JOSHUA 17:16 - Biblia Ilagho Jiboie Kwa Wandu Wose

¹⁶ Nawo wikatumbulia, “Isanga ja mighondinyi ndejidikatagha, na Wakanaani wikaiagha kirindinyi weko na magare gha chuma, awo wose wikaiagha Beth-sheani na mizi iko mbai mbai, na awo wikaiagha vololonyi ya Jezreeli.”

JOSHUA 17:16 ပူးပေါင်းရင်းမြစ်များ

1 WAZURI 18:45

Kapindi katini tu, mlungunyi kukakamba mawingu gha chilu, na mbeo ikazoya kuweta; vua ikanya mbaa nandighi. Ahabu ukajoka cha Jezreeli.

1 WAZURI 18:46

Ndighi ra BWANA rikamchea Elija, ukakufunga nguwo rake kiwonunyi kwake, ukakimbia na kumuida Ahabu hata Jezreeli.

1 WAZURI 21:1

Nabothi Mjezreeli orekoghe na mbuwa ya mizabibu kaavui na ngome ya Mzuri Ahabu.

1 WAZURI 21:23

Na kwa wundu ghwa Jezebeli BWANA waghamba kukaia koshi richaja nyama ya mumbi ghwake mpakenyi ghwa Jezreeli.

1 WAZURI 4:12

Baana mwana Ahiludi wa isanga ja Taanaki, Megido na Beth-sheani yose iko mbai na mbai ya Zarethani nandonyi ya Jezreeli, na kufuma Beth-sheani hata Abel-mehola, hata kimonu cha Jokmeamu;

2 WAZURI 9:10

Koshi richaja nyama ya Jezebeli a isangenyi ja Jezreeli, na mndungi ndechaamrika anduangi.” Nyuma ya kughora agho, uja mlodi wa irika ukarughua mnyango, ukafuma ukakimbia.

2 WAZURI 9:37

Na masighariko ghake ghichasasarwa sa mavi a mbuwenyi, mlambenyi ghwa Jezreeli, hata mndungi usedime kutambua wei uhu nuo Jezebeli.’”

JEREMIA 49:2

Olenyi matuku ghichacha, nani nichabonya kililo cha wandu chisikirike muzi ghwa Raba ghuko kwa Waamoni, nagho ghuchasighwa mduu, na mizi yaro mitini ichakorwa; niko aho Israeli ichawunja isanga jake, waghamba BWANA.

JOSHUA 15:56

Jezreeli, Jokdeamu, Zanoa,

JOSHUA 17:11

Andenyi ya isanga ja Isakari na Asheri, Manase orepatireghe muzi ghwa Beth-sheani na Ibleani chiaimweri na mizi yaro mitini mitini, chiaimweri na wandu werekoghe mizi ya Dori, Endori, Taanaki, Megido, na mizi yaro mitini ya mbai mbai; muzi ghwa kadadu ni Nafati.

JOSHUA 17:15

Niko Joshua ukawitumbulia, “Ikakaia inyo mwakaia wengi, na isanga ja mighondinyi ja Efraimu ndejimkatagha, basi ngienyi cha msidunyi, mdeme icho kilemba mkupatire andu kokaia kwa Waperizi, na kwa Warefai.”

JOSHUA 17:17

Joshua ukawizera mbari ya Efraimu na mbari ya Manase iko cha magharibi, “Ni loli moko wengi, sena moko na ndighi; kwa huwo mchachurilwa ifungu jimu.

JOSHUA 17:18

Isanga ja mighondinyi jichakaia jenyu. Hata ngera ni ja msidu mchadema icho kilemba; jipate kuwuya ifwa jenyu kufuma kutua uku hata kutua kuja. Maza ra Wakanaani, mchawiwinga noko, hata ngera weko na magare gha chuma na kukaia na ndighi.”

JOSHUA 19:18

Isanga jake jerekoghe ni Jezreeli, Kesulothi, Shunemu,

WATANYI 1:19

BWANA ukawitesia wandu wa Juda kujiwusa isanga ja mighondinyi, ela wikalemwa ni kuwiwinga wandu werekoghe wikikaia kirindinyi, angu awo werekoghe na magare gha chuma.

WATANYI 4:13

ukafunya magare ghake gha chuma maghana ikenda, na wandu wake wose orekwanyeghe nawo, kufuma Haroshethi ya wandu wa mbari zima, hata Moda ghwa Kishoni.

WATANYI 4:3

Jabini orekoghe na magare gha chuma maghana ikenda, nao ukawibonyera nguma wandu wa Israeli kwa kinyanya na lung'eto kwa miaka mirongo iwi. Wandu wa Israeli wikamlilia BWANA upate kuwitesia.

WATANYI 6:33

Niko Wamidiani, Waamaleki na wandu wose wa Mashariki wikakwana chiaimweri, wikaruwuka Moda ghwa Jordani na kubonya kambi aja vololonyi ya Jezreeli.

1 SAMUELI 29:1

Nao Wafilisti wikakwanya majeshi ghawo aja Afeki; na Waisraeli wikabonya kambi aja ndorienyi iko Vololo ya Jezreeli.