JOSHUA 22:28 - Biblia Ilagho Jiboie Kwa Wandu Wose

²⁸ Niko dereririkanyireghe ngelo richagha kukaia isi angu kivalwa chedu dikazerwa huwo dichatumbulia, ‘Wonenyi fwana ya madhabahu ya BWANA ereaghiloghe ni weke aba, nayo ndeerekoghe kwa wundu ghwa vizongona, ela edeeka kwa wundu ghwa wushuhuda aghadi yenyu na isi.’

JOSHUA 22:28 ပူးပေါင်းရင်းမြစ်များ

KUZOYA 31:48

Nao Labani ukaghamba, “Ichi kitungu cha magho ni wushuhuda aghadi yapo na oho idime iji.”

2 WAZURI 16:10

Nao iji Mzuri Ahazi waghenda Dameshki kukwana na Tiglathi-pileseri mzuri wa Ashuru, ukawona madhabahu iyo erekoghe Dameshki. Niko Mzuri Ahazi ukamdumiria mkohani Uria mfwano ghwa iyo madhabahu sa iji koni iko chia rose.

KUFUMA 25:40

Lindia kuvibonye kunughana na mfwano nakuwonyera aighu mghondinyi

ISAYA 19:19

Ngelo iyo ikavika, kuchakaia na madhabahu ya BWANA andenyi ya isanga ja Misri, na mnara ghwa BWANA ghuchakaia mpakenyi ghwa isanga ijo.

WAEBRANIA 8:5

Awo waawuyabonya kazi iko fwana na kirerendi cha kazi ya Andu kwa Wueli kwa mlungunyi; angu iji Musa orekoghe kaavui na kuiwusira iyo hema, orefundishiroghe ni Mlungu ukizerwa, “Manya kubonye kula kindo karakara na mfwano ghuja ghoni korewonyeroghe aighu ya mghondi.”

JOSHUA 22:27

ela ikaie wushuhuda aghadi yenyu na isi na vivalwa vichagha, kukaia, dawuyabonya wudumiki ghwa BWANA imbiri kwake chiaimweri na vizongona vedu vekora, na vizongona, na vizongona va mapatano; eri wana wenyu wisechezera wana wedu ngelo richagha, ‘Inyo ndemmbwadie ifungu jingi kwa BWANA anduangi.’

JOSHUA 22:29

Isi ndedidimagha kumlegha BWANA wei diwade mighendo mizima, na kuagha madhabahu kwa wundu ghwa vizongona vekora, vizongona va mapatano na vizongona, kula na madhabahu ya BWANA Mlungu odu iyo iko imbiri ya Hema ekwania.”

JOSHUA 24:27

Joshua ukawizera wandu wose, “Olenyi iji igho jichawuya mshahidi aighu yedu, angu jasikira malagho ghose BWANA wadizera. Kwa huwo jichakaia mshahidi aighu yenyu eri msechemlegha Mlungu onyu.”