake rose.

WUKUMBUSO 11:13

“Na inyo mkasikira malaghiro na kumkunda BWANA Mlungu onyu na kumdumikia kwa ngolo renyu rose, na kwa roho renyu rose, seji nimlaghiragha idime,

WUKUMBUSO 11:22

“Mkalindia kumkunda BWANA Mlungu onyu, kughenda kwa chia rake rose, na kukusaghika nao, seji nimlaghiragha m'bonye,

WUKUMBUSO 13:4

Mumnughe BWANA Mlungu onyu na kumuobua; mmbwadie memu yake na kumsikira; na inyo mumtase na kumaziriana nao.

WUKUMBUSO 4:29

Na aeni aho kuko, kuchamlola BWANA Mlungu wako, na kumpata iji kwamlola kwa ngolo yako yose na kwa roho yako yose.

WUKUMBUSO 4:4

ela inyo morenughaneghe na BWANA Mlungu onyu, mwaduagha moyo hata idime.

WUKUMBUSO 4:6

Mughiwadie na kughibonya, angu agho nigho ghichaakaia hikima na kumanya konyu imbiri ya wandu; awo, iji wasikira sharia iri rose, wichaghamba, ‘Loli mbari ihi mbaa yawadie hikima na kumanya.’

WUKUMBUSO 4:9

Inyo mlindie, sena mseliwe iro maza muriwonie na meso ghenyu matuku ghose mchaakaia moyo. Murifundishe wana wenyu na weke wawayo

WUKUMBUSO 5:10

ela nadawiwonyera lukundo lwapo wandu elfu elfu awo winikundagha na kuiwadia memu yapo.

WUKUMBUSO 6:17

Kuiwadie nicha memu ya BWANA Mlungu wako, na kanuni rake na sharia rake oremlaghirieghe.

WAEBRANIA 12:15

Manyenyi mndungi useghusowe ghuja mvono ghwa Mlungu, isechekaia muri ghungi ghwa kuwawa ghubuke na kureda wasi hata kuwilusha wandu wengi.

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

JOSHUA 23:8

Ela mmbwadane na BWANA Mlungu onyu, sa iji koni m'bonyere hata ituku ja linu.

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.

1 SAMUELI 12:20

Niko Samueli ukawizera wandu, “Msakeobua hata ngera mwabonyere ugho wuwiwi, bora tu mseghaluke mkimsigha BWANA, ela mumdumikie kwa ngolo renyu rose.

1 SAMUELI 12:24

Inyo mumuobuo BWANA tu, mumdumikie kwa wuloli, kwa ngolo renyu rose, mkikumbuka agho malagho mabaa BWANA um'bonyere.

1 SAMUELI 7:3

Niko Samueli ukawizera wandu wa Israeli wose, “Mkamghalukia BWANA kwa ngolo renyu rose, nao muinje milungu ya kighenyi, na ghuja mlungu ghwa waka Ashtorethi aghadi konyu, na kukuwika kwa BWANA putu, eri mpate kumtasa uo moni uekeri, uchamkira msekorongoghe ni Wafilisti.”