JOSHUA 21:43 - Biblia Ilagho Jiboie Kwa Wandu Wose

⁴³ Niko huwo BWANA ukawineka wandu wa Israeli ijo isanga orewilaghirieghe weke ndee, ukawighemia kukaia uchawineka; nawo wimeria kujipata ifwa ijo isanga, wikakaia aho.

JOSHUA 21:43 ပူးပေါင်းရင်းမြစ်များ

KUZOYA 12:7

BWANA ukamchea Abramu ukamzera, “Kivalwa chako nichachineka iji isanga.” Abramu ukamuaghia BWANA madhabahu uo oremfutukieghe.

KUZOYA 13:15

angu isanga iji jose kujiwonagha, nichakuneka oho na kivalwa chako kwa kala na kala.

KUZOYA 28:4

Mlungu ndekurasimie oho na kivalwa chako seji oremrasimieghe Abrahamu, kupate kujiwusa isanga kwawuyajikaia kiwughenyi sa iji koni oremnekieghe Abrahamu.”

2 MALAGHO GHA NGELO 20:8

Wamerie kukaia andenyi yaro; wikakuaghia Hekalu ekuneka ishima wikighamba,

NEHEMIA 9:24

Werejiwadieghe isanga ja Kanaani; kukawisima wandu werekaiagha andenyi yaro. Kukawineka wandu wako ndighi rewibonya Wakanaani na wazuri wawo seji wikunde.

NEHEMIA 9:8

Koremmbonieghe kukaia mloli kwako, kukam'bonyera ilaghano. Koremlaghirieghe kumneka isanga ja Wakanaani, na isanga ja Wahiti na Waamori; isanga ja Waperizi na ja Wajebusi, na Wagirgashi, jikaie isanga jichaakailwa ni kivalwa chake. Kukakatisha ilaghiro jako angu korekoghe mloli.

ZABURI 105:8

Wawuyatala ilaghano jake kwa kala, ijo orejilaghirieghe kwa vivalwa elfu.

ZABURI 44:3

Weke aba ndewerewadieghe isanga kwa lufu lwawo loni, hata ndeweresimieghe kwa ndighi rawo; ela ni kwa ndighi rako, na kudima kwako, kukiwonyera angu kokwanye nawo, angu korewikundieghe.

ZABURI 78:55

Oreriwingieghe mbari zima imbiri kwawo, ukawiwaghia na kuwineka ifwa; ukavibonya vichuku va Israeli vikaie andenyi ya mizi yawo.

KUFUMA 3:8

niko nasea nipate kuwikira kufuma mikonunyi kwa Wamisri; niwifunye na kuwireda isanga jiboie, ibaa, isanga jinorie nandighi; isanga ja Mkanaani, Mhiti, Muamori, Mperizi, Mhivi, na Mjebusi.

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

MITALO 33:53

nenyo mchajiwusa isanga na kukaia andenyi yaro, angu namnekie ijo isanga mujiwuse.

MITALO 34:2

“Laghira wandu wa Israeli kuwizere huwu, Iji mwangia isanga ja Kanaani, (isanga ja Kanaani jose nijo jichaakaia ifwa jenyu)

WUKUMBUSO 11:31

Mcharuwuka Jordani mngie kujiwada ijo isanga BWANA Mlungu onyu umnekagha. Mkameria kujingia na kukaia aho,

WUKUMBUSO 12:29

“BWANA Mlungu wako ukameria kuriinja imbiri enyu iro mbari mchaarisoka isanga, mkameria kurisoka na kukaia andenyi yaro,

WUKUMBUSO 17:14

“Mkameria kungia ijo isanga BWANA Mlungu onyu umnekagha mjiwuse na kukaia andenyi yaro, nao mkunde kukaia na mzuri sa wandu wa mbari rose rimmarie chia rose;

WUKUMBUSO 34:4

BWANA ukamzera Musa, “Iji nijo isanga neremlaghirieghe Abrahamu, na Isaaka, na Jakobo ngimzera kukaia nichachineka kivalwa chako. Naakusigha kujiwone na meso ghako, ela ndekuchaaruwuka aho.”

JOSHUA 1:6

Kukaie na ndighi na ngolo ya wuing'oni, angu ni oho kuchaawilongoza awa wandu hata wipate ifwa ja jija isanga nereghemieghe kwa weke ndee angu nichawineka.

JOSHUA 21:42

Mizi iyo, kula ghumu ghoremariloghe ni mlamba ghwaro gholishira.

WATANYI 11:24

Ndekuwusagha icho mlungu ghwako Kemoshi ghukunekagha chikaie chako? Ela isi dichawusa icho chose BWANA Mlungu odu udinekie.

1 SAMUELI 12:8

Ngelo Jakobo oreghendieghe Misri chiaimweri na wandu wake, Wamisri werewikorongieghe; na weke ndeyo wikamkemia BWANA, nao ukawineka Musa na Haruni, wikawifunya weke ndeyo kufuma Misri na kuwiwika iji isanga mwawuyajikaia.