JOSHUA 22:22 - Biblia Ilagho Jiboie Kwa Wandu Wose

²² “Uo-Uwadie-Ndighi ni Mlungu, uo nuo BWANA! Uo-Uwadie-Ndighi ni Mlungu, Uo nuo BWANA! Uo wamanya kwaki dibonyere huwo, nesi dakunda na Israeli cheni imanye! Ikakaia dighalukie dikasigha kumrumiria BWANA, msedisighe kukaia moyo sena!

JOSHUA 22:22 ပူးပေါင်းရင်းမြစ်များ

1 WAZURI 8:39

kusikire aighu kwako mlungunyi kukaiagha, kufuye wughoma, kum'bonyere kula mundu kunughana na mabonyo ghake ghose, kwa kukaia kwaichi ngolo yake; (angu ni oho kuekeri kuichi ngolo ra wandu wose.)

AYUBU 10:7

Oho kwawuyamanya wori siwadie ikosa jingi, na sena ndekuwadie mndungi udimagha kunifunya mikonunyi kwako anduangi.

AYUBU 23:10

Elaima Mlungu waichi mighendo yapo; ukameria kunitima, nichawoneka nielie sa dhahabu.

AYUBU 31:22

nigho loko, na mkonu ghwapo ghupotoke.

ZABURI 136:2

Mfunyirenyi Mlungu chawucha, uo uko aighu ya milungu yose; lukundo lwake lukatie lwadua kwa kala.

ZABURI 37:6

Uchaibonya hachi yako iwoneke sa mwengere, na loli yako ichawoneka sa mwengere ghwa dime ghadi.

ZABURI 40:9

Nachilie malagho mecha gha kukia andenyi ya izungu ibaa ja wandu; sisighie kughighora sa iji koni kumanyagha ee BWANA.

ZABURI 44:21

ndekoremanyagha e kuichi ngasu rose ra ngolo ee Mlungu?

ZABURI 44:22

Ela sena daawuyabwaghwa kwa wundu ghwako dime dii, na kutalwa kukaia sa ng'ondi ra kubwaghwa.

ZABURI 50:1

BWANA, Mlungu, Uwadie-Ndighi-Rose, wadeda ukiwanga ndoenyi kufuma mashariki hata magharibi.

ZABURI 82:1

Mlungu waseria kifumbi chake cha mwandu ghwa mlungunyi; waawuyatanya aghadi ya milungu.

ZABURI 95:3

Angu BWANA ni Mlungu m'baa, na Mzuri m'baa kuchumba milungu yose.

ZABURI 97:7

Watasi milimu wose wikukasagha na milimu isewadie fwaida ingi wafushwa waya; milungu yose yadaghoghoma imbiri ya BWANA.

KUFUMA 18:11

Idana namanya angu BWANA ni m'baa kuchumba milungu yose, angu orekirieghe wandu kufuma mikonunyi kwa Wamisri, iji werekoghe wikiwikoronga.”

JEREMIA 12:3

Ela oho BWANA kwaniichi, oho kwadaniwona na kunitima seji nikuichi oho. Wifunye noko sa ng'ondi riendaabwaghwa, kuwiwike kula kwa ituku jawo jebwaghwa.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

DANIELI 11:36

“Mzuri wa Siria uchabonya seji ukunde; uchakujosa na kukubonya m'baa aighu ya icho chose chiwangwagha mlungu; nao uchadeda malagho gha mashiniko aighu ya Mlungu wa milungu. Uchakaia nicha hata ngelo ya machu gha Mlungu kukatia, angu agho ghilaghirilo ghichapata kukatia kwaro.

DANIELI 2:47

Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”

MIKA 7:9

Kwa kukaia nim'bonyere BWANA kaung'a nichaghirumaghia machu gha kubia kwake, hata unidederie na kunitanya. Uchanireda mwengerenyi, nani nichakuwona kukia kwake.

MALAKI 3:18

Niko aho mchaamanya kuwitambua awo wiko na hachi na awo wawiwi; aghadi ya uo unidumikiagha, na uo usenidumikiagha.”

JOHANE 21:17

Jesu ukamkotia sena indo ja kadadu, “Wele Simoni mwana wa Johane, kwanikunde?” Petro ukangilwa ni wasi angu oremkotereghe indo ja kadadu, kwanikunde? Ukamzera, “Bwana oho kwavimanya vilambo vose, kwaichi angu nakukunde.” Jesu ukamzera, “Kuzighaneghee ng'ondi rapo.

MABONYO GHA WADUMI 1:24

Nao wikalomba wikighamba, “Bwana, oho kumanyagha ngolo ra wandu wose, diwonyere ni uao aghadi ya awa wandu wawi kumsaghue

MABONYO GHA WADUMI 25:11

Ikakaia niko mmbiwi, nani nabonyere ikosa jingi jinifwane nibwagho, ini sileghagha kufwa anduangi; ela ikakaia nisewadie ikosa aighu ya agho winishitakiagha nagho, mndungi ndenifunyagha kwawo anduangi. Nakata pili kwa Kaisari.”

2 WAKORINTHO 11:11

Angu kwaki? Kedi angu nisemkunde inyo? Mlungu wamanya angu namkunde.

2 WAKORINTHO 11:31

Uo Mlungu, na Ndee wa Bwana Jesu, uo ukaswagha kwa kala na kala, wamanya angu siwueghora tee kungi.

2 WAKORINTHO 5:11

Kwa huwo, isi dikimanya kuja kuobua kwa Mlungu seji kuko, dawishingira wandu; ela seji diko, Mlungu waichi; nani nasuwiria hata nia renyu wori radiichi.

WUKUMBUSO 10:17

Angu BWANA Mlungu onyu ni Mlungu wa milungu, na BWANA wa weke bwana; ni m'baa wa kudima, nao ni Mlungu oobosha; usemtalagha mndungi kuchumba mmbao, hata ndehongwagha anduangi.

1 TIMOTHEO 6:16

Uo uekeri nuo uko na irangi jisenonekagha, nao wadakaia andenyi ya mwengere ghusedimagha kusoghoderwa, uo mndungi usemmbonie jingi, hata usedimagha kummbona; kwake uo ndejikaie ishima na kubonya nguma kwa kala na kala. Amen.

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

JOSHUA 22:21

Nao wandu wa kichuku cha Reubeni, na cha Gadi na cha nusu ya Manase wikawitumbulia ivo vilongozi va nyumba ra vichuku va Israeli,

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

1 SAMUELI 15:23

Angu kuleghasikira kooka sa kaung'a ya wusawi, na kughilika kooka sa wuwiwi na kaung'a etasa milimu. Kwa kukaia kwalegha kusikira momu ghwa BWANA, nao moni wori wakulegha kusekaie mzuri.”

1 SAMUELI 2:3

Msedede malagho gha kukukasa sena, kukuduka kungi kusefume memunyi konyu; angu BWANA ni Mlungu wa kumanya, na uo wadaghipima mabonyo ghose.