JOSHUA 20:9 - Biblia Ilagho Jiboie Kwa Wandu Wose

⁹ Ihi niyo mizi ekimbiria eresaghuloghe kwa wundu ghwa wandu wa Israeli wose, na kwa wundu ghwa waghenyi wiko aghadi kwawo; eri mndungi ubwaghagha mundu kwa ndengwa, upate andu kokimbiria; eri usechebwaghwa ni mundu olipia kisasi usekaie imbiri ya izungu ja wandu.

JOSHUA 20:9 ပူးပေါင်းရင်းမြစ်များ

MITALO 35:13

Mfunye mizi irandadu ekimbiria.

MITALO 35:15

Iyo mizi irandadu ichakaia mizi ekimbiria kwa wundu ghwa wandu wa Israeli, na kwa wundu ghwa mghenyi na mundu uidagha aghadi kwawo; eri mndungi ukabwagha mmbao kwa ndengwa ukimbirie aho.

JOSHUA 20:4

Nao wadima kukimbiria imu ya mizi iyo, eri udime kuvikisha malagho ghake kwa waghosi aho mbengenyi ya muzi, upate kuwighoria vilongozi agho ghabonyeka. Niko wichamneka wulalo ghokimbiria andenyi ya muzi, nao upate kukaia aho.

JOSHUA 20:6

Nao uchakaia andenyi ya ugho muzi, hata waredwa kutanyonyi imbiri ya izungu ja wandu; na hata uja uko Mkohani M'baa ngelo iyo wameria kufwa, niko aho wadima kuwuya cha muzi ghuja orefumieghe.”

JOSHUA 20:8

Na mashariki ya Jeriko, kimonu cha Jordani, wikasaghua Bezeri muzi ghuko wurindinyi kireti kufuma kwa kichuku cha Reubeni, na Ramothi, ghuko Gileadi kufuma kwa kichuku cha Gadi, na Golani ghuko Bashani kufuma kwa kichuku cha Manase.