JOSHUA 17:11 - Biblia Ilagho Jiboie Kwa Wandu Wose

¹¹ Andenyi ya isanga ja Isakari na Asheri, Manase orepatireghe muzi ghwa Beth-sheani na Ibleani chiaimweri na mizi yaro mitini mitini, chiaimweri na wandu werekoghe mizi ya Dori, Endori, Taanaki, Megido, na mizi yaro mitini ya mbai mbai; muzi ghwa kadadu ni Nafati.

JOSHUA 17:11 ပူးပေါင်းရင်းမြစ်များ

2 SAMUELI 21:12

Daudi ukaghenda na kuwusa maindi gha Sauli na mwana wake Jonathani kufuma kwa wandu wa Jabeshi-gileadi awo wereghiiwieghe kufuma kiwachenyi cha wandu wose aho Beth-shani andu Wafilisti werewinyonyoshereghe ngelo Wafilisti werewibwaghieghe aighu ya Mghondi ghwa Gilboa.

1 WAZURI 9:15

Mzuri Solomoni oretumieghe wandu wa kazi redumikishwa kuiagha Hekalu na ngome ya mzuri, na viluwatiro vemazira, na wurigha ghwa muzi ghwa Jerusalemu, na Hazori, na Megido, na Gezeri.

2 WAZURI 9:27

Ahazia mzuri wa Juda uendawona agho, ukakimbia chia ya Beth-hagani. Jehu ukamnugha ukighamba, “Nao moni mlasenyi wokoni.” Wikamlasa uko igarenyi kwake, ingelo orekoghe ukighenda Guri, kaavui na muzi ghwa Ibleamu, wikamshoghonua. Ukakimbia hata Megido, nao ukafuya aho.

1 MALAGHO GHA NGELO 6:70

na kufuma kwa nusu ya kichuku cha Manase werenekeloghe Aneri chiaimweri na milamba yaro elishira; na Bileamu chiaimweri na milamba yaro elishira. Ihi ni kwa wundu ghwa nyumba risigharikie ra Wakohathi.

1 MALAGHO GHA NGELO 7:29

Kichuku cha Manase cherewusireghe mizi ya Beth-sheani na mizi yaro, Taanaki na mizi yaro, Megido na mizi yaro na Dori na mizi yaro. Wana wa Josefu mwana wa Israeli, werekoghe wikikaia aho.

2 MALAGHO GHA NGELO 35:22

Hata huwo saki Josia nderemsikireghe, ela ukakughalusa moni upate kulwa nao. Oreleghieghe kusikira malagho gha Neko ghighorelo ni Mlungu; ukangia wudenyi wurindinyi ghwa Megido.

ZABURI 83:10

awo weretotesheroghe aja Endori, wikawuya kitungasi cha ndoe.

JEREMIA 49:2

Olenyi matuku ghichacha, nani nichabonya kililo cha wandu chisikirike muzi ghwa Raba ghuko kwa Waamoni, nagho ghuchasighwa mduu, na mizi yaro mitini ichakorwa; niko aho Israeli ichawunja isanga jake, waghamba BWANA.

ZEKARIA 12:11

Ituku ijo kililo cha Jerusalemu chichakaia kibaa sa kililo cha Hadadi-rimoni wurindinyi ghwa Megido.

JOSHUA 11:2

na kwa wazuri wa masanga gha mighondinyi cha kaskazinyi, andenyi Vololonyi ya Jordani, na kusinyi ya Ndiwa ya Galilaya mighondinyi mitini cha Nafoth-dori.

JOSHUA 12:21

Taanaki, Megido,

JOSHUA 12:23

Dori cha pwani, Goiimu cha Galilaya,

JOSHUA 16:9

chiaimweri na mizi mitini erekoghe andenyi ya mpaka ghwa Wamanase, ela ikanekwa Waefraimu.

JOSHUA 17:10

Isanga ja Efraimu jerekoghe cha kusinyi, na isanga ja Manase jikakaia cha kaskazinyi, Bahari ya Mediterania ikikaia mpaka ghwawo chia ya magharibi. Isanga ja Asheri jerekoghe chia ya ghadi na ghadi ya kaskazinyi na magharibi, na isanga ja Isakari jikakaia chia ya ghadi na ghadi ya kaskazinyi na mashariki.

JOSHUA 17:16

Nawo wikatumbulia, “Isanga ja mighondinyi ndejidikatagha, na Wakanaani wikaiagha kirindinyi weko na magare gha chuma, awo wose wikaiagha Beth-sheani na mizi iko mbai mbai, na awo wikaiagha vololonyi ya Jezreeli.”

WATANYI 1:27

Kichuku cha Manase ndecherewiwingieghe wandu awo werekoghe wikikaia Beth-sheani chiaimweri na mizi yaro mitini, hata Taanaki na mizi yaro mitini, hata na wandu werekoghe wikikaia Ibleamu na mizi yaro mitini, hata na wandu werekoghe wikikaia Megido, na mizi yaro mitini; Wakanaani ndewererumiriloghe kujisigha ijo isanga.

WATANYI 5:19

“Wazuri wikacha wikalwa, wazuri wa Kanaani wikalwa, aho Taanaki kamoda ka Megido; ndewerepatireghe feza redwa.

1 SAMUELI 28:7

Nao Sauli ukawizera wabaa wake, “Nilolienyi muka ungi ulaghuagha, nipate kukotia malagho kwake.” Wabaa wake wikamzera, “Ola mlaghui umu oko Endori.”

1 SAMUELI 31:10

Wikawika maswagha ghake andenyi ya Hekalu ya mlungu ghwa waka Ashtorethi, na mumbi ghwake wikaghuwamba wurighenyi ghwa Beth-shani.

1 SAMUELI 31:12

wandu wose wiko mang'oni wikalalaghenda chee, wikacha na kughuwusa mumbi ghwa Sauli na ya wana wake kufuma wurighenyi ghwa Beth-shani, wikaireda Jabeshi na kuikora aho.