JOSHUA 18:28 - Biblia Ilagho Jiboie Kwa Wandu Wose

²⁸ Zela, Haelefu, Jebusi (angu Jerusalemu) Gibea na Kiriath-jearimu: mizi ikumi na ina, chiaimweri na mizi yaro mitini. Iji nijo ifwa ja kichuku cha Benjamini kunughana na nyumba rawo.

JOSHUA 18:28 ပူးပေါင်းရင်းမြစ်များ

2 SAMUELI 21:14

Wikaghirika maindi gha Sauli na Jonathani isanga ja Benjamini aho Zela; andenyi ya kaburi ya Kishi ndee wake Sauli; na wandu wikabonya sa iji koni mzuri orelaghirieghe. Nyuma ya huwo, Mlungu ukasikira malombi ghawo kwa wundu ghwa isanga.

2 SAMUELI 23:29

Helebu mwana wa Baana ufumie Netofa, Itai mwana wa Ribai ufumie Gibea ya Wabenjamini;

2 SAMUELI 5:6

Nao iji Mzuri Daudi orekundieghe kungia Jerusalemu chiaimweri na wandu wake, Wajebusi awo werekoghe waisanga wa aho wikamzera Daudi, “Aha uko ndekungiagha kungi; hata vitungure na wakelemeri wadima kukuwinga,” wikiririkanya kedi Daudi ndedimagha kughuwada ugho muzi.

2 SAMUELI 5:8

Ituku jija Daudi ukaghamba, “Uo ose uchaawikaba Wajebusi, ndejoke kwa kuidiria mkuonyi ghwa machi, uwikabe awo vitungure na wakelemeri winizamiagha.” (Iyo niyo sababu ighorwagha kukaia, “Vitungure na wakelemeri ndewina rusa engia nyumba ya BWANA.”)

1 MALAGHO GHA NGELO 8:28

Awa werekoghe wabaa wa nyumba ra weke ndee kunughana na kivalwa chawo, nawo werekoghe wikikaia Jerusalemu.

ISAYA 10:29

Wameria kuida iruwukonyi, wiendelala Geba, na wandu wa Rama wiasughusika kwa wowa; wandu wa Gibea, ugho muzi ghwa Sauli, wameria kukimbia.

JEREMIA 6:1

Kimbirienyi wusalama inyo wandu wa Benjamini! Fumenyi Jerusalemu! Kabenyi tarumbeta aho Tekoa, wonyerenyi alama aho Beth-Hakeremu, kwa kukaia wuwiwi ghwa kunoneka m'baa nandighi ghwaawuyacha kufuma kaskazinyi.

HOSEA 10:9

BWANA waghamba, “Wandu wa Israeli ndewisighie kunibonyera kaung'a kufuma ngelo ija werebonyereghe kaung'a aja Gibea. Kwa huwo wuda ghuchawibukia aeni aho Gibea.

MITALO 26:38

Wana na Benjamini kunughana na nyumba rawo, chiaimweri na vivalwa vawo niwo awa: Bela, Ashbeli, Ahiramu na

MITALO 26:54

Kivalwa kibaa kuchiwaghie ifwa ibaa; na kivalwa kitini kuchiwaghie ifwa itini. Kula kivalwa chiwaghilo ifwa kunughana na mtalo ghwawo.

MITALO 33:54

Mchajiwusa ijo isanga jikaie ifwa jenyu kwa kukaba kura, kunughana na nyumba renyu. Mbari mbaa muineke ifwa ibaa, na mbari ndini muineke ifwa itini; aeni kura ya mundu ichaaghuya niko koni kuchaakaia kwake; ifwa jenyu jichanughana na vichuku va weke ndeyo.

JOSHUA 15:63

Ela wandu wa Juda ndeweredimieghe kuwiwinga Wajebusi awo werekoghe andenyi ya Jerusalemu, kwa huwo Wajebusi wekwanye na Wajuda hata linu.

JOSHUA 15:8

ghukajoka ghukaidiria Vololo ya Hinomu, cha kusinyi ya mghondi ghwa muzi ghwa Wajebusi (nigho Jerusalemu), ghukajoka hata koighu mghondinyi, ugho ghulangayagha Vololo ya Hinomu cha magharibi; ghukaenda cha kaskazinyi kutuonyi kwa Vololo ya Refaimu.

JOSHUA 18:16

Niko ghukasea nokoisi hata kirimba cha mghondi ghulangayagha Vololo ya Hinomu, ghuko kaskazinyi kutuonyi kwa Vololo ya Refaimu. Niko ghukaida cha kusinyi, kuidiria Vololo ya Hinomu; cha kusinyi luwarunyi kwa Wajebusi na kusea nokoisi cha Enrogeli.

JOSHUA 18:27

Rekemu, Irpeeli, Tarala,

JOSHUA 19:1

Kura ya kawi ikakaia kwa kichuku cha Simeoni kunughana na nyumba rawo. Isanga jake jerengirieghe andenyi ya isanga ja Juda.

WATANYI 1:21

Ela wandu wa Benjamini ndewerewingieghe Wajebusi awo werekoghe wikikaia Jerusalemu, na kufuma aho Wajebusi wikakaianya na wandu wa Benjamini hata idime.

WATANYI 19:10

Ela uja mundu ukalegha ukawuka na kughenda ukavika kulangaya Jebusi (nigho Jerusalemu) orekoghe na weke punda wawi waalwa chiaimweri na muka wake okanya.

1 SAMUELI 10:26

Wokoni Sauli ukaghala cha mzinyi kwake aja Gibea, ukaghendanya na wandu wiko mang'oni, awo Mlungu oreadadireghe ngolo rawo.