JOSHUA 18:12 - Biblia Ilagho Jiboie Kwa Wandu Wose

¹² Ii chia cha kaskazinyi, mpaka ghwawo ghukazoia Jordani na kujokeria luwarunyi kaskazinyi ya Jeriko, na kuida cha magharibi kuidiria isanga ja mighondinyi hata kireti cha Beth-aveni.

JOSHUA 18:12 ပူးပေါင်းရင်းမြစ်များ

HOSEA 10:5

Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

HOSEA 4:15

“Hata ngera inyo wandu wa Israeli mwasowa wuloli kwapo, Juda usebonye kaung'a sa inyo. Msebonye wutasi aho Gilgali, hata Beth-aveni; sena msebonye ilaghiro mkighamba, ‘Naghema kwa BWANA uko moyo.’

HOSEA 5:8

Kabenyi tarumbeta ya wuda aho Gibea! Kabenyi ndereri aho Rama! Kemenyi ngemi ya wuda aho Beth-aveni! Ngienyi wudenyi inyo wandu wa Benjamini.

JOSHUA 16:1

Isanga jerenekeloghe kivalwa cha Josefu, jerezoeghe kufuma Jordani kaavui na Jeriko, andu machi gha Jeriko ghizoiagha ghikienda cha mashariki na kughenda cha kireti; ghukajoka kufuma Jeriko hata isanga ja mighondinyi kuvikia Betheli.

JOSHUA 18:11

Kura ya kichuku cha Benjamini kunughana na nyumba rawo ikakaia ya imbiri kufuma. Isanga jake jikakaia ghadi na ghadi ya isanga ja Juda na Josefu.

JOSHUA 2:1

Niko Joshua mwana wa Nuni ukaduma washeki wawi kufuma kambi ya Shitimu, kuzighana isanga ja Kanaani kwa kiviso, na kuchumba, ugho muzi ghwa Jeriko. Wikangia muzi ghwa Jeriko, wikalala nyumbenyi kwa ilaya jimu jiwangwagha Rahabu.

JOSHUA 3:16

agho machi gherekoghe ghikisea kufuma nalughu, ghikatumbanyika kitungu kula koni, kufuma Adamu ghuja muzi ghuko nambai ya Zarethani; na agho gherekoghe ghikisea cha Bahari ya Chumbi ya Araba ghikaida, ndoe ikasighwa iomie kulangaya Jeriko; awo wandu wikaida.

JOSHUA 6:1

Mbenge ra muzi ghwa Jeriko rederughwa cha nandenyi na cha shighadi wori, kwa wundu ghwa kuwiobua wandu wa Israeli. Mndungi nderefumieghe shighadi hata mndungi nderengirieghe andenyi ya muzi anduangi.

JOSHUA 7:2

Joshua ukaduma wandu kufuma Jeriko wighende Ai, muzi ghuko cha mashariki ya Betheli kaavui na Beth-aveni ukighamba, “Jokenyi mzighane jija isanga.” Wandu wikaghenda wikajizighana ijo isanga.

JOSHUA 8:15

Joshua na Waisraeli wose wikakubonya seji waasimwa imbiri kwawo, wikakimbia cha kireti.

1 SAMUELI 13:5

Nao Wafilisti wikakwanyika na kukuwika tayari kulwa na Waisraeli. Werekoghe na magare elfu mirongo idadu, na wajoki farasi elfu irandadu, na masikari mazima wengi sa msangagha ghwa baharinyi. Wikajoka na kubonya kambi yawo aja Mikmashi, mashariki ya Beth-aveni.