JOSHUA 2:12 - Biblia Ilagho Jiboie Kwa Wandu Wose

¹² Idana munibonyere ighemi kwa BWANA, angu seji nam'bonyera wughoma, nenyo muchanibonyera ini wughoma wokoni chiaimweri na kinyumba cha aba; sena munineke alama ya loli,

JOSHUA 2:12 ပူးပေါင်းရင်းမြစ်များ

KUZOYA 21:23

kwa wundu ughu, nakulomba kunighemie imbiri ya Mlungu kukaia ndekuchaanibonyera wukalo ghungi ini, wana wapo, na kivalwa chapo chose; ela sa iji ini nerekoghe mloli kwako, na oho kunibonyere wokoni, hata na iji isanga kwawuyajikaia wori.”

KUZOYA 24:3

nani nichakughemesha kwa irina ja BWANA, Mlungu wa mlungunyi na ndoenyi, angu ndekuchaamlolia mwana wapo muka kufuma kwa Wakanaani awa nawuyakaia aghadi kwawo.

KUZOYA 24:9

Niko uo mdumiki ukangira mkonu ghwake barenyi kwa Abrahamu bwana wake, nao ukamghemesha karakara na agho ghose oreghighorieghe.

KUZOYA 40:14

Ela nakulomba kunikumbuke iji maza rako rakaia nicha, kunighore kwa mzuri, eri unifunye ihi nyumba.

2 MALAGHO GHA NGELO 36:13

Sedekia ukamlegha mzuri Nebukadnezari uo oremghemeshereghe kwa irina ja Mlungu. Ukaghilika na kukurisha ngolo yake usemghalukie BWANA, uo Mlungu wa Israeli.

ESTA 8:6

Ini nicharumaghia wada kuwona ughu wasi ghukiwipata wandu wapo, angu nichadima wada kuwiwona wandu wapo wikibwaghwa?”

KUFUMA 12:13

Bagha niyo ichaakaia alama enyu aighu ya nyumba mchaakaia, hata iji naiwona bagha, nichamuida; na ikabo jingi ndejichaampata jemtotesha ngelo nichaakaia ngijikaba isanga ja Misri.

JEREMIA 12:16

Na ichakaia, ingelo wichaakufunya kukufundisha chia ra wandu wapo, na kughema kwa irina japo ‘Sa iji Bwana uko moyo,’ wokoni seji werefundishireghe wandu wapo kughema kwa Baali, niko aho wichaamangishwa nicha aghadi ya wandu wapo.

MARKO 14:44

Na uo mfunyi Juda orewinekieghe alama ukighamba, “Uo nichaamsusugha-lee, nuo moni. Mmbwadenyi, mwende nao mkimlindia.”

WAROMA 1:31

wikelie, wiserumirikiagha, wang'eti, wichue kinyanya.

1 TIMOTHEO 5:8

Ngera mndungi wakaia usetalagha wandu wa kichuku chake, na kuchumba awo wa nyumbenyi kwake, wajikana ijo irumirio, nao wakaia mmbiwi kuchumba mundu userumirie.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

JOSHUA 2:13

kughamba, mchamkira aba, mao, wanidu wa womi na wa waka na wose wikwanye; mpate kughivuvua marangi ghedu disefo.”

JOSHUA 2:18

Ola iji dangia isangenyi, kulindie kuseliwe kufunga uhu uzi wa ngundu idirishenyi ijeni kwadiseria; nao kuwirede ndeyo, mayo na wanyinyu wa womi na kinyumba chose cha ndeyo andenyi ya nyumba yako.

JOSHUA 2:19

Mndungi ukafuma shighadi ya nyumba yako na kughenda chienyi, nao ubwagho, bagha yake ichakaia aighu yake moni, isi ndedine ikosa; ela mndungi uko nyumbenyi kwako dikam'bwagha, bagha yake ichakaia aighu yedu.

JOSHUA 6:22

Joshua ukawizera waja washeki wawi, “Ghendenyi kwa nyumba ya jija ilaya, mumrede uo muka aha chia imweri na wandu wake wose sa iji moremlaghirieghe.”

JOSHUA 9:15

Joshua ukakaia na sere nawo, ukabonya ilaghano na awo wandu wa Gibeoni, ukawisigha wikaie moyo; vilongozi va Israeli wikabonya ighemi jekatisha ijo ilaghano.

WATANYI 1:24

Nawo wikammbona mndumu ukifuma mzinyi wikamzera, “Dakulomba kudiwonyere chia engia cha mzinyi, nesi dichakubonyera nicha.”

1 SAMUELI 30:15

Daudi ukamzera, “Kwadima kunighenja kwa ijo ijeshi?” Ukaghamba, “Nibonyere ighemi kwa irina ja Mlungu kukaia ndekuchaanibwagha, hata ndekuchaanifunya kwa bwana wapo; nani nichakughenja kwa ijo ijeshi.”