JOSHUA 22:33 - Biblia Ilagho Jiboie Kwa Wandu Wose

³³ Malagho agho ghikawiboia Waisraeli nawo wikamkasa Mlungu, hata ndewereghorieghe malagho gha kulwa wuda na wambao na kunona isanga andu Wareubeni na Wagadi werekoghe wikikaia.

JOSHUA 22:33 ပူးပေါင်းရင်းမြစ်များ

1 MALAGHO GHA NGELO 29:20

Niko Daudi ukajizera ikwanyiko jose, “Mkasenyi BWANA Mlungu odu.” Na iwkanyiko jose jikamkasa BWANA Mlungu wa weke ndee, wikaghoghomesha vongo vawo, wikamtasa BWANA na kumneka ishima mzuri.

MAKATANISHO 25:25

Malagho mecha ghafuma isanga ja kula, gheeka sa machi gha mbeo ghehoresha kau.

DANIELI 2:19

Nao kio icho cheni, Mlungu ukamfunukuya Danieli ngasu ya ija ndodo. Danieli ukamkasa Mlungu wa mlungunyi ukaghamba:

LUKA 2:28

Simeoni ukamwambaria mikonunyi kwake ukamkasa Mlungu ukighamba,

MABONYO GHA WADUMI 15:12

Mwandu ghose ghukanyama kima, wikisikiria seji Barnaba na Paulo wijagha malagho gha weke mwakilimbiti, na mashiniko Mlungu orebonyereghe kwa kuwitumia aghadi ya wandu wa mbari zima.

MABONYO GHA WADUMI 15:31

Hata iji waishoma wikaboilwa na kuhoreshwa ngolo.

2 WAKORINTHO 7:7

Hata si kwa kuja kucha kwake koni anduangi, ela wokoni kwa kudighoria seji moremhoreshereghe ngolo, na seji mwawuyaniwesera luma; kuja kunililia, na kuja kufunga ndighi kwa wundu ghwapo; nani ngaboilwa kuchumba.

WAEFESO 1:3

Ndekaso uo Mlungu, Ndee wa Bwana odu Jesu Kristo, uo oredirasimieghe andenyi ya Kristo na kula irasimio ja kiroho cha mlungunyi.

JOSHUA 22:30

Nao iji mkohani Finehasi chiaimweri na vilongozi va wandu, awo wabaa wa vichuku va Israeli weresikireghe malagho gha Wareubeni, Wagadi na nusu ya Manase wikaboilwa.

JOSHUA 22:32

Niko Finehasi mwana wa mkohani Eleazari chiaimweri na waja wabaa wikawisigha wandu wa Reubeni, na Wagadi andenyi ya isanga ja Gileadi wikaghenda cha Kanaani kwa wandu wa Israeli, wikawighoria agho malagho.